ബ്ലാക്ക് ഫോറസ്റ്റ്, ജര്‍മ്മനി: പേരില്‍ തന്നെ ഒരല്‍പം വ്യത്യസ്‍തത തോന്നുന്നില്ലേ? ഒരുപാട് മിത്തുകളും വിശ്വാസങ്ങളും ചുറ്റിപ്പറ്റി നില്‍ക്കുന്ന ഒരിടമാണ് ജര്‍മ്മനിയിലെ ബ്ലാക്ക് ഫോറസ്റ്റ്. അതില്‍ പ്രേതകഥകളും പെടുന്നു. ഭയപ്പെടുത്തുന്ന പ്രേതകഥകള്‍ മാത്രമല്ല, നിരവധി അല്ലാത്ത കഥകളും ഇതിനെ ചുറ്റിപ്പറ്റിയുണ്ട്. എന്നാല്‍, റൈന്‍ നദീതീരത്ത് ദീര്‍ഘചതുരാകൃതിയിലായി കിടക്കുന്ന ഈ സ്ഥലത്തിന് ബ്ലാക്ക് ഫോറസ്റ്റ് അഥവാ ഇരുണ്ട വനം എന്ന് പേര് വരാന്‍ കാരണം ഇതൊന്നുമല്ല. നിബിഡമായ വനങ്ങളായതുകാരണം സൂര്യപ്രകാശം അകത്തേക്കെത്താന്‍ വിഷമമാണ്. അതിനാല്‍ത്തന്നെ എപ്പോഴും ഇരുട്ടാണിവിടെ. അതിനാലാണ് ഈ പേര് വന്നത്. ഏതായാലും ഇവിടെ ഭയപ്പെടേണ്ടതായി ഒന്നുമില്ല. ഈ വനത്തിന്‍റെ ഭാഗമായി നിരവധി ഗ്രാമങ്ങളും കാല്‍നടയാത്രക്ക് പറ്റിയ സൗകര്യങ്ങളുമുണ്ട്.
undefined
സ്റ്റാന്‍ടണ്‍ മൂര്‍, യുകെ: നോര്‍ത്തേണ്‍ ഇംഗ്ലണ്ടിലെ സ്റ്റാന്‍ടണ്‍ മൂര്‍ മെഗാലിത്തിക് ശിലകള്‍ കൊണ്ട് അറിയപ്പെടുന്ന സ്ഥലമാണ്. പ്രത്യേകിച്ച് നൈന്‍ ലേഡീസ് സ്റ്റോണ്‍ സര്‍ക്കിള്‍.
undefined
ഓഗിഹാര അഥവാ ആത്മഹത്യാവനം, ജപ്പാന്‍: ജപ്പാനിലെ ഈ വനത്തിന്‍റെ ചിത്രങ്ങള്‍ തന്നെ നിഗൂഢവും ഭയപ്പെടുത്തുന്നതുമാണ്. ഈ നിബിഡവനത്തില്‍ ആര്‍ക്കും എളുപ്പം വഴി നഷ്‍ടപ്പെടാം. ആത്മഹത്യ ചെയ്യാനായും പലരും ഈ വനം തെരഞ്ഞെടുക്കാന്‍ തുടങ്ങിയതോടെ അധികൃതരും ജനങ്ങളും പരിഭ്രാന്തരായി. അങ്ങനെ സംഭവിക്കാതിരിക്കാനുള്ള ചില മുന്‍കരുതലുകളുമെടുത്തു. എന്തിരുന്നാലും സ്വന്തം റിസ്‍കിലാവും ഇവിടേക്ക് ആരെങ്കിലും പോകുന്നത്. ഫുജി പര്‍വതത്തിന്‍റെ അടിത്തട്ടിലുള്ള ഈ വനം മരങ്ങളുടെ കടല്‍ എന്നും അറിയപ്പെടുന്നുണ്ട്.
undefined
ഹോയ ബാഷ്യു ഫോറസ്റ്റ്, റൊമാനിയ: ലോകത്തിലെ തന്നെ ഏറ്റവും നിഗൂഢവനങ്ങളിലൊന്നാണ് ഹോയ ബാഷ്യു ഫോറസ്റ്റ്. ഇവിടെ മരങ്ങള്‍ക്കിടയില്‍ പ്രേതങ്ങളെ കണ്ടുവെന്ന് പറയുന്നവര്‍ നിരവധിയാണ്. മരത്തിന്‍റെ നിഴലോ മറ്റോ ആവാം ഇതിനു കാരണമെങ്കില്‍ക്കൂടിയും ഇവിടെ പ്രേതമുണ്ടെന്നും അല്ലെങ്കില്‍ വേറെന്തോ നിഗൂഢത ഈ വനം ഒളിപ്പിച്ചുവെച്ചിട്ടുണ്ടെന്നും വിശ്വസിക്കുന്നവര്‍ അനവധിയാണ്.
undefined
ക്രൂക്ക് ഫോറസ്റ്റ്, പോളണ്ട്: പോളണ്ടിലുള്ള ക്രൂക്ക് ഫോറസ്റ്റ് അഥവാ കൂനന്‍ കാട് വിചിത്ര രൂപത്തിലുള്ള ചില മരങ്ങളുടെ ഒരു കൂട്ടമാണ്. ഇങ്ങനെയുള്ള 400 പൈന്‍ മരങ്ങളാണ് ഈ കൂനന്‍ കാട്ടിലുള്ളത്. എന്തുകൊണ്ടാണ് ഈ പൈന്‍ മരങ്ങള്‍ക്ക് ഇങ്ങനെ ഒരാകൃതി വന്നതെന്നത് കണ്ടെത്താനായിട്ടില്ല. 1930 -കളിലാണ് ഈ മരങ്ങള്‍ നട്ടുപിടിപ്പിച്ചതെന്ന് കരുതുന്നു. അന്ന് ഈ സ്ഥലം ജര്‍മ്മനിയുടെ അധീനതയിലായിരുന്നു. ഏതായാലും ഇപ്പോഴും കൂനന്‍ കാട് ഒരത്ഭുതം പോലെ നിലനില്‍ക്കുന്നു.
undefined
ഹല്ലെർബോസ്, ബെല്‍ജിയം: ഓരോ വസന്തകാലത്തും അതിശയിപ്പിക്കും വിധം സൗന്ദര്യമുള്ള കാഴ്‍ചകളുമായി വിനോദസഞ്ചാരികളെ അതിശയിപ്പിക്കുന്ന സ്ഥലമാണ് ഹല്ലെര്‍ബോസ്. ബ്ലൂബെല്‍ പുഷ്‍പങ്ങളെങ്ങും നിറഞ്ഞിരിക്കുന്ന സമയത്ത് ഭൂമിയാകെ നീലയോ-വയലറ്റോ കലര്‍ന്ന കാര്‍പെറ്റ് വിരിച്ചപോലെ കാണപ്പെടുന്നു. ഈ മനോഹരമായ ദൃശ്യം കാണാന്‍ നിരവധിപ്പേരാണ് എത്തുന്നത്. 1360 ഏക്കറുകളിലായിക്കിടക്കുകയാണ് ഹല്ലെര്‍ബോസ് വനം.
undefined