സാങ്കേതികവിദ്യ: ഏറ്റവും പുതിയ വാർത്തകളും വിശകലനങ്ങളും

വരാനിരിക്കുന്ന ഐഫോൺ 18 പ്രോ മോഡലുകളിൽ ഡൈനാമിക് ഐലൻഡിന്റെ വലിപ്പം കുറയ്ക്കാൻ ആപ്പിൾ ഒരുങ്ങുന്നു. പൂർണ്ണമായും പുതിയ ഡിസൈനിലേക്ക് മാറുന്നതിന് പകരം, നിലവിലെ കട്ട്‌ഔട്ട് ചെറുതാക്കി ഉപയോക്തൃ അനുഭവം മെച്ചപ്പെടുത്താനാണ് കമ്പനി ലക്ഷ്യമിടുന്നത്. ഇതിനൊപ്പം പുതിയ A20 പ്രോ ചിപ്പ്, മെച്ചപ്പെട്ട ബാറ്ററി, ക്യാമറ തുടങ്ങിയ ഹാർഡ്‌വെയർ നവീകരണങ്ങളും പ്രതീക്ഷിക്കുന്നു.

ചൈനീസ് സ്മാർട്ട്ഫോൺ നിർമാതാക്കളായ ഓപ്പോ, തങ്ങളുടെ പുതിയ ഫ്ലാഗ്ഷിപ്പ് മോഡലായ ഫൈൻഡ് എക്‌സ്9 അൾട്ര ഏപ്രിൽ 21-ന് ആഗോളതലത്തിൽ അവതരിപ്പിക്കും. ക്യാമറയ്ക്ക് പ്രാധാന്യം നൽകുന്ന ഈ ഫോണിനൊപ്പം, 200 മെഗാപിക്സൽ ക്യാമറയോടുകൂടിയ ഫൈൻഡ് എക്‌സ്9എസ് പ്രോയും ചൈനയിൽ പുറത്തിറക്കും. രണ്ട് ഫോണുകളിലും ഹാസൽബ്ലാഡ് സഹകരണത്തോടെയുള്ള ക്യാമറ സാങ്കേതികവിദ്യയാണ് പ്രധാന ആകർഷണം.

രാജ്യത്തെ ഐഫോൺ ഉൾപ്പെടെയുള്ള ആപ്പിൾ ഉപയോക്താക്കൾക്ക് കേന്ദ്ര സൈബർ സുരക്ഷാ ഏജൻസിയായ CERT-In അടിയന്തര മുന്നറിയിപ്പ് നൽകി. ആപ്പിൾ സോഫ്റ്റ്‌വെയറുകളിലെ ഗുരുതരമായ പിഴവുകൾ ഹാക്കർമാർക്ക് ഡാറ്റ ചോർത്താനും ഉപകരണം നിയന്ത്രിക്കാനും അവസരം നൽകുമെന്നും, ഇതിൽനിന്ന് രക്ഷനേടാൻ ഉടൻ സോഫ്റ്റ്‌വെയർ അപ്ഡേറ്റ് ചെയ്യണമെന്നും ഏജൻസി നിർദേശിക്കുന്നു.

ആപ്പിളിന്‍റെ ഐഫോൺ എയർ ഇപ്പോൾ വിലക്കുറവിലൂടെ സമാർട്ട്ഫോൺ വിപണിയിൽ വീണ്ടും ശ്രദ്ധ നേടുന്നു. 1,19,900 വിലയുണ്ടായിരുന്ന ഈ മോഡൽ, ഇപ്പോൾ ഫ്ലിപ്‍കാർട്ടിൽ ബാങ്ക് ഓഫറുകളും എക്സ്ചേഞ്ച് ഡീലുകളും ചേർത്ത് 90,000 രൂപയിൽ താഴെ വിലയിൽ വാങ്ങാം.

വാട്‌സ്ആപ്പ് ആപ്പിൾ കാർ പ്ലേയ്ക്കായി ഒരു നേറ്റീവ് ഫീച്ചർ പരീക്ഷണാടിസ്ഥാനത്തിൽ അവതരിപ്പിക്കുന്നു. ഇത് ഡ്രൈവർമാർക്ക് സമീപകാല ചാറ്റുകൾ കാണാനും വോയിസ് ഡിക്റ്റേഷൻ ഉപയോഗിച്ച് സന്ദേശങ്ങൾ അയക്കാനും കോളുകൾ ചെയ്യാനും സഹായിക്കും. ഡ്രൈവിംഗിനിടെ ശ്രദ്ധ തിരിയാതിരിക്കാനുള്ള സുരക്ഷാ ക്രമീകരണങ്ങളോടെയാണ് ഈ ഫീച്ചർ വരുന്നത്.

നാസയുടെ ഹബിൾ ദൂരദർശിനി ഉപയോഗിച്ച് ശാസ്ത്രജ്ഞർ ഒരു അപൂർവ പ്രതിഭാസം പകർത്തി. സൂര്യനോട് അടുത്ത Comet 41P എന്ന ധൂമകേതുവിന്‍റെ ഭ്രമണം, വാതക ജെറ്റുകളുടെ സ്വാധീനത്താൽ പൂർണ്ണമായും വിപരീത ദിശയിലേക്ക് മാറി. ഈ മാറ്റം ധൂമകേതുവിനെ സ്വയം നശിക്കുന്നതിലേക്ക് നയിച്ചേക്കാമെന്ന് ഗവേഷകർ മുന്നറിയിപ്പ് നൽകുന്നു.

ആപ്പിളിന്‍റെ ആദ്യ ഫോൾഡബിൾ ഐഫോൺ ടെക് ലോകത്ത് വലിയ ചലനങ്ങൾ സൃഷ്‌ടിക്കാൻ ഒരുങ്ങുന്നു. ബുക്ക്-സ്റ്റൈൽ ഡിസൈനിൽ എത്തുന്ന ഈ ഉപകരണം, വലിയ സ്ക്രീനുള്ള കാരണം ഐപാഡിന്‍റെ ആവശ്യം തന്നെ ഇല്ലാതാക്കിയേക്കാം. 'ഐഫോൺ അൾട്ര' എന്ന പേരിൽ പുറത്തിറങ്ങാൻ സാധ്യതയുള്ള ഫോണിന് സ്വയം കേടുപാടുകൾ തീർക്കുന്ന ഗ്ലാസ് പോലുള്ള നൂതന സവിശേഷതകളും പ്രതീക്ഷിക്കുന്നു.

ന്യൂ ജേഴ്‌സി ഇൻസ്റ്റിറ്റ്യൂട്ട് ഓഫ് ടെക്നോളജിയിലെ ശാസ്ത്രജ്ഞർ സൗര കൊടുങ്കാറ്റുകളുടെ ഉറവിടം കണ്ടെത്തി. സൂര്യന്റെ ആഴത്തിലുള്ള 'ടാക്കോക്ലൈൻ' എന്ന പാളിയിലാണ് ഈ പ്രതിഭാസം ആരംഭിക്കുന്നതെന്ന് പഠനം പറയുന്നു. ഈ കണ്ടെത്തൽ ഭാവിയിൽ ബഹിരാകാശ കാലാവസ്ഥാ പ്രവചനങ്ങൾ കൂടുതൽ കൃത്യമാക്കാൻ സഹായിക്കും.

എഐ സാങ്കേതിക വിദ്യയുടെ ദുരുപയോഗം തടയാൻ പുതിയ നിയമം വേണമെന്ന് പാർലമെൻ്റ്റി സ്റ്റാൻഡിങ് കമ്മിറ്റിയുടെ ശുപാർശ. നിലവിലുള്ള നിയമങ്ങളെ മാത്രം ആശ്രയിക്കരുതെന്നും ശുപാർശ.

അമരത്വം എന്ന മനുഷ്യസ്വപ്നം യാഥാർത്ഥ്യമാക്കാൻ ശാസ്ത്രലോകം ശ്രദ്ധ കേന്ദ്രീകരിക്കുന്നത് കുഴിയെലി, കൂനൻ തിമിംഗലം തുടങ്ങിയ ജീവികളിലാണ്. കാൻസറിനെ പ്രതിരോധിച്ച് ദീർഘകാലം ജീവിക്കുന്ന ഈ ജീവികളിലെ സവിശേഷ ജീനുകൾ മനുഷ്യരിലേക്ക് പകർത്തി ആയുർദൈർഘ്യം വർദ്ധിപ്പിക്കാനും വാർദ്ധക്യസഹജമായ രോഗങ്ങളെ തടയാനുമുള്ള വിപ്ലവകരമായ പരീക്ഷണങ്ങളാണ് ഇപ്പോൾ നടക്കുന്നത്.