'വീഡിയോ കണ്ട് കണ്ണ് നിറഞ്ഞുപോയി'; യുവതിയോട് യാത്ര പറയാനെത്തിയത് ആരെന്ന് കണ്ടോ?
മിത്തു എന്നാണ് തത്തയുടെ പേര്. കുറേ കാലമായി ഈ തത്തയെ കാണാറില്ലായിരുന്നു എന്നും താൻ സ്ഥലം മാറിപ്പോകുന്നത് അറിഞ്ഞു വന്നതാണോ എന്നുമൊക്കെ രാധിക ചോദിക്കുന്നുണ്ട്.
Followമനോഹരങ്ങളായ ഒരുപാട് വീഡിയോകൾ ഓരോ ദിവസവും നമ്മൾ സോഷ്യൽ മീഡിയയിൽ കാണാറുണ്ട്. അങ്ങേയറ്റം നെഗറ്റീവായ വീഡിയോകൾക്കിടയിൽ നമ്മുടെ ചുണ്ടിൽ പുഞ്ചിരി വിടർത്തുന്ന തരത്തിലുള്ള വീഡിയോകളായിരിക്കും അവ. അങ്ങനെ മനോഹരമായ ഒരു വീഡിയോയാണ് ഇതും.
മനുഷ്യരും മറ്റ് ജീവജാലങ്ങളും തമ്മിൽ കാലങ്ങളായി മനോഹരമായ ഒരു ബന്ധം നിലനിൽക്കുന്നുണ്ട്. ചിലരാവട്ടെ മറ്റ് മനുഷ്യരേക്കാൾ പക്ഷികളേയും മൃഗങ്ങളേയും സ്നേഹിക്കുന്നവരായിരിക്കും. അങ്ങനെയുള്ള ഒരു വീഡിയോയാണ് ഇത്.
രാധിക എന്ന യുവതിയാണ് വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. ഒരു പക്ഷിനിരീക്ഷകയാണ് രാധിക എന്നാണ് അവരുടെ പ്രൊഫൈലിൽ നിന്നും മനസിലാവുന്നത്. വീട് മാറിപ്പോകാനുള്ള തയ്യാറെടുപ്പിനിടെ ഒരു തത്ത അവളുടെ അരികിലെത്തുന്നതാണ് വീഡിയോയിൽ കാണാനാവുക. ആ തത്തയോട് അവൾ എങ്ങനെയാണ് ഗുഡ്ബൈ പറയുന്നത് എന്നതും വീഡിയോയിൽ കാണാം.
മിത്തു എന്നാണ് തത്തയുടെ പേര്. കുറേ കാലമായി ഈ തത്തയെ കാണാറില്ലായിരുന്നു എന്നും താൻ സ്ഥലം മാറിപ്പോകുന്നത് അറിഞ്ഞു വന്നതാണോ എന്നുമൊക്കെ രാധിക ചോദിക്കുന്നുണ്ട്.
'പാക്കിംഗും ഷിഫ്റ്റിംഗും ഒക്കെയായി ഞങ്ങൾ തിരക്കിലായിരുന്നു. ആ സമയത്ത് വളരെ കാലത്തിന് ശേഷം അവൻ പെട്ടെന്ന് ബാൽക്കണിയിൽ പ്രത്യക്ഷപ്പെട്ടു. മാറിപ്പോകുന്നതിന് മുമ്പ് അവനെ കാണുമെന്ന് ഒരിക്കലും ഞാൻ കരുതിയിരുന്നില്ല. ഇത് വളരെ വൈകാരികമായിരുന്നു. വിടപറയാൻ വന്നതുപോലെയായിരുന്നു അത്. അവൻ പോയ ശേഷം ഞാനവിടെ ഇരുന്നു ചിന്തിച്ചു... ഞാൻ ഈ സ്ഥലം വിട്ടുപോവുകയാണ് എന്ന് അവൻ എങ്ങനെയെങ്കിലും അറിഞ്ഞിരുന്നോ?' എന്നാണ് രാധിക വീഡിയോയുടെ കാപ്ഷനിൽ കുറിച്ചിരിക്കുന്നത്.
ഒരുപാടുപേരാണ് ഈ വൈകാരികമായ വീഡിയോയ്ക്ക് കമന്റുകളുമായി എത്തിയത്. 'കരഞ്ഞുപോയി' എന്നാണ് ഒരാൾ കമന്റ് നൽകിയിരിക്കുന്നത്. 'മിത്തുവിനും നിങ്ങൾക്കും ഇത് വളരെ വൈകാരികമായ നിമിഷമായിരിക്കും' എന്നാണ് മറ്റൊരാൾ കുറിച്ചത്.
അമ്പോ ആരായാലും പേടിക്കും; വാഹനത്തിനടുത്തേക്ക് പാഞ്ഞടുത്ത് ഹിപ്പോ, ഭയന്ന് സഞ്ചാരികൾ, ദൃശ്യങ്ങൾ വൈറൽ
