അപൂര്‍വ മിന്നല്‍ കൊടുങ്കാറ്റ്, അന്തംവിട്ട് ശാസ്ത്രലോകം; സംഭവിച്ചത് ഇത്
ഈ മിന്നല്‍ കൊടുങ്കാറ്റുകള്‍ ആര്‍ട്ടിക് അതിര്‍ത്തിയിലുള്ള ബോറല്‍ വനങ്ങളെ അഗ്നിക്കിരയാക്കുമെന്നാണ് കരുതുന്നത്. വിദൂര പ്രദേശങ്ങളില്‍ ഇതിനകം തീ പടരുന്നുണ്ടെന്നാണ് റിപ്പോര്‍ട്ടുകള്‍.
 )
Followമിന്നല്‍ കൊടുങ്കാറ്റില്‍ അത്ഭുതപ്പെട്ട് ഭൗമശാസ്ത്രജ്ഞര്‍. ആര്‍ട്ടിക്ക് പ്രദേശത്ത് സൈബീരിയയില്‍ നിന്ന് അലാസ്‌കയുടെ വടക്ക് ഭാഗത്തേക്ക് തുടര്‍ച്ചയായി മൂന്ന് തവണയാണ് ഇടിമിന്നലുകള്‍ കൊടുങ്കാറ്റ് പോലെ വീശിയത്. ഇത്തരമൊരു പ്രതിഭാസം കാലാവസ്ഥാ നിരീക്ഷകര്‍ ആദ്യം കാണുകയായിരുന്നു. ആഗോളതാപനത്തോടെ അപൂര്‍വമായിത്തീരുമെന്ന് ശാസ്ത്രജ്ഞര്‍ പറയുന്ന അസാധാരണമായ ഒരു പ്രതിഭാസമാണ് ഇത്. ഈ മിന്നല്‍പ്പിണരുകളെക്കുറിച്ച് കൂടുതല്‍ പറയാന്‍ ശാസ്ത്രലോകത്തിന് ആയിട്ടില്ല. എന്തായാലും ഇതു പോലൊന്ന് ഇതിനു മുന്‍പ് കണ്ടിട്ടില്ലെന്നാണ് ഫെയര്‍ബാങ്ക് നാഷണല്‍ ക്ലൈമറ്റ് സര്‍വീസ് നിരീക്ഷകന്‍ എഡ് പ്ലംബ് പറഞ്ഞത്. ഈ ശനിയാഴ്ചയാണ് ഇത്തരമൊരു കൊടുങ്കാറ്റ് പ്രദേശത്ത് വീശിയടിച്ചത്.
സാധാരണഗതിയില്‍, ആര്‍ട്ടിക് സമുദ്രത്തിന് മുകളിലുള്ള വായു, പ്രത്യേകിച്ച് വെള്ളം മഞ്ഞുമൂടിയപ്പോള്‍, മിന്നല്‍ കൊടുങ്കാറ്റുകള്‍ സൃഷ്ടിക്കാന്‍ ആവശ്യമായ താപം ഉയര്‍ത്തിയിരുന്നില്ല. എന്നാല്‍ കാലാവസ്ഥാ വ്യതിയാനം ലോകത്തിന്റെ മറ്റു ഭാഗങ്ങളെ അപേക്ഷിച്ച് ആര്‍ട്ടിക്ക് പ്രദേശങ്ങളെ വേഗത്തില്‍ ചൂടാക്കുന്നു. കാലാവസ്ഥ മാറുകയാണ്, ശാസ്ത്രജ്ഞര്‍ പറയുന്നു. ആര്‍ട്ടിക് സര്‍ക്കിളിനുള്ളിലെ വേനല്‍ക്കാല മിന്നല്‍ 2010 മുതല്‍ മൂന്നിരട്ടിയായി വര്‍ദ്ധിച്ചുവെന്നാണ് കണക്കു കൂട്ടുന്നത്. കാലാവസ്ഥാ വ്യതിയാനവുമായി നേരിട്ട് ബന്ധപ്പെട്ടിരിക്കുന്ന ഈ പ്രവണത, വിദൂര വടക്കന്‍ സമുദ്രത്തിലെ മഞ്ഞുവീഴ്ച വര്‍ദ്ധിക്കുന്നതുമായി ബന്ധപ്പെട്ടിരിക്കുന്നുവെന്ന് ശാസ്ത്രജ്ഞര്‍ റിപ്പോര്‍ട്ട് ചെയ്തു. കടല്‍ ഐസ് അപ്രത്യക്ഷമാകുമ്പോള്‍, കൂടുതല്‍ വെള്ളം ബാഷ്പീകരിക്കാന്‍ കഴിയും, ഇത് ചൂടാകുന്ന അന്തരീക്ഷത്തിന് ഈര്‍പ്പം നല്‍കുന്നു.
ഈ മിന്നല്‍ കൊടുങ്കാറ്റുകള്‍ ആര്‍ട്ടിക് അതിര്‍ത്തിയിലുള്ള ബോറല്‍ വനങ്ങളെ അഗ്നിക്കിരയാക്കുമെന്നാണ് കരുതുന്നത്. വിദൂര പ്രദേശങ്ങളില്‍ ഇതിനകം തീ പടരുന്നുണ്ടെന്നാണ് റിപ്പോര്‍ട്ടുകള്‍. റഷ്യയിലെ ബോറല്‍ പ്രദേശം മറ്റേതൊരു ആര്‍ട്ടിക് പ്രദേശത്തേക്കാളും കൂടുതല്‍ മിന്നല്‍ നല്‍കുന്നു. 2019 ഓഗസ്റ്റില്‍, ഉത്തരധ്രുവത്തിന്റെ 60 മൈലിനുള്ളില്‍ (100 കിലോമീറ്റര്‍) പോലും മിന്നല്‍ ഇത്തരത്തില്‍ കൊടുങ്കാറ്റു പോലെ വീശിയതായി ഗവേഷകര്‍ കണ്ടെത്തി. അലാസ്‌കയില്‍ മാത്രം, ഇടിമിന്നല്‍ നിലവിലെ കാലാവസ്ഥാ പ്രവണതകള്‍ തുടരുകയാണെങ്കില്‍ നൂറ്റാണ്ടിന്റെ അവസാനത്തോടെ മൂന്നിരട്ടിയായി വര്‍ദ്ധിക്കുമെന്നാണ് പഠനങ്ങള്‍ വെളിപ്പെടുത്തുന്നത്.
മിന്നലിന്റെ ശക്തിയേറിയതോടെ സൈബീരിയയില്‍ അടുത്ത കാലത്തായി കാട്ടുതീ വര്‍ദ്ധിച്ചുവരികയാണ്. ഈ ആഴ്ച, റഷ്യന്‍ സൈന്യം ഏകദേശം 2 ദശലക്ഷം ഏക്കര്‍ (800,000 ഹെക്ടര്‍) വനം കത്തുന്നത് ഒഴിവാക്കാനായി കൂറ്റന്‍ വിമാനത്തില്‍ വെള്ളം പമ്പ് ചെയ്തിരുന്നു.
Read More; അമേരിക്കയില്‍ എരിഞ്ഞടങ്ങിയത് 3,00,000 ഏക്കര്‍ ഭൂമി
