ട്രേഡ്ഇന്‍ ചെയ്യാന്‍ തിരഞ്ഞെടുത്ത ഹാന്‍ഡ്‌സെറ്റുകള്‍ ഉണ്ടെങ്കില്‍ 1,00,999 രൂപയ്ക്ക് വാങ്ങാം. എന്നാല്‍ ഈ ഹാന്‍ഡ്‌സെറ്റുകള്‍ ഏതൊക്കെയാണെന്ന് സാംസങ് വ്യക്തമാക്കിയിട്ടില്ല.
ഉപയോക്താക്കളെ ആകര്‍ഷിക്കാന്‍ സാംസങ്ങ് ഗ്യാലക്സി ഇസഡ് ഫ്‌ലിപ്പിന്റെ വില ഗണ്യമായി കുറച്ചു. ഫോണിന് നേരിട്ട് തന്നെ 7,000 രൂപയാണ് കുറച്ചിരിക്കുന്നത്. സാംസങില്‍ നിന്നുള്ള മടക്കാവുന്ന സ്മാര്ട്ട്ഫോണ് ഇപ്പോള്‍ 1,15,999 രൂപയ്ക്ക് പകരം 1,08,999 രൂപയ്ക്ക് വാങ്ങാന്‍ ലഭ്യമാണ്. എന്നാല്‍, അതിന്റെ ലോഞ്ചിങ് വിലയേക്കാള്‍ 1,000 രൂപ മാത്രമാണ് കുറഞ്ഞിട്ടുള്ളത്. ഗ്യാലക്സി ഇസഡ് ഫ്ലിപ്പ് 1,09,999 രൂപയ്ക്ക് ആരംഭിച്ചെങ്കിലും നികുതി വര്‍ദ്ധനവ് കാരണം അതിന്റെ വില 1,15,999 രൂപയായി ഉയര്‍ന്നിരുന്നു. തിരഞ്ഞെടുത്ത സ്മാര്‍ട്ട്‌ഫോണുകള്‍ക്ക് പകരമായി വാങ്ങുമ്പോള്‍ സാംസങ് ഗ്യാലക്സി ഇസഡ് ഫ്‌ലിപ്പിന് 8,000 രൂപ അധിക കിഴിവും നല്‍കുന്നു.
ട്രേഡ്ഇന്‍ ചെയ്യാന്‍ തിരഞ്ഞെടുത്ത ഹാന്‍ഡ്‌സെറ്റുകള്‍ ഉണ്ടെങ്കില്‍ 1,00,999 രൂപയ്ക്ക് വാങ്ങാം. എന്നാല്‍ ഈ ഹാന്‍ഡ്‌സെറ്റുകള്‍ ഏതൊക്കെയാണെന്ന് സാംസങ് വ്യക്തമാക്കിയിട്ടില്ല. ആമസോണ്‍, സാംസങ്ങിന്റെ ഓണ്‍ലൈന്‍ സ്‌റ്റോര്‍, രാജ്യത്തുടനീളമുള്ള ഓഫ്‌ലൈന്‍ സ്‌റ്റോറുകള്‍ എന്നിവയില്‍ ഓഫര്‍ ലൈവാകുമ്പോള്‍ കൂടുതല്‍ വിശദാംശങ്ങള്‍ പ്രഖ്യാപിക്കുമെന്ന് പ്രതീക്ഷിക്കുന്നു. പ്രമുഖ ബാങ്കുകളില്‍ നിന്ന് 18 മാസം വരെ ചെലവില്ലാത്ത ഇഎംഐ ഓപ്ഷനുകള്‍ നല്‍കുമെന്ന് സാംസങ് പ്രസ്താവനയില്‍ പറഞ്ഞു.
undefined
ഉപഭോക്താക്കള്‍ക്ക് 24-7 ഉപഭോക്തൃ സേവനവും സാംസങ്ങ് നല്‍കുന്നു. മിറര്‍ ഗോള്‍ഡ്, മിറര്‍ പര്‍പ്പിള്‍, മിറര്‍ ബ്ലാക്ക് നിറങ്ങളിലാണ് ഇസഡ് ഫ്ലിപ്പ് വരുന്നു. മടക്കാവുന്ന ഫോണുകള്‍ ശരിയായി ലഭിക്കാനുള്ള സാംസങ്ങിന്റെ രണ്ടാമത്തെ ശ്രമമായിരുന്നു ഗ്യാലക്സി ഇസഡ് ഫ്ലിപ്പ്. 6.7 ഇഞ്ച് എഫ്എച്ച്ഡി + ഇന്‍ഫിനിറ്റി ഫ്‌ലെക്‌സ് ഡിസ്‌പ്ലേയും ഷെല്ലില്‍ സെക്കന്‍ഡറി 1.1 ഇഞ്ച് ഡിസ്‌പ്ലേയുമാണ് സ്മാര്‍ട്ട്‌ഫോണിനുള്ളത്. 8 ജിബി റാമും 256 ജിബി ഇന്റേണല്‍ സ്‌റ്റോറേജുമായി ജോടിയാക്കിയ ഒക്ടാ കോര്‍ ക്വാല്‍കോം സ്‌നാപ്ഡ്രാഗണ്‍ 855+ പ്രോസസറിലാണ് ഇത് പ്രവര്‍ത്തിക്കുന്നത്. ഗ്യാലക്സി ഇസഡ് ഫ്‌ലിപ്പില്‍ രണ്ട് 12 മെഗാപിക്‌സല്‍ പിന്‍ ക്യാമറകളും 10 മെഗാപിക്‌സല്‍ സെല്‍ഫി ക്യാമറയുമുണ്ട്. 15വാട്‌സ് ഫാസ്റ്റ് വയര്‍ഡ് ചാര്‍ജിംഗും വയര്‍ലെസ് ചാര്‍ജിംഗും പിന്തുണയ്ക്കുന്ന 3300 എംഎഎച്ച് ബാറ്ററിയാണ് ഇതിനുള്ളത്.
ഗ്യാലക്സി സ്മാര്ട്ട്ഫോണ് ഉപഭോക്താക്കള്‍ക്കായി സാംസങ് കെയര്‍ + സേവനം ആരംഭിക്കുന്നതിന് സെര്‍വിഫിയുമായി സാംസങ് പങ്കാളികളായിട്ടുണ്ട്. എക്‌സ്‌റ്റെന്‍ഡഡ് വാറന്റി, സ്‌ക്രീന്‍ പരിരക്ഷണം, ആകസ്മികമായ കേടുപാടുകള്‍, ദ്രാവക കേടുപാടുകള്‍, സമഗ്രമായ പരിരക്ഷണം എന്നിങ്ങനെയുള്ള വ്യത്യസ്ത കെയര്‍ + പ്ലാനുകള്‍ കമ്പനി ആരംഭിച്ചു. കൂടാതെ ഉപഭോക്താക്കള്‍ക്ക് അവരുടെ ഗ്യാലക്സി സ്മാര്‍ട്ട്‌ഫോണിനായി തിരഞ്ഞെടുത്ത സ്ഥലങ്ങളില്‍ സൗജന്യ പിക്കപ്പ്, ഡ്രോപ്പ് സൗകര്യം ലഭിക്കും. ഉപയോക്താക്കള്‍ക്ക് ലളിതമായ ട്രാക്കിംഗ് സംവിധാനം ഉപയോഗിച്ച് എവിടെയായിരുന്നാലും ഗ്യാലക്സി സ്മാര്‍ട്ട്‌ഫോണുകളുടെ ക്ലെയിം / റിപ്പയര്‍ നില പരിശോധിക്കാനും കഴിയും.