ലോഞ്ച് ഇവന്റിന് ശേഷം റെഡ്മി നോട്ട് 9 പ്രോ മാക്‌സ് വിലയില്‍ വര്‍ധനവ് രേഖപ്പെടുത്തിയിരുന്നു. കാര്യമായ വിലക്കയറ്റം ഇതിനുണ്ടായി എന്നാണ് വിലയിരുത്തപ്പെടുന്നത്.
മുംബൈ: റെഡ്മി നോട്ട് 9 പ്രോ മാക്‌സിന്റെ ആദ്യ വില്‍പ്പന മെയ് 12ന് ആരംഭിക്കും. വില്‍പ്പന ഉച്ചയ്ക്ക് 12 മണിക്ക് ആരംഭിക്കുമെങ്കിലും വാങ്ങുന്നതിന് ലഭ്യമായ യൂണിറ്റുകളുടെ എണ്ണം ഷവോമി വെളിപ്പെടുത്തിയിട്ടില്ല. പ്രഖ്യാപനം നടന്ന് ഏകദേശം രണ്ട് മാസത്തിന് ശേഷമാണ് വില്‍പ്പന നടക്കുന്നത് എന്നതിനാല്‍ വേണ്ടത്ര യൂണിറ്റുകള്‍ ഉണ്ടായിരിക്കാമെന്നാണ് വിലയിരുത്തല്‍.
ലോഞ്ച് ഇവന്റിന് ശേഷം റെഡ്മി നോട്ട് 9 പ്രോ മാക്‌സ് വിലയില്‍ വര്‍ധനവ് രേഖപ്പെടുത്തിയിരുന്നു. കാര്യമായ വിലക്കയറ്റം ഇതിനുണ്ടായി എന്നാണ് വിലയിരുത്തപ്പെടുന്നത്. 18 ശതമാനം വര്‍ധിച്ച ജിഎസ്ടിക്ക് വിധേയമായി, പ്രാരംഭ വില 16,499 രൂപയായി ഉയര്‍ത്തി. ഇത് നിലവില്‍ 16,999 രൂപയില്‍ ആരംഭിക്കുന്ന പോക്കോ എക്‌സ് 2 ന് തുല്യമാണ്.
undefined
കൂടുതല്‍ ബാറ്ററി ലൈഫ് വിലമതിക്കുന്നവര്‍ക്കാണ് റെഡ്മി നോട്ട് 9 പ്രോ മാക്‌സ്. മാക്‌സ് സ്‌നാപ്ഡ്രാഗണ്‍ 720 ജി ഉപയോഗിക്കുന്നു, ഇത് പോക്കോ എക്‌സ് 2 ലെ 730 ജിയേക്കാള്‍ ശക്തിയേറിയതാണ്. 5000 എംഎഎച്ച് ബാറ്ററി, 6.67 ഇഞ്ച് എഫ്എച്ച്ഡി + ഡിസ്‌പ്ലേ, ക്വാഡ് ക്യാമറ എന്നിവയുള്‍പ്പെടെ നോട്ട് 9 പ്രോ മാക്‌സ് നോട്ട് 9 പ്രോയുമായി മിക്ക സവിശേഷതകളും പങ്കിടുന്നു. എന്നിരുന്നാലും, 64 മെഗാപിക്‌സല്‍ പ്രധാന ക്യാമറ, 33വാട്‌സ് ഫാസ്റ്റ് ചാര്‍ജിംഗ്, 32 മെഗാപിക്‌സല്‍ സെല്‍ഫി ക്യാമറ എന്നിവയാല്‍ മാക്‌സ് വ്യത്യാസപ്പെട്ടിരിക്കുന്നു.
6 ജിബി റാമും 64 ജിബി സ്‌റ്റോറേജുമുള്ള മാക്‌സ് 16,499 രൂപയ്ക്ക് ലഭിക്കും, എന്നാല്‍ നിങ്ങള്‍ സ്‌റ്റോറേജ് 128 ജിബിയിലേക്ക് ഉയര്‍ത്തുകയാണെങ്കില്‍ 17,999 രൂപ നല്‍കേണ്ടിവരും. 8 ജിബി റാമും 128 ജിബി സ്‌റ്റോറേജുമുള്ള ടോപ്പ് എന്‍ഡ് വേരിയന്റിന് 19,999 രൂപയാണ് വില. ഈ വിലയില്‍, റെഡ്മി നോട്ട് 9 പ്രോ മാക്‌സിനേക്കാള്‍ പോക്കോ എക്‌സ് 2-വിനാണ് മൂല്യം. 6.67 ഇഞ്ച് ഡിസ്‌പ്ലേയാണ് പോക്കോ എക്‌സ് 2 വാഗ്ദാനം ചെയ്യുന്നത്, എന്നാല്‍ പുതുക്കിയ നിരക്ക് 120 ഹെര്‍ട്‌സ് ആണ്. അതിശയകരമായ ഫോട്ടോഗ്രാഫി പ്രകടനത്തിലൂടെ സ്വയം തെളിയിച്ച പ്രധാന ക്യാമറയായി 64 മെഗാപിക്‌സല്‍ സോണി ഐഎംഎക്‌സ്686 സെന്‍സറും ലഭിക്കും. 4500 എംഎഎച്ച് ബാറ്ററി ചെറുതാണെങ്കിലും 33വാട്‌സ് ഫാസ്റ്റ് ചാര്‍ജിംഗ് ലഭിക്കും.
റെഡ്മി നോട്ട് 9 പ്രോയും റെഡ്മി നോട്ട് 9 പ്രോ മാക്‌സും പഴയ മോഡലുകളെക്കാള്‍ വലിയ നവീകരണം വാഗ്ദാനം ചെയ്യുന്നുണ്ട്. നിര്‍ഭാഗ്യവശാല്‍, മാക്‌സ് വേരിയന്റ്, കൊവിഡ് 19 കാരണം റിലീസ് ചെയ്യുന്നതില്‍ വലിയ കാലതാമസം നേരിട്ടു. എന്നിരുന്നാലും ആദ്യ വില്‍പ്പന പ്രഖ്യാപിച്ചതിലൂടെ എല്ലാ നഷ്ടങ്ങളെയും മറികടക്കാന്‍ കഴിയുമെന്നാണ് ഷവോമി കരുതുന്നത്.
ആപ്പിള്‍ ചൈനയില്‍ നിന്ന് 20 ശതമാനം നിര്‍മ്മാണം ഇന്ത്യയിലേക്ക് മാറ്റാനൊരുങ്ങുന്നതായി സൂചന
വീട്ടിലിരുന്ന് ജോലി ചെയ്യുന്നവര്‍ക്കായി കൂടുതല്‍ ഡേറ്റ പ്ലാനുകളുമായി ജിയോ, അറിയാം ഇക്കാര്യങ്ങൾ