ആകെ 11 സ്‌പോര്‍ട്‌സ് മോഡുകളുമായാണ് ബാന്‍ഡ് 5 വരുന്നത്, അതില്‍ അഞ്ചെണ്ണം പുതിയവയാണ്. ഈ പുതിയ മോഡുകളില്‍ യോഗ, എലിപ്റ്റിക്കല്‍ മെഷീന്‍, റോയിംഗ് മെഷീന്‍, സ്‌കിപ്പിംഗ് റോപ്പ്, ഇന്‍ഡോര്‍ സൈക്കിള്‍ എന്നിവ ഉള്‍പ്പെടുന്നു.
ദില്ലി: ഷവോമിയുടെ എംഐ ബാന്‍ഡ് 5 ജൂണ്‍ 11ന് വില്‍പ്പന ആരംഭിക്കും. ഇതിന്റെ പ്രധാന സവിശേഷതകള്‍ കമ്പനി വെളിപ്പെടുത്തി. എംഐ ബാന്‍ഡ് 5ല്‍ പുതിയ ഏഴ് സവിശേഷതകളാണ് ഉള്‍ക്കൊള്ളിച്ചിരിക്കുന്നതെന്നു കമ്പനി പറഞ്ഞു. ഇതിലൊരു 1.2 ഇഞ്ച് ഒഎല്‍ഇഡി സ്‌ക്രീന്‍ ആകാവുന്ന എക്‌സ്ട്രാലാര്‍ജ് ഡൈനാമിക് ഡിസ്‌പ്ലേ നല്‍കിയിരിക്കുന്നു. കഴിഞ്ഞ വര്‍ഷം പുറത്തിറങ്ങിയ എംഐ ബാന്‍ഡ് 4 ല്‍ കണ്ടെത്തിയ 0.95 ഇഞ്ച് ഡിസ്‌പ്ലേയേക്കാള്‍ വലുതാണ് ഇത്. വില വെളിപ്പെടുത്തിയിട്ടില്ലെങ്കിലും ബാന്‍ഡ് 4നേക്കാള്‍ അല്‍പം മാത്രം വര്‍ധിക്കാനാണ് സാധ്യതയെന്നാണ് സൂചന.
ഇതിനുപുറമെ, മെച്ചപ്പെടുത്തിയ എസ്പിഒ2 സെന്‍സര്‍ ഉള്‍പ്പെടെയുള്ള പ്രൊഫഷണല്‍ സെന്‍സറുകള്‍ക്കായുള്ള ബാന്‍ഡിന്റെ പിന്തുണയും പുതിയ ഉത്പന്നത്തില്‍ ഷവോമി നല്‍കിയിട്ടുണ്ട്. ഉപയോക്താവിന്റെ സമ്മര്‍ദ്ദവും ശ്വസന പ്രവര്‍ത്തനവും അളക്കുന്നതിന് ഒരു പ്രത്യേക സെന്‍സറും ഇതില്‍ ഉള്‍ക്കൊള്ളിച്ചിരിക്കുന്നു. എംഐ ബാന്‍ഡ്5 പതിനൊന്ന് പ്രൊഫഷണല്‍ സ്‌പോര്‍ട്‌സ് മോഡ് വരെ നല്‍കുന്നു. ഇതില്‍ മാഗ്‌നറ്റിക് ചാര്‍ജിംഗ് സവിശേഷത നല്‍കിയിട്ടുണ്ടെന്നും കമ്പനി വെളിപ്പെടുത്തുന്നു. എന്‍എഫ്‌സി സവിശേഷതയിലൂടെ പേയ്‌മെന്റുകളെ പിന്തുണയ്ക്കുമെന്ന് ബാന്‍ഡ് 5 പറയുന്നു.
undefined
ആകെ 11 സ്‌പോര്‍ട്‌സ് മോഡുകളുമായാണ് ബാന്‍ഡ് 5 വരുന്നത്, അതില്‍ അഞ്ചെണ്ണം പുതിയവയാണ്. ഈ പുതിയ മോഡുകളില്‍ യോഗ, എലിപ്റ്റിക്കല്‍ മെഷീന്‍, റോയിംഗ് മെഷീന്‍, സ്‌കിപ്പിംഗ് റോപ്പ്, ഇന്‍ഡോര്‍ സൈക്കിള്‍ എന്നിവ ഉള്‍പ്പെടുന്നു. ആരോഗ്യത്തോടെ തുടരാന്‍ ആഗ്രഹിക്കുന്ന പ്രവര്‍ത്തന നിലയെക്കുറിച്ച് ഉപയോക്താക്കളെ അറിയിക്കുന്നതിന് ഹൃദയമിടിപ്പ് ഡാറ്റ ഉപയോഗിക്കുന്ന പേഴ്‌സണല്‍ ആക്റ്റിവിറ്റി ഇന്റലിജന്‍സ് (പിഎഐ) ഫംഗ്ഷനുമായി ഇതിനെ ചേര്‍ത്തിട്ടുണ്ട്.
വൈകാതെ, ഇത് ഇന്ത്യയില്‍ ലഭ്യമാക്കുമെന്ന് പ്രതീക്ഷിക്കുന്നു. ബാന്‍ഡ് 4 ഇന്ത്യയിലും 2,299 രൂപ നിരക്കിലാണ് ഇപ്പോള്‍ വില്‍ക്കുന്നത്. ഇന്ത്യയില്‍ സമാനമായ വിലയില്‍ തന്നെ ബാന്‍ഡ് 5 വിപണിയിലെത്തുമെന്ന് പ്രതീക്ഷിക്കുന്നു.
ഗൂഗിള്‍മാപ്പ് കാണിച്ചുതരും ആള്‍ക്കൂട്ടം, കൊവിഡ് സാമൂഹിക വ്യാപനം തടയാന്‍ പുതിയ ഫീച്ചര്‍