ഇന്‍ഫിനിക്‌സ് സീറോ 5ജി ഇന്ത്യയില്‍ അതിന്റെ ആദ്യ വില്‍പ്പന ആരംഭിച്ചു. 13 5G ബാന്‍ഡുകള്‍ക്കുള്ള പിന്തുണ, മീഡിയടെക് ഡെന്‍സിറ്റി 900 പ്രോസസര്‍, 48 മെഗാപിക്‌സല്‍ പ്രൈമറി ക്യാമറ, 5000 എംഎഎച്ച് ബാറ്ററി എന്നിവയുള്‍പ്പെടെ നിരവധി സവിശേഷതകളോടെയാണ് ഈ സ്മാര്ട്ട്ഫോണ് വരുന്നത്
ഇന്‍ഫിനിക്‌സ് സീറോ 5ജി (Infinix Zero 5G) ഇന്ത്യയില്‍ അതിന്റെ ആദ്യ വില്‍പ്പന ആരംഭിച്ചു. 13 5G ബാന്‍ഡുകള്‍ക്കുള്ള (13 5G bands) പിന്തുണ, മീഡിയടെക് ഡെന്‍സിറ്റി 900 പ്രോസസര്‍, 48 മെഗാപിക്‌സല്‍ പ്രൈമറി ക്യാമറ,(48 megapixel primary camera) 5000 എംഎഎച്ച് ബാറ്ററി എന്നിവയുള്‍പ്പെടെ നിരവധി സവിശേഷതകളോടെയാണ് ഈ സ്മാര്ട്ട്ഫോണ് വരുന്നത്. ആദ്യമായി വാങ്ങുന്നവര്‍ക്കായി ഇന്‍ഫിനിക്‌സ് സീറോ 5G-യില്‍ ടണ്‍ കണക്കിന് ഡീലുകളും വാഗ്ദാനം ചെയ്യുന്നു.
ഫ്‌ലിപ്പ്കാര്‍ട്ടിന്റെ സ്മാര്‍ട്ട് അപ്ഗ്രേഡ് പ്ലാനിന് കീഴില്‍, 70 ശതമാനം മുന്‍കൂറായി നല്‍കി സീറോ 5ജി സ്വന്തമാക്കാന്‍ അനുവദിക്കുന്നു. ഫോണ്‍ കൈവശം വയ്ക്കാനോ ഫ്‌ലിപ്പ്കാര്‍ട്ടിന് തിരികെ നല്‍കാനോ പദ്ധതിയിട്ടാല്‍ ഒരു വര്‍ഷാവസാനത്തോടെ ശേഷിക്കുന്ന 30 ശതമാനം നല്‍കിയാല്‍ മതി. എന്നാല്‍ നിങ്ങള്‍ സ്മാര്ട്ട്ഫോണ് വാങ്ങുന്നതിന് മുമ്പ്, സീറോ 5G-യുടെ വിലയും സവിശേഷതകളും ശ്രദ്ധിക്കണം.
undefined
ഇന്‍ഫിനിക്‌സ് സീറോ 5ജി സിംഗിള്‍ 8GB വേരിയന്റിന് 19,999 രൂപയ്ക്കാണ് പുറത്തിറക്കിയിരിക്കുന്നത്. സ്മാര്‍ട്ട് അപ്ഗ്രേഡ് പ്ലാന്‍ ഉപയോഗിച്ച്, ഉപയോക്താക്കള്‍ക്ക് ഫോണിന്റെ വിലയുടെ 70 ശതമാനം നല്‍കി 14,098 രൂപയ്ക്കു വാങ്ങാം. ഒരു വര്‍ഷത്തിനുശേഷം, നിങ്ങള്‍ക്ക് ബാക്കി 30 ശതമാനം നല്‍കാം അല്ലെങ്കില്‍ ഫോണ്‍ തിരികെ നല്‍കാം. വീഗന്‍ ലെതര്‍ ബാക്ക് പാനലോടുകൂടിയ സ്‌കൈലൈറ്റ് ഓറഞ്ച്, കോസ്മിക് ബ്ലാക്ക് എന്നിവയുള്‍പ്പെടെ രണ്ട് വര്‍ണ്ണ വകഭേദങ്ങളിലാണ് സ്മാര്ട്ട്ഫോണ് വാഗ്ദാനം ചെയ്യുന്നത്.
6.78-ഇഞ്ച് FHD+ LTPS IPS ഡിസ്പ്ലേ, 120Hz, 240 Hz ടച്ച് സാംപ്ലിംഗ് നിരക്ക് എന്നിവയുമുണ്ട്. 500 NITS പീക്ക് തെളിച്ചത്തോടെയാണ് ഡിസ്പ്ലേ വരുന്നത്. മീഡിയടെക് ഡെന്‍സിറ്റി 900 പ്രൊസസറും 8 ജിബി റാമും 128 ജിബി സ്റ്റോറേജുമാണ് സ്മാര്‍ട്ട്ഫോണിന് കരുത്ത് പകരുന്നത്. ഏറ്റവും പുതിയ LPDDR5 റാം സാങ്കേതികവിദ്യയും വലിയ ഫയലുകള്‍ സംഭരിക്കാനും കൈമാറാനും സഹായിക്കുന്ന അള്‍ട്രാ-ഫാസ്റ്റ് (UFS) 3.1 സ്റ്റോറേജും പിന്തുണയ്ക്കുന്ന ആദ്യത്തെ ഇന്‍ഫിനിക്‌സ് സ്മാര്‍ട്ട്ഫോണാണിത്. ആന്‍ഡ്രോയിഡ് 11 ഔട്ട് ഓഫ് ബോക്സില്‍ പ്രവര്‍ത്തിക്കുന്നു.
ക്യാമറയുടെ കാര്യത്തില്‍, സ്മാര്‍ട്ട്ഫോണിന്റെ പിന്‍ഭാഗത്ത് ട്രിപ്പിള്‍ ക്യാമറ സജ്ജീകരണമുണ്ട്, അതില്‍ 48 മെഗാപിക്‌സല്‍ പ്രൈമറി സെന്‍സര്‍, 13 മെഗാപിക്‌സല്‍ പോര്‍ട്രെയ്റ്റ് ലെന്‍സ്, 2 മെഗാപിക്‌സല്‍ ഡെപ്ത് ലെന്‍സ്, ക്വാഡ് എല്‍ഇഡി ഫ്‌ലാഷ്‌ലൈറ്റുകള്‍ എന്നിവ ഉള്‍പ്പെടുന്നു. ക്യാമറ വിഭാഗത്തിലെ 13 മെഗാപിക്‌സല്‍ പോര്‍ട്രെയിറ്റ് ലെന്‍സ് 2x ഒപ്റ്റിക്കല്‍ സൂം, 30എക്‌സ് ഡിജിറ്റല്‍ സൂം എന്നിവയുമായി വരുന്നു. മുന്‍വശത്ത്, സെല്‍ഫികള്‍ക്കായി 16 മെഗാപിക്‌സല്‍ ക്യാമറയുണ്ട്. 33 വാട്‌സ് ഫാസ്റ്റ് ചാര്‍ജിംഗ് പിന്തുണയുള്ള 5000 എംഎഎച്ച് ഉയര്‍ന്ന ശേഷിയുള്ള ബാറ്ററിയും ടിയുവി റെയിന്‍ലാന്‍ഡ് സാക്ഷ്യപ്പെടുത്തിയ ലോ-കറന്റ് ഫാസ്റ്റ് ചാര്‍ജിംഗ് സാങ്കേതികവിദ്യയും ഉണ്ട്