ചൊവ്വയില്‍ ജീവന്‍ ഒളിച്ചിരിക്കുകയാണോ? നിര്‍ണ്ണായക പഠനം ഇങ്ങനെ
ചൊവ്വയുടെ ഉപരിതലത്തില്‍ പുരാതന ജീവനുവേണ്ടിയുള്ള തിരച്ചില്‍ നാസയുടെ റോവര്‍ പെര്‍സിവറന്‍സ് ആരംഭിച്ചത് ഈ പശ്ചാത്തലത്തിലാണ്. ചൊവ്വയുടെ ഭൂപ്രകൃതിക്ക് തൊട്ടുതാഴെ ജീവന്റെ പരിണാമങ്ങള്‍ ഉണ്ടെന്നു ബ്രൗണ്‍ യൂണിവേഴ്‌സിറ്റിയിലെ ഒരു സംഘം ഗവേഷകര്‍ വ്യക്തമാക്കുന്നു.
 )
Followചൊവ്വയില്‍ ജീവന്‍ ഒളിഞ്ഞിരിക്കുകയാണെന്നു ശാസ്ത്രജ്ഞര്‍. പുതിയ പഠനം അനുസരിച്ച്, ജീവന്‍ നിലനില്‍ക്കുന്നുണ്ടെന്നു തന്നെ ശാസ്ത്രജ്ഞര്‍ ഉറപ്പോടെ കരുതുന്നു. ഭൂഗര്‍ഭജലത്തിന്റെ ഉപരിതലത്തില്‍ ജീവന്റെ സൂക്ഷ്മാണുക്കള്‍ ഉണ്ടെന്നു തന്നെയാണ് നാസയും കരുതുന്നത്. ചൊവ്വയുടെ ഉപരിതലത്തില്‍ പുരാതന ജീവനുവേണ്ടിയുള്ള തിരച്ചില്‍ നാസയുടെ റോവര്‍ പെര്‍സിവറന്‍സ് ആരംഭിച്ചത് ഈ പശ്ചാത്തലത്തിലാണ്. ചൊവ്വയുടെ ഭൂപ്രകൃതിക്ക് തൊട്ടുതാഴെ ജീവന്റെ പരിണാമങ്ങള്‍ ഉണ്ടെന്നു ബ്രൗണ്‍ യൂണിവേഴ്‌സിറ്റിയിലെ ഒരു സംഘം ഗവേഷകര്‍ വ്യക്തമാക്കുന്നു. ചൊവ്വയുടെ ഉപരിതലത്തില്‍ നിന്നുള്ള പാറകളുടെ രാസഘടന പരിശോധിച്ചതില്‍ നിന്നാണ് അവര് ഈ നിഗമനത്തിലെത്തിയത്.
ആ പാറകള്‍ ജലവുമായി നിരന്തരം സമ്പര്‍ക്കം പുലര്‍ത്തുകയാണെങ്കില്‍, ഭൂമിയുടെ ആഴത്തില്‍ നിലനില്‍ക്കുന്നതിന് സമാനമായ സൂക്ഷ്മജീവ സമൂഹങ്ങളെ പിന്തുണയ്ക്കാന്‍ ആവശ്യമായ രാസോര്‍ജ്ജം ഉല്‍പാദിപ്പിക്കുമെന്ന് അവര് നിര്‍ണ്ണയിച്ചു. റേഡിയോലൈസിസ് എന്നാണ് ഈ പ്രതിപ്രവര്‍ത്തനം അറിയപ്പെടുന്നത്. ഇത്, ജലത്തിലെ ഹൈഡ്രജന്‍, ഓക്‌സിജന്‍ ആറ്റങ്ങള്‍ പാറകളിലെ റേഡിയോ ആക്ടീവ് മൂലകങ്ങളിലേക്ക് വിഘടിക്കുമ്പോള്‍ ഉണ്ടാകുന്നതാണത്രേ. ചൊവ്വയിലെ ഉല്‍ക്കാശിലകള്‍ പരിശോധിക്കുമ്പോഴാണ് ഈ വിവരം പുറത്തു വന്നത്. ഇത്, ഗ്രഹത്തിന്റെ ഉപരിതലത്തിന്റെ ഭൂരിഭാഗവും വാസയോഗ്യമാണെന്ന് സൂചിപ്പിക്കുന്നു. ഉപരിതല പര്യവേക്ഷണ ശാസ്ത്രത്തിന്റെ ഏറ്റവും വലിയ സൂചന, ചൊവ്വയില്‍ ഭൂഗര്‍ഭജലമുള്ളിടത്തെല്ലാം, ഉപരിതലത്തിലെ സൂക്ഷ്മജീവികളെ സഹായിക്കാന്‍ ആവശ്യമായ ഊര്‍ജ്ജം ലഭിക്കാന്‍ നല്ല അവസരമുണ്ട് എന്നതാണ്.
'ചൊവ്വയുടെ ഉപരിതലത്തിനടിയില്‍ നിന്ന് ജീവിതം എപ്പോഴെങ്കിലും ആരംഭിച്ചിട്ടുണ്ടോ എന്ന് ഞങ്ങള്‍ക്ക് അറിയില്ല, പക്ഷേ ജീവന്‍ നിലനിര്‍ത്താന്‍ ആവശ്യമായ ഊര്‍ജ്ജം അവിടെയുണ്ടാകുമെന്ന് ഞങ്ങള്‍ കരുതുന്നു.' ബ്രൗണ്‍ യൂണിവേഴ്‌സിറ്റിയിലെ ഗവേഷക ജെസി ടര്‍നാസ് പറയുന്നു. ഈ പ്രവര്‍ത്തനത്തെ സ്ഥിരീകരിക്കാന്‍ ഭൂമിയുടെ ആഴത്തിലുള്ള ബയോമുകളെക്കുറിച്ച് ധാരാളം കണ്ടെത്തലുകള്‍ നടന്നിട്ടുണ്ട്. സൂര്യപ്രകാശത്തിന്റെ അഭാവം മൂലം, പാറകള്‍ ജലവുമായി സമ്പര്‍ക്കം പുലര്‍ത്തുമ്പോള്‍ ഉണ്ടാകുന്ന രാസപ്രവര്‍ത്തനങ്ങളുടെ ഉപോല്‍പ്പന്നങ്ങളില്‍ ഈ ജീവികള്‍ നിലനില്‍ക്കുന്നു. അത്തരം പ്രതിപ്രവര്‍ത്തനങ്ങളിലൊന്ന് റേഡിയോലൈസിസ് ആണ്, ഇത് പാറകളിലെ റേഡിയോ ആക്റ്റീവ് മൂലകങ്ങള്‍ വെള്ളവുമായി പ്രതിപ്രവര്‍ത്തിക്കുമ്പോള്‍ സംഭവിക്കുന്നു. പ്രതിപ്രവര്‍ത്തനം ജല തന്മാത്രകളെ ഹൈഡ്രജന്‍, ഓക്‌സിജന്‍ എന്നിവയിലേക്ക് മാറ്റുന്നു. ഹൈഡ്രജന്‍ ശേഷിക്കുന്ന ഭൂഗര്‍ഭജലത്തില്‍ ലയിക്കുന്നു, അതേസമയം പൈറൈറ്റ് പോലുള്ള ധാതുക്കള്‍ സ്വതന്ത്ര ഓക്‌സിജനെ കുതിര്‍ക്കുകയും സള്‍ഫേറ്റ് ധാതുക്കള്‍ രൂപപ്പെടുത്തുകയും ചെയ്യുന്നു. സൂക്ഷ്മാണുക്കള്‍ അലിഞ്ഞുപോയ ഹൈഡ്രജനെ ഇന്ധനമായി ഉപയോഗിക്കുകയും സള്‍ഫേറ്റുകളില്‍ സൂക്ഷിച്ചിരിക്കുന്ന ഓക്‌സിജനെ ആ ഇന്ധനം 'കത്തിക്കാന്‍' ഉപയോഗിക്കുകയും ചെയ്യുന്നു.
കാനഡയിലെ കിഡ് ക്രീക്ക് മൈന്‍ പോലുള്ള സ്ഥലങ്ങളില്‍ ഇത്തരം സൂക്ഷ്മാണുക്കളെ ഗവേഷകര്‍ കണ്ടെത്തിയിട്ടുണ്ട്, അവിടെ ഉപരിതലത്തിന് താഴെ ഒരു മൈലില്‍ കൂടുതല്‍ ഇത് തഴച്ചുവളരുന്നു. പുതിയ പഠനത്തിനായി, റേഡിയോലൈസിസ് നയിക്കുന്ന ആവാസ വ്യവസ്ഥകള്‍ക്കുള്ള ഘടകങ്ങള്‍ ചൊവ്വയില്‍ നിലനില്‍ക്കുമോ എന്ന് നിര്‍ണ്ണയിക്കാന്‍ ഗവേഷകര്‍ ശ്രമിക്കുന്നു. നാസയുടെ ക്യൂരിയോസിറ്റി റോവറില്‍ നിന്നുള്ള വിവരങ്ങള്‍, ചൊവ്വയില്‍ ഇപ്പോഴും സ്ഥിതിചെയ്യുന്ന മറ്റ് ബഹിരാകാശ പേടകങ്ങള്‍ എന്നിവയില്‍ നിന്നുള്ള വിവരങ്ങളും ചൊവ്വയിലെ ഉല്‍ക്കാശിലകളില്‍ നിന്നുള്ള ഡാറ്റയും സംയോജിപ്പിച്ചാണ് ഗവേഷണം. റേഡിയോലൈസിസിനുള്ള ഘടകങ്ങള്‍ കണ്ടെത്തുകയായിരുന്നു ലക്ഷ്യം. തോറിയം പോലുള്ള റേഡിയോ ആക്ടീവ് ഘടകങ്ങള്‍ നിറഞ്ഞ യുറേനിയം, പൊട്ടാസ്യം; സള്‍ഫേറ്റിലേക്ക് പരിവര്‍ത്തനം ചെയ്യാവുന്ന സള്‍ഫൈഡ് ധാതുക്കള്‍; വെള്ളം കെട്ടാന്‍ മതിയായ സ്ഥലമുള്ള പാറ യൂണിറ്റുകള്‍ എന്നിവ കണ്ടെത്തുകയാണ് ഇനി ഉദ്ദേശം.
ചൊവ്വയിലെ ഉല്‍ക്കാശിലകളില്‍, എല്ലാ ചേരുവകളും ഭൂമിയുടേതുപോലുള്ള ആവാസ വ്യവസ്ഥകളെ സഹായിക്കുന്നതിന് പര്യാപ്തമാണ്. 3.6 ബില്യണ്‍ വര്‍ഷത്തിലേറെ പഴക്കമുള്ള പാറകളില്‍ നിന്ന് ഉത്ഭവിച്ച ഉല്‍ക്കാശയങ്ങളായ റെഗോലിത്ത് ബ്രെസിയാസിനെ സംബന്ധിച്ചിടത്തോളം ഇത് സത്യമാണ്. ഭൂമിയില്‍ നിന്ന് വ്യത്യസ്തമായി, ക്രസ്റ്റല്‍ പാറകളെ നിരന്തരം റീസൈക്കിള്‍ ചെയ്യുന്ന പ്ലേറ്റ് ടെക്‌റ്റോണിക്‌സ് സംവിധാനം ചൊവ്വയില്‍ ഇല്ല. അതിനാല്‍ ഈ പുരാതന ഭൂപ്രദേശങ്ങള്‍ വലിയ തടസ്സമില്ലാതെ തുടരുന്നു. മുന്‍കാല ഗവേഷണങ്ങളില്‍ ചൊവ്വയില്‍ സജീവമായ ഭൂഗര്‍ഭജല സംവിധാനത്തിന്റെ തെളിവുകള്‍ കണ്ടെത്തിയിട്ടുണ്ട്, അതു കൊണ്ടു തന്നെ ഈ ഭൂഗര്‍ഭജലം ഇന്ന് നിലവിലുണ്ടെന്ന് വിശ്വസിക്കാന്‍ കാരണമുണ്ട്. ബ്രൗണ്‍ യൂണിവേഴ്‌സിറ്റി പ്രൊഫസര്‍ ജാക്ക് മസ്റ്റാര്‍ഡ് പറഞ്ഞു.
