നിങ്ങളുടെ പിഎഫ് ബാലൻസ് അറിയണോ? ബാലൻസ് പരിശോധിക്കാനുള്ള നാല് എളുപ്പവഴികളിതാ
സ്വന്തം നിക്ഷേപ പദ്ധതിയിൽ എത്ര രൂപയുുണ്ടെന്നറിയാൻ മിക്ക നിക്ഷേപകർക്കും ആഗ്രഹമുണ്ടാകും. ജീവനക്കാർക്ക് അവരുടെ ഇപിഎഫ് ബാലൻസ് ഓൺലൈനിലും ഓഫ്‌ലൈനിലും പരിശോധിക്കുന്നതിനുള്ള മാർഗങ്ങൾ ഇതാ
 )
Followരാജ്യത്തെ ഏറ്റവും വലിയ നിക്ഷേപ പദ്ധതികളിൽ ഒന്നാണ് പിഎഫ് . ശമ്പള വരുമാനക്കാരുടെ ആശ്വാസം കൂടിയാണ് ഈ നിക്ഷേപപദ്ധതി. പിഎഫ് ഒരു പങ്കാളിത്ത പദ്ധതി ആയതിനാൽ സ്വന്തം നിക്ഷേപ പദ്ധതിയിൽ എത്ര രൂപയുുണ്ടെന്നറിയാൻ മിക്ക നിക്ഷേപകർക്കും ആഗ്രഹമുണ്ടാകും. ജീവനക്കാർക്ക് അവരുടെ ഇപിഎഫ് ബാലൻസ് ഓൺലൈനിലും ഓഫ്‌ലൈനിലും പരിശോധിക്കുന്നതിനുള്ള മാർഗങ്ങൾ നിലവിലുണ്ട്.ജീവനക്കാർക്ക് അവരുടെ ഇപിഎഫ് ബാലൻസ് പരിശോധിക്കാൻ ലഭ്യമായ വിവിധ രീതികൾ നോക്കാം:
മിസ്‌ഡ് കോൾ:യുഎഎൻ (യൂണിവേഴ്‌സൽ അക്കൗണ്ട് നമ്പർ) പോർട്ടലിൽ നിങ്ങളുടെ മൊബൈൽ നമ്പർ രജിസ്റ്റർ ചെയ്യുകയും ആക്‌റ്റിവേറ്റ് ചെയ്യുകയും , നിങ്ങളുടെ യുഎഎൻ-നായി കെവൈസി പൂർത്തിയാക്കിയിട്ടുമുണ്ടെങ്കിൽ, ഒരു മിസ്‌ഡ് കോൾ നൽകി നിങ്ങളുടെ ഇപിഎഫ് ബാലൻസ് പരിശോധിക്കാം. നിങ്ങളുടെ യുഎഎൻ-ൽ രജിസ്റ്റർ ചെയ്ത മൊബൈൽ നമ്പറിൽ നിന്ന് 011-22901406 എന്ന് ഡയൽ ചെയ്യുക. നിങ്ങളുടെ ബാലൻസിനെയും നിങ്ങളുടെ പിഎഫ് അക്കൗണ്ടിലേക്ക് അവസാനം നൽകിയ സംഭാവനയെയും കുറിച്ചുള്ള വിശദാംശങ്ങളടങ്ങിയ ഒരു സന്ദേശം നിങ്ങൾക്ക് ലഭിക്കും.
എസ്എംഎസ്: ഇപിഎഫ്ഒയിൽ നിങ്ങളുടെ യുഎഎൻ രജിസ്റ്റർ ചെയ്യുന്നതിലൂടെ, എസ്എംഎസ് അയച്ചുകൊണ്ടും നിങ്ങളുടെ പിഎഫ് ബാലൻസ് പരിശോധിക്കാം. EPFOHO UAN ENG എന്ന സന്ദേശം അയയ്‌ക്കുക, അതിൽ യുഎഎൻ നിങ്ങളുടെ സ്വകാര്യ യുഎഎൻ ആണ്, ENG എന്നത് നിങ്ങൾക്ക് ആവശ്യമുള്ള ഭാഷയുടെ ആദ്യത്തെ മൂന്ന് പ്രതീകങ്ങളാണ്. 7738299899 എന്ന നമ്പറിലേക്ക് ഈ സന്ദേശം അയയ്‌ക്കുക, നിങ്ങളുടെ പിഎഫ് ബാലൻസ് വിശദാംശങ്ങൾ അടങ്ങിയ സന്ദേശം നിങ്ങൾക്ക് ലഭിക്കും.
ഇപിഎഫ്ഒ ഓൺലൈൻ പോർട്ടൽ: ഇപിഎഫ്ഒ ഓൺലൈൻ പോർട്ടൽ മുഖേനയും ബാലൻസ് ചെക്ക് ചെയ്യാം. ഇതിനായി ഇപിഎഫ്ഒ വെബ്‌സൈറ്റ് സന്ദർശിച്ച് 'ഞങ്ങളുടെ സേവനങ്ങൾ' എന്ന ഓപ്ഷൻ തെരഞ്ഞെടുത്ത്, ഫോർ എംപ്ലോയീസ് എന്നതിൽ നിന്നും' 'സർവീസസ് ക്ലിക്ക് ചെയ്ത് 'മെമ്പർ പാസ്ബുക്ക്' ഓപ്ഷൻ തിരഞ്ഞെടുക്കുക. നിങ്ങളുടെ പാസ്ബുക്ക് കാണുന്നതിന്, നിങ്ങളുടെ യുഎഎൻ, പാസ്‌വേഡ് എന്നിവ നൽകുക. ഈ സേവനങ്ങൾ ലഭ്യമാകുന്നതിനായി തൊഴിൽ ദാതാവ് നിങ്ങളുടെ യുഎഎൻ പരിശോധിച്ചുറപ്പിക്കുകയും ആക്ടിവേറ്റ് ചെയ്യുകയും വേണം.
ഉമാംഗ് മൊബൈൽ ആപ്ലിക്കേഷൻ: പിഎഫ് ബാലൻസ് പരിശോധിക്കുന്നതിനുള്ള പ്രക്രിയ ലളിതമാക്കാൻ സർക്കാർ അവതരിപ്പിച്ചതാണ് ഉമാംഗ് ആപ്പ് . ഇപിഎഫ് ബാലൻസ് അറിയുന്നതിന് 'വ്യൂ പാസ്ബുക്ക് ' ഓപ്ഷൻ ക്ലിക്ക് ചെയ്ത് യുഎഎൻ അടക്കമുള്ള ക്രെഡൻഷ്യലുകൾ നൽകുക. തുടർന്ന് മൊബൈലിൽ ലഭിക്കുന്ന ഒടിപി കൂടി നൽകി നടപടിക്രമങ്ങൾ തുടരുക
ഏഷ്യാനെറ്റ് ന്യൂസ് ലൈവ് യുട്യൂബില്‍ കാണാം
