കമ്പനിയിൽ അഞ്ച് വർഷം പൂർത്തിയാക്കിയില്ലെങ്കിലും ഗ്രാറ്റുവിറ്റി ക്ലെയിം ചെയ്യാം; നിയമം പറയുന്നത്, വിവരങ്ങൾ
സാധാരണഗതിയിൽ, ഒരു കമ്പനിയിൽ കുറഞ്ഞത് അഞ്ച് വർഷമെങ്കിലും സേവനമനുഷ്ഠിച്ച ജീവനക്കാർക്കാണ് ഗ്രാറ്റുവിറ്റി നൽകുന്നത്. എന്നാൽ 4.8 വർഷത്തിനോ അതിൽ കുറവോ ആയാലും ഗ്രാറ്റുവിറ്റി ക്ലെയിം ചെയ്യാൻ അനുവദിക്കുന്ന ഒരു വ്യവസ്ഥ ഗ്രാറ്റുവിറ്റി നിയമത്തിലുണ്ട്.
 )
Followദീർഘകാലത്തേക്ക് ഒരു സ്ഥാപനത്തിൽ ജോലി ചെയ്യുന്ന ജീവനക്കാർക്ക് തൊഴിലുടമ നൽകുന്ന തുകയാണ് ഗ്രാറ്റുവിറ്റി. മിക്കവരുടെയും ധാരണ ഗ്രാറ്റുവിറ്റി എന്നത് ജോലിയിൽ നിന്ന് രാജിവെക്കുമ്പോൾ മാത്രം ലഭിക്കുന്നതാണെന്നാണ്, എന്നാൽ അങ്ങനെയല്ല. എത്ര കാലയളവിൽ ജോലി ചെയ്താലാണ് ഗ്രാറ്റുവിറ്റി ലഭിക്കുകയെന്നത് സംബന്ധിച്ച് പലപ്പോഴും തൊഴിലുടമകൾക്കും ജീവനക്കാർക്കും സംശയങ്ങളും തെറ്റിദ്ധാരണകളുമുണ്ടാകാറുണ്ട്. ഗ്രാറ്റുവിറ്റി നിയമത്തെക്കുറിച്ച് കൃത്യമായി അറിയാൻ 1972 ലെ നിയമം എന്തെന്ന് അറിയുക തന്നെ വേണം.
സാധാരണഗതിയിൽ, ഒരു കമ്പനിയിൽ കുറഞ്ഞത് അഞ്ച് വർഷമെങ്കിലും സേവനമനുഷ്ഠിച്ച ജീവനക്കാർക്കാണ് ഗ്രാറ്റുവിറ്റി നൽകുന്നത്. എന്നാൽ 4.8 വർഷത്തിനോ അതിൽ കുറവോ ആയാലും ഗ്രാറ്റുവിറ്റി ക്ലെയിം ചെയ്യാൻ അനുവദിക്കുന്ന ഒരു വ്യവസ്ഥ ഗ്രാറ്റുവിറ്റി നിയമത്തിലുണ്ട്. ഗ്രാറ്റുവിറ്റി നിയമം അനുസരിച്ച്, ഗ്രാറ്റുവിറ്റി പേയ്‌മെന്റ് മൂന്ന് ഘടകങ്ങള ആശ്രയിച്ചിരിക്കുന്നു. ഒന്നാമതായി, ഒരു ജീവനക്കാരൻ കമ്പനിയിൽ നിന്ന് രാജിവെക്കുന്നതിന് മുൻപ് കുറഞ്ഞത് അഞ്ച് വർഷമെങ്കിലും പൂർത്തിയാക്കണം. രണ്ടാമതായി, കമ്പനി അഞ്ച് ദിവസത്തെ വർക്ക് വീക്ക് ഷെഡ്യൂൾ ആണ് ഫോളോ ചെയ്യുന്നതെങ്കിൽ നാല് വർഷവും 190 ദിവസവും ജോലി ചെയ്തിട്ടുണ്ടെങ്കിൽ ഗ്രാറ്റുവിറ്റി ബാധകമാകും. മൂന്നാമതായി ആറ് ദിവസത്തെ വീക് ഷെഡ്യൂളിലാണ് കമ്പനി മുന്നോട്ടു പോകുന്നതെങ്കിൽ നാല് വർഷവും 240 ദിവസവും സേവനം പൂർത്തിയാക്കിയാൽ ഗ്രാറ്റുവിറ്റി ക്ലെയിം ചെയ്യാവുന്നതാണ്.
ഒരു സ്ഥാപനത്തിൽ ജീവനക്കാരൻ നാല് വർഷവും ആറ് മാസവും ജോലിക്ക് ഹാജരായിട്ടുണ്ടെങ്കിൽ, 1972 ലെ ഗ്രാറ്റുവിറ്റിയുടെ പേയ്‌മെന്റ് ആക്‌ട് പ്രകാരം അവർക്ക് ഗ്രാറ്റുവിറ്റിക്ക് അർഹതയുണ്ടെന്നാണ് മുംബൈ ആസ്ഥാനമായുള്ള ഒരു പ്രമുഖ നിയമ സ്ഥാപനത്തിൽ വർക്ക് ചെയ്യുന്ന അഭിഭാഷകനായ ആദിത്യ ചോപ്ര ഗ്രാറ്റുവിറ്റി നിയമത്തിലെ സെക്ഷൻ 4(2) നെ കുറിച്ച് വിശദീകരിച്ചത്. ജീവനക്കാരന്റെ മരണം, അപകടങ്ങളോ അസുഖങ്ങളോ കാരണം ജോലി ചെയ്യാതിരിക്കുന്ന അവസ്ഥ, വിരമിക്കൽ തുടങ്ങിയ സന്ദർഭങ്ങലിലെല്ലാം ഗ്രാറ്റുവിറ്റി ക്ലെയിം ചെയ്യാവുന്നതാണ്. ഇത്തരം സാഹചര്യങ്ങളിൽ, ജീവനക്കാരന്റെ സേവന കാലാവധി അഞ്ച് വർഷം ആകണമെന്ന് നിർബന്ധമില്ലെന്ന് ചുരുക്കം.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
