ഐപിഎല്‍ 2021: വിരാട് കോലിയുടെ ആഹ്ലാദ പ്രകടനം അഭിനയിച്ചുകാണിച്ച് ഡിവില്ലിയേഴ്‌സ്- രസകരമായ വീഡിയോ കാണാം
എതിര്‍ ടീമിലെ വിക്കറ്റ് നഷ്ടമായാലും മത്സരം വിജയിച്ചാലും കോലി കാണിക്കുന്ന ആഘോഷങ്ങള്‍ പോലും ആക്രമണോത്സുകമാണ്. ഇതിനെതിരെ പലരും വിമര്‍ശനങ്ങള്‍ ഉയര്‍ത്തിയിട്ടുണ്ട്.
 )
Followദുബായ്: ആക്രമണോത്സുകതയാണ് റോയല്‍ ചലഞ്ചേഴ്‌സ് ബാംഗ്ലൂര്‍ (Royal Challengers Bangalore) ക്യാപ്റ്റന്‍ വിരാട് കോലിയുടെ (Virat Kohli) മുഖമുദ്ര. എതിര്‍ ടീമിലെ വിക്കറ്റ് നഷ്ടമായാലും മത്സരം വിജയിച്ചാലും കോലി കാണിക്കുന്ന ആഘോഷങ്ങള്‍ പോലും ആക്രമണോത്സുകമാണ്. ഇതിനെതിരെ പലരും വിമര്‍ശനങ്ങള്‍ ഉയര്‍ത്തിയിട്ടുണ്ട്. എന്നാല്‍ കോലിയെ ചിലര്‍ പിന്തുണയ്ക്കാറുമുണ്ട്.
ഐപിഎല്‍ 2021: 'ചെന്നൈയെ തോല്‍പ്പിക്കാന്‍ ഒരേയൊരു വഴി'; എതിരാളികള്‍ക്ക് നിര്‍ദേശവുമായി സെവാഗ്
എതിരാളിയുടെ മനോവീര്യം തകര്‍ക്കുന്ന രീതിയിലാണ് അദ്ദേഹത്തിന്റെ ആക്ഷനെല്ലാം. ഒരു രസകരമായ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. കോലിയുടെ ആഘോഷരീതി ആര്‍സിബിയിലെ (RCB) സഹതാരം എബി ഡിവില്ലിയേഴ്‌സ് (AB De Villiers) അനുകരിക്കുന്നതാണത്. ഇന്നലെ മുംബൈ ഇന്ത്യന്‍സിനെതിരായ (Mumbai Indians) മത്സരത്തിന് ശേഷം ഡ്രസിംഗ് റൂമിലാണ് രസകരമായ സംഭവം നടന്നത്.
ഐപിഎല്‍ 2021: വിലക്കും പിഴയും ഒഴിവാക്കാന്‍ സഞ്ജുവിന് ധോണിയെ മാതൃകയാക്കാം
കോലിയും ഗ്ലെന്‍ മാക്‌സ്‌വെല്ലും (Glenn Maxwell) കൂടി നില്‍ക്കുമ്പോഴാണ് ഡിവില്ലിയേഴ്‌സ് ക്രിക്കറ്റ് ലോകത്തെ പൊട്ടിച്ചിരിപ്പിച്ചത്. രസകരമായ വീഡിയോ കാണാം...
ഇന്നലെ മുംബൈക്കെതിരെ 54 റണ്‍സിനായിരുന്നു ആര്‍സിബിയുടെ ജയം. ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ആര്‍സിബി ആറ് വിക്കറ്റ് നഷ്ടത്തില്‍ 165 റണ്‍സ് നേടി. മുംബൈ 18.1 ഓവറില്‍ 111ന് പുറത്തായി. 10 മത്സരങ്ങളില്‍ 12 പോയിന്റാണ് ആര്‍സിബിക്കുള്ളത്. നിലവില്‍ മൂന്നാം സ്ഥാനത്താണ് അവര്‍.
