ഐപിഎല്‍: പഞ്ചാബിനെതിരെ കരുതലോടെ കൊല്‍ക്കത്ത, ആദ്യ വിക്കറ്റ് നഷ്ടം
ആദ്യ രണ്ടോവറില്‍ 17 റണ്‍സടിച്ച് നല്ല തുടക്കമിട്ട കൊല്‍ക്കത്ത മൂന്നാം ഓവറില്‍ ആദ്യ വിക്കറ്റ് നഷ്ടമായി. ഏഴ് പന്തില്‍ േഴ് റണ്‍സെടുത്ത ശുഭ്മാന്‍ ഗില്ലിനെ വീഴ്ത്തി അര്‍ഷദീപ് സിംഗാണ് പഞ്ചാബിന് ആദ്യ ബ്രേക്ക് ത്രൂ സമ്മാനിച്ചത്.
 )
Followദുബായ്: ഐപിഎല്ലില്‍(IPL 2021) പഞ്ചാബ് കിംഗ്സിനെതിരെ(Punjab Kings) ടോസ് നഷ്ടമായി ബാറ്റിംഗിനിറങ്ങിയ കൊല്‍ക്കത്ത നൈറ്റ് റൈഡേഴ്സിന്(Kolkata Knight Riders) പവര്‍പ്ലേയില്‍ ഭേദപ്പെട്ട തുടക്കം. ഓപ്പണര്‍ ശുഭ്മാന്‍ ഗില്ലിനെ (Shubman Gill)തുടക്കത്തിലെ നഷ്ടമായ കൊല്‍ക്കത്ത ഒടുവില്‍ വിവരം ലഭിക്കുമ്പോള്‍ ഏഴോവറില്‍ ഒരു വിക്കറ്റ് നഷ്ടത്തില്‍ 55 റണ്‍സെടുത്തിട്ടുണ്ട്. 23 പന്തില്‍ 33 റണ്‍സോടെ വെങ്കിടേഷ് അയ്യരും റണ്‍സുമായി 12 പന്തില്‍ 13 റണ്‍സുമായി രാഹുല്‍ ത്രിപാഠിയും ക്രീസില്‍.
നിരാശപ്പെടുത്തി വീണ്ടും ഗില്‍
ആദ്യ രണ്ടോവറില്‍ 17 റണ്‍സടിച്ച് നല്ല തുടക്കമിട്ട കൊല്‍ക്കത്ത മൂന്നാം ഓവറില്‍ ആദ്യ വിക്കറ്റ് നഷ്ടമായി. ഏഴ് പന്തില്‍ േഴ് റണ്‍സെടുത്ത ശുഭ്മാന്‍ ഗില്ലിനെ വീഴ്ത്തി അര്‍ഷദീപ് സിംഗാണ് പഞ്ചാബിന് ആദ്യ ബ്രേക്ക് ത്രൂ സമ്മാനിച്ചത്. വണ്‍ഡൗണായി എത്തിയ രാഹുല്‍ ത്രിപാഠിയുമൊത്ത് മികച്ച കൂട്ടുകെട്ടുണ്ടാക്കിയ വെങ്കിടേഷ് അയ്യര്‍ കൊല്‍ക്കത്തയെ പവര്‍ പ്ലേയില്‍ 48 റണ്‍സിലെത്തിച്ചു.
ഡല്‍ഹി ക്യാപിറ്റല്‍സിനെതിരെ കഴിഞ്ഞ മത്സരം ജയിച്ച ടീമില്‍ രണ്ട് മാറ്റങ്ങങ്ങളോടെയാണ് കൊല്‍ക്കത്ത ഇന്നിറങ്ങുന്നത്. മലയാളി പേസര്‍ സന്ദീപ് വാര്യര്‍ക്ക് പകരം ശിവം മാവിയും ലോക്കി ഫെര്‍ഗൂസന് പകരം ടിം സീഫര്‍ട്ടും കൊല്‍ക്കത്ത ടീമിലെത്തി.
മുംബൈ ഇന്ത്യന്‍സിനെതിരെ കഴിഞ്ഞ മത്സരം തോറ്റ ടീമില്‍ പഞ്ചാബ് മൂന്ന് മാറ്റം വരുത്തിയിട്ടുണ്ട്. ബയോ ബബ്ബിള്‍ സമ്മര്‍ദ്ദം താങ്ങാനാവാതെ ടീം വിട്ട സൂപ്പര്‍ താരം ക്രിസ് ഗെയ്‌‌ലിന് പകരം ഫാബിയന്‍ അലന്‍ പഞ്ചാബ് ടീമിലെത്തി. മന്‍ദീപ് സിംഗിന് പകരക്കാരനായി മായങ്ക് അഗര്‍വാളും മധ്യനിരയില്‍ ഷാരൂഖ് ഖാനും പഞ്ചാബിന്‍റെ അന്തിമ ഇലവനിലെത്തി.
പോയന്‍റ് പട്ടികയില്‍ നാാലം സ്ഥാനത്തുള്ള കൊല്‍ക്കത്തക്കും ആറാം സ്ഥാനത്തുള്ള പഞ്ചാബിനും പ്ലേ ഓഫ് ഉറപ്പിക്കാന്‍ ജയം അനിവാര്യമാണ്. 11 മത്സരങ്ങളില്‍ കൊല്‍ക്കത്തക്ക് 10ഉം പഞ്ചാബിന് എട്ടും പോയന്‍റാണുള്ളത്.
Kolkata Knight Riders (Playing XI): Shubman Gill, Venkatesh Iyer, Rahul Tripathi, Eoin Morgan(c), Nitish Rana, Dinesh Karthik(w), Tim Seifert, Sunil Narine, Shivam Mavi, Tim Southee, Varun Chakaravarthy.
Punjab Kings (Playing XI): KL Rahul(w/c), Mayank Agarwal, Aiden Markram, Nicholas Pooran, Shahrukh Khan, Deepak Hooda, Fabian Allen, Nathan Ellis, Mohammed Shami, Ravi Bishnoi, Arshdeep Singh.
