'രണ്ടുമൂന്ന് വര്‍ഷത്തിനുള്ളില്‍ നായകനാവും'; ഇന്ത്യന്‍ യുവതാരത്തിന് സൈമണ്‍ ഡൂളിന്‍റെ പ്രശംസ
ദുബായ്: ഐപിഎല്‍ പതിമൂന്നാം സീസണില്‍ കൊല്‍ക്കത്ത നൈറ്റ് റൈഡേഴ്‌സിനായി തിളങ്ങുന്ന യുവതാരം ശുഭ്‌മാന്‍ ഗില്ലിനെ പ്രശംസകൊണ്ട് മൂടി ന്യൂസിലന്‍ഡ് മുൻ താരവും കമന്റേറ്ററുമായ സൈമണ്‍ ഡൂൾ. ഭാവി നായകനായാണ് 21 വയസുകാരനായ ഗില്ലിനെ ഡൂള്‍ കണക്കാക്കുന്നത്.
)
Follow
സൈമണ്‍ ഡൂളിന്‍റെ വാക്കുകള്‍
രണ്ടുമൂന്ന് വര്‍ഷത്തിനുള്ളില്‍ ഏതെങ്കിലുമൊരു ഐപിഎല്‍ ടീമിനെ ശുഭ്‌മാന്‍ ഗില്‍ നയിക്കുന്നത് കണ്ടാല്‍ അതിശയപ്പെടേണ്ടതില്ല.
)
ദിനേശ് കാര്‍ത്തിക്കിനും ഓയിന്‍ മോര്‍ഗനുമൊപ്പം ഏറെനേരം ചിലവഴിക്കുന്ന ഗില്‍ തന്ത്രങ്ങള്‍ പഠിച്ചെടുക്കുകയാണ്.
കഴിഞ്ഞ 7-9 വര്‍ഷത്തിനിടയിലെ ഏറ്റവും ക്രിയാത്മകമായ ക്യാപ്റ്റന്‍മാരില്‍ ഒരാളായ ബ്രണ്ടന്‍ മക്കല്ലവും കൂടെയുണ്ട്.
ഇവരില്‍ നിന്നെല്ലാം ശുഭ്‌മാന്‍ ഗില്ലിന് ഏറെ പഠിച്ചെടുക്കാനാകുമെന്ന് സൈമണ്‍ ഡൂൾ ഒരു അഭിമുഖത്തില്‍ പറഞ്ഞു.
സീസണില്‍ സണ്‍റൈസേഴ്‌സ് ഹൈദരാബാദിനെതിരെ കൊല്‍ക്കത്ത ആദ്യ ജയം നേടിയപ്പോള്‍ തിളങ്ങിയിരുന്നു ഗില്‍.
പുറത്താകാതെ 62 പന്തില്‍ 70 റണ്‍സാണ് താരം നേടിയത്.
രാജസ്ഥാന്‍ റോയല്‍സിനെതിരായ കഴിഞ്ഞ മത്സരത്തില്‍ 34 പന്തില്‍ 47 റണ്‍സെടുത്ത് ടീമിന്‍റെ ടോപ് സ്‌കോററുമായി.
സണ്‍റൈസേഴ്‌സിനെതിരെ ഗില്‍ നന്നായി കളിച്ചതായും ഏറെ മുന്നോട്ടുപോകാന്‍ കഴിയുമെന്നും ഡൂള്‍.
ക്രീസില്‍ ഒരുവശത്തുണ്ടായ പരിചയസമ്പന്നനും ശാന്തനുമായ മോര്‍ഗന്‍റെ സാന്നിധ്യം യുവതാരത്തിന് തുണയായി എന്ന് വിശ്വസിക്കുന്നതായും സൈമണ്‍ ഡൂൾ കൂട്ടിച്ചേര്‍ത്തു.
