☰
ആദ്യ ഭാര്യയുമായുള്ള വിവാഹമോചനത്തിന് ശേഷം താൻ മദ്യപാനിയായി മാറിയെന്ന് ആമിർ ഖാൻ വെളിപ്പെടുത്തി. വിഷാദരോഗം കാരണം സിനിമകൾ പോലും വേണ്ടെന്ന് വെച്ചെന്നും താരം പറയുന്നു.
മുംബൈ: ആദ്യ ഭാര്യ റീന ദത്തയുമായുള്ള ബന്ധം വേർപെടുത്തിയ ശേഷം താന്‍ തികഞ്ഞ മദ്യപാനിയായി മാറിയിരുന്നുവെന്ന് ആമിർ ഖാൻ വെളിപ്പെടുത്തി. സ്വയം 'ദേവദാസ്' എന്ന് വിളിച്ചിരുന്നു എന്നും ബോളിവുഡ് സൂപ്പര്‍താരം പറയുന്നു. ഒന്നര വർഷത്തോളം താൻ ഒരു അമിത മദ്യപാനിയായി മാറിയെന്ന് അദ്ദേഹം പറഞ്ഞു. വിഷാദരോഗം കാരണം താൻ പ്രോജക്ടുകൾ ഏറ്റെടുക്കാൻ വിസമ്മതിച്ചുവെന്ന് അദ്ദേഹം പറഞ്ഞു.
"റീനയും ഞാനും ആദ്യമായി വേർപിരിഞ്ഞപ്പോൾ, ഏകദേശം രണ്ടോ മൂന്നോ വർഷത്തോളം ഞാൻ ദുഃഖത്തിലായിരുന്നു. ഞാൻ ജോലി ചെയ്യുകയോ തിരക്കഥകൾ കേൾക്കുകയോ ചെയ്തിരുന്നില്ല. വീട്ടിൽ ഒറ്റയ്ക്കായിരുന്നു, ഏകദേശം ഒന്നര വർഷത്തോളം ഞാൻ ധാരാളം മദ്യപിച്ചു. ഞാൻ ഒരു മുഴുകുടിയനായിരുന്നു എന്ന് അറിഞ്ഞാൽ നിങ്ങൾ ഞെട്ടും," ആമിർ ഇൻസ്റ്റന്‍റ് ബോളിവുഡിനോട് പറഞ്ഞു.
വിവാഹമോചനത്തിനുശേഷമുള്ള ജീവിതത്തെക്കുറിച്ച് തനിക്ക് ഒരു ധാരണയുമില്ലായിരുന്നുവെന്നും. വിഷാദരോഗം കാരണം രാത്രി ഉറങ്ങാൻ പോലും ബുദ്ധിമുട്ടിയെന്നും ആമിർ പറഞ്ഞു. "വേർപിരിയലിനുശേഷം, എനിക്ക് എന്തുചെയ്യണമെന്ന് അറിയില്ലായിരുന്നു. എനിക്ക് രാത്രി ഉറങ്ങാൻ കഴിഞ്ഞില്ല, ഞാൻ മദ്യപിക്കാൻ തുടങ്ങി. ഒട്ടും മദ്യപിക്കാത്ത ഒരാളിൽ നിന്ന്, ഒരു ദിവസം ഒരു കുപ്പി കുടിച്ച് തീര്‍ക്കുന്ന ഒരാളായി ഞാൻ മാറി. ഞാൻ ദേവദാസിനെ പോലെയായിരുന്ന. സ്വയം നശിപ്പിക്കാൻ ശ്രമിക്കുന്ന ഒരാൾ. ഒന്നര വർഷം ഞാൻ അത് ചെയ്തു. ഞാൻ കടുത്ത വിഷാദത്തിലായിരുന്നു" അദ്ദേഹം കൂട്ടിച്ചേർത്തു.
ആമിറിന്റെ ആദ്യ ഭാര്യയാണ് റീന ദത്തയായിരുന്നു. ആമിർ തന്റെ കരിയർ ആരംഭിക്കുന്ന 1986-ൽ അവർ വിവാഹിതരായി. 2002-ൽ ആമിറും റീനയും വിവാഹമോചനം പ്രഖ്യാപിച്ചു. അവരുടെ രണ്ട് മക്കളായ ഇറ ഖാൻ, ജുനൈദ് ഖാൻ എന്നിവരെ അവർ തുടർന്നും ഒന്നിച്ചാണ് വളര്‍ത്തിയത്.
2005-ൽ, ആമിർ തന്റെ രണ്ടാമത്തെ ഭാര്യയായ ചലച്ചിത്ര സംവിധായിക കിരൺ റാവുവിനെ വിവാഹം കഴിച്ചു. അവർക്ക് ആസാദ് റാവു ഖാൻ എന്നൊരു മകനുണ്ട്. 2021-ൽ ആമിറും കിരണും പരസ്പരം വേർപിരിഞ്ഞു.
തന്റെ പുതിയ കാമുകി ഗൗരി സ്പ്രാറ്റിനെ മാധ്യമങ്ങൾക്ക് പരിചയപ്പെടുത്തുന്നതിന് മുമ്പ് മാസങ്ങളോളം രഹസ്യമായി ഡേറ്റ് ചെയ്തിരുന്നതിനാൽ ആമിർ അടുത്തിടെ വെളിപ്പെടുത്തിയിരുന്നു.
ജന്മദിനത്തില്‍ ലോകേഷ് പൊട്ടിച്ചത് രജനികാന്തിന്‍റെ 'കൂലിയിലെ' വന്‍ സര്‍പ്രൈസ്; ഞെട്ടി തമിഴ് സിനിമ !
ആമിർ ഖാൻ @ 60: ഇന്ത്യന്‍ സിനിമയിലെ പെർഫെക്ഷനിസ്റ്റിന്‍റെ ജീവിതവും സിനിമയും
