പാപനാശത്ത് മുന്നറിയിപ്പുകളെല്ലാം അവഗണിച്ചു; ഒടുവില്‍, ജിഎസ്ഐയെ നോക്കുകുത്തിയാക്കി കുന്നിടിക്കല്‍, വിവാദം
First Published | Jun 14, 2024, 3:58 PM IST
2014 ല്‍ വര്‍ക്കല പാപനാശം ബീച്ചിന് സമീപം ബലിമണ്ഡപം നിര്‍മാണം തുടങ്ങിയപ്പോൾ തന്നെ, കുന്നിടിച്ചുള്ള നിര്‍മാണങ്ങള്‍ വന്‍ പാരിസ്ഥിതിക ആഘാതത്തിന് വഴിതെളിയിക്കുമെന്ന് ജിയോളജിക്കല്‍ സര്‍വേ ഓഫ് ഇന്ത്യ, സംസ്ഥാന ദുരന്ത നിവാരണ വകുപ്പിന് റിപ്പോർട്ട് നല്‍കിയിരുന്നു. പക്ഷേ, മുന്നറിയിപ്പുകളെല്ലാം അവഗണിക്കപ്പെട്ടു. ഒപ്പം അനധികൃത നിര്‍മ്മാണങ്ങളും തകൃതിയായി നടന്നു. ഓരോ അനധികൃത നിര്‍മ്മാണങ്ങളും ഉയരുമ്പോള്‍ സര്‍ക്കാരും ബന്ധപ്പെട്ട വകുപ്പുകളും കണ്ടില്ലെന്ന് നടിച്ചു. ഒടുവില്‍ കാലവര്‍ഷത്തില്‍ കുന്ന് ഇടിഞ്ഞപ്പോള്‍ ബാക്കി കൂടി ഇടിക്കാനായിരുന്നു കളക്ടറുടെ ഉത്തരവ്. ഉത്തരവ് വിവാദമായപ്പോള്‍ ഉത്തരവ് തന്നെ റദ്ദാക്കപ്പെട്ടു. (റിപ്പോര്‍ട്ട്: സലാം പി ഹൈദ്രോസ്, ചിത്രങ്ങള്‍: പ്രദീപ് പാലവിളാകം)