ടി20 ലോകകപ്പ്: 'തന്ത്രങ്ങളില്‍ പിഴച്ച് ചോദിച്ചുവാങ്ങിയ തോല്‍വി'; ടീം ഇന്ത്യയെ ശകാരിച്ച് മുന്‍താരങ്ങള്‍
First Published | Nov 1, 2021, 2:13 PM ISTദുബായ്: ടി20 ലോകകപ്പില്‍(T20 World Cup 2021) തുടര്‍ച്ചയായ രണ്ടാം പരാജയത്തോടെ സെമി പ്രതീക്ഷകള്‍ തുലാസിലായ ടീം ഇന്ത്യക്കെതിരെ(Team India) മുന്‍താരങ്ങള്‍. ആദ്യ മത്സരത്തില്‍ പാകിസ്ഥാനോട് 10 വിക്കറ്റിന് തോറ്റ ടീം ഇന്ത്യ ന്യൂസിലന്‍ഡിനോട് ഇന്നലെ എട്ട് വിക്കറ്റിന്‍റെ തോല്‍വി വഴങ്ങുകയായിരുന്നു. രണ്ട് മത്സരത്തിലും ആധികാരികമായാണ് എതിരാളികളുടെ ജയം. ഇന്ത്യന്‍ ടീമിന്‍റെ ബാറ്റിംഗ് പരീക്ഷണവും മോശം ഷോട്ട് സെലക്ഷനുമാണ് കൂടുതല്‍ വിമര്‍ശനങ്ങള്‍ക്ക് വഴിവെച്ചത്. വീരേന്ദര്‍ സെവാഗ്(Virender Sehwag), വിവിഎസ് ലക്ഷ്‌മണ്‍(VVS Laxman), ഇര്‍ഫാന്‍ പത്താന്‍(Irfan Pathan) തുടങ്ങിയ മുന്‍താരങ്ങള്‍ വിമര്‍ശകരുടെ കൂട്ടത്തിലുണ്ടായിരുന്നു.