7 അടി ഉയരം, 300 കിലോ ഭാരം, 1.58 കോടിയുടെ വോഡ്ക, അകത്തുള്ളത് 259 ലിറ്റർ
259 ലിറ്റർ പ്രീമിയം വോഡ്കയാണ് ഇതിന്റെ അകത്തുള്ളത്. ഗിന്നസ് വേൾഡ് റെക്കോർഡ്സ് അംഗീകരിച്ച ഈ കുപ്പിയിൽ കലാപരമായ കഴിവുകളും നമുക്ക് കാണാം.
 )
Follow1.5 കോടി രൂപയുടെ വോഡ്ക. അതേ ലോകത്തിലെ തന്നെ ഏറ്റവും വിലയേറിയ വോഡ്‍കയാണിത്. ഗിന്നസ് ബുക്ക് ഓഫ് വേൾഡ് റെക്കോർഡ്സ് ഇത് ലോകത്തിലെ ഏറ്റവും വലിയ വോഡ്ക ബോട്ടിലായി അംഗീകരിച്ച് കഴിഞ്ഞു. 7 അടിയാണ് ഇതിന്റെ ഉയരം. സ്വർണ്ണ നിറത്തിലാണ് കുപ്പി.
ഇതിനെ വെറുമൊരു സിംപിൾ വോഡ്ക കുപ്പി എന്ന് എഴുതിത്തള്ളാൻ പറ്റില്ല. വോഡ്ക പ്രേമികളെയും അവ വാങ്ങി ശേഖരിച്ച് വയ്ക്കുന്നവരെയും എല്ലാം ഉദ്ദേശിച്ച് നിർമ്മിച്ചിരിക്കുന്ന ഒരു കലാസൃഷ്ടി തന്നെയാണ് ഇത്. 300 കിലോഗ്രാമാണ് ഭാരം. ഇത് സ്വന്തമാക്കണമെങ്കിൽ 1.58 കോടി രൂപ വേണം. അതിമനോഹരമായ ഒരു കലാസൃഷ്ടി എന്ന് വേണമെങ്കിൽ ഇതിനെ വിളിക്കാം.
Au Vodka -യിലെ വിദഗ്ദ്ധരാണ് ഈ കുപ്പി നിർമ്മിച്ചിരിക്കുന്നത്. എന്നിരുന്നാലും, ശരിക്കും ഇതിനെ വേറിട്ടതാക്കുന്നത് അതിന്റെ വലിപ്പം തന്നെയാണ്. 259 ലിറ്റർ പ്രീമിയം വോഡ്കയാണ് ഇതിന്റെ അകത്തുള്ളത്. ഗിന്നസ് വേൾഡ് റെക്കോർഡ്സ് അംഗീകരിച്ച ഈ കുപ്പിയിൽ കലാപരമായ കഴിവുകളും നമുക്ക് കാണാം. Au Vodk യുടെ മാനേജിംഗ് ഡയറക്ടർ ചാർലി മോർഗന്റെ ഐഡിയയാണ് ഈ കുപ്പി പിറവി കൊണ്ടത് എന്നും റിപ്പോർട്ടുകൾ പറയുന്നു.
ഇതിന് മുമ്പുള്ള റെക്കോർഡ് ഉടമയായ ചോപിൻ വോഡ്കയുടെ കൈവശം 200 ലിറ്റർ മാത്രമാണുണ്ടായിരുന്നത്. ഇതിലുള്ളത് 259 ലിറ്റർ വോഡ്കയാണ്. എന്തിരുന്നാലും, കുടിക്കാൻ ഇഷ്ടപ്പെടുന്നവരേക്കാളുപരി കുപ്പിയുടെയും ഈ വോഡ്കയുടേയും കലാമൂല്യം കൂടി മനസിലാക്കുന്നവർക്ക് വേണ്ടിയാണ് ഇത് തയ്യാറാക്കിയിരിക്കുന്നത് എന്ന കാര്യത്തിൽ യാതൊരു തർക്കവും വേണ്ട. ഏതെങ്കിലും വൻ സെലിബ്രിറ്റികളോ മറ്റ് വമ്പന്മാരോ ഒക്കെയാവും ഇത് വാങ്ങാനുണ്ടാവുക എന്ന് കരുതുന്നു.
