ലോകത്ത് ഒരു നായയും കള്ളനുമായി ഇത്രയും സൗഹൃദത്തിലായിക്കാണില്ല, വീഡിയോ
ഇത്രയൊക്കെ ചെയ്ത ശേഷം 1.7 ലക്ഷം രൂപ വില വരുന്ന സൈക്കിളുമായിട്ടാണ് കള്ളൻ ഇവിടെ നിന്നും പോകുന്നത്. സാൻ ഡിയാഗോ പൊലീസ് ഡിപാർട്‍മെന്റ് ഈ വീഡിയോ സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്.
 )
Followവളർത്തുനായകളെ ഇഷ്ടമില്ലാത്തവർ വളരെ വളരെ ചുരുക്കമായിരിക്കും. അതുപോലെ തന്നെ പ്രധാനമായും വീട്ടിൽ നായകളെ വളർത്തിക്കൊണ്ടിരുന്നത് വീട്ടിൽ കള്ളന്മാർ വരുമ്പോൾ ഓടിക്കാനും അതിക്രമിച്ച് ആരെങ്കിലും കയറിയാൽ അത് വീട്ടുകാരെ അറിയിക്കാനും മറ്റുമാണ്. എന്നാൽ, അടുത്തിടെ വൈറലായ ഈ വീഡിയോ തികച്ചും വ്യത്യസ്തമാണ്. ഒരു കള്ളനുമായി സൗഹൃദത്തിലാവുന്ന നായയെയാണ് വീഡിയോയിൽ കാണുന്നത്.
ജൂലൈ 15 -ന് കാലിഫോർണിയയിലെ സാൻ ഡിയാഗോയിലാണ് സംഭവം നടന്നത്. കള്ളൻ ഒരു സൈക്കിളാണ് മോഷ്ടിച്ചത്. മോഷ്ടിച്ച സൈക്കിളുമായി ഇയാൾ ഗാരേജിൽ നിന്നും പോകാൻ ശ്രമിക്കവെ ഒരു ഗോൾഡൻ റിട്രീവർ ഇയാളുടെ അടുത്തേക്ക് വരുന്നു. അവിടെ നിന്നും പെട്ടെന്ന് ഓടിപ്പോകാനോ പേടിച്ച് പിന്മാറാനോ ഒന്നും ശ്രമിക്കാതെ ഇയാൾ നായയുമായി സൗഹൃദം സ്ഥാപിക്കുന്നതാണ് വീഡിയോയിൽ കാണാനാവുന്നത്.
മോഷ്ടാവ് നായയുടെ വയറിൽ തടവി കൊടുക്കുന്നതും വീഡിയോയിൽ കാണാം. ഒപ്പം സൈക്കിൾ അവിടെ ഒരു ഭാഗത്ത് വച്ച് അയാൾ നായയുമായി ഒരു സൗഹൃദസംഭാഷണം തന്നെ നടത്തുകയാണ്. ഞാൻ കണ്ടതിൽ വച്ച് ഏറ്റവും കൂളായിട്ടുള്ള നായയാണ് നീ എന്നും ഐ ലവ് യൂ ടൂ എന്നുമൊക്കെ ഇയാൾ നായയോട് പറയുന്നുണ്ട്. നായയുടെ ഉടമയെ കുറിച്ചും ഇയാൾ നായയോട് ചോദിക്കുന്നുണ്ട്.
ഏതായാലും ഇത്രയൊക്കെ ചെയ്ത ശേഷം 1.7 ലക്ഷം രൂപ വില വരുന്ന സൈക്കിളുമായിട്ടാണ് കള്ളൻ ഇവിടെ നിന്നും പോകുന്നത്. സാൻ ഡിയാഗോ പൊലീസ് ഡിപാർട്‍മെന്റ് ഈ വീഡിയോ സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്. ഒപ്പം ഈ മോഷ്ടാവിനെ കണ്ടെത്താൻ സഹായിക്കണം എന്ന് നാട്ടുകാരോട് അപേക്ഷിച്ചിട്ടും ഉണ്ട്.
വീഡിയോ വളരെ പെട്ടെന്ന് തന്നെ സോഷ്യൽ മീഡിയയിൽ വൈറലായി. നിരവധിപ്പേരാണ് വീഡിയോയ്‍ക്ക് രസകരമായ കമന്റുകളുമായി എത്തിയത്. മോഷ്ടാവിനെയും നായയേയും എല്ലാവർക്കും ഇഷ്ടപ്പെട്ടിട്ടുണ്ട് എന്നാണ് കമന്റുകളിൽ നിന്നും മനസിലാകുന്നത്.
