കഴുത്തിൽ പിടിമുറുക്കി കാട്ടുനായ, തന്ത്രപൂർവം കബളിപ്പിച്ച് മാൻ, വൈറലായി കാട്ടിലെ പോരാട്ട വീഡിയോ
വെള്ളത്തിലേക്ക് ഇറങ്ങിയാൽ തന്റെ ഇര നഷ്ടപ്പെടും എന്ന് ഉറപ്പുള്ള നായ അത് സംഭവിക്കാതിരിക്കാൻ പരമാവധി ശ്രമിക്കുന്നു. പക്ഷെ, മാൻ വിജയിച്ചു. തടാകത്തിലേക്ക് ഇറങ്ങി മാൻ രക്ഷപെട്ടെങ്കിലും വിട്ടുകൊടുക്കാൻ മനസ്സ് വരാതെ നായ വീണ്ടും തടാകത്തിന് ചുറ്റും ഓടുന്നു.
 )
Followശക്തികൊണ്ട് നേടാൻ കഴിയാത്തത് ബുദ്ധികൊണ്ട് നേടാം എന്ന് പറയാറില്ലേ. അത് ശരിയാണെന്ന് തെളിയിക്കുകയാണ് കഴിഞ്ഞ ദിവസം സോഷ്യൽ മീഡിയിയിൽ വൈറലായ ഒരു വീഡിയോ. അതിജീവനത്തിനായി ഒരു മാൻ നടത്തുന്ന പോരാട്ടമാണ് വീഡിയോയിൽ. വില്ലൻ മറ്റാരുമല്ല ഒരു കാട്ടുനായയാണ്.
കഴുത്തിൽ പിടിമുറുക്കിയ കാട്ടുനായയോട് ധൈര്യം ഒട്ടും ചോർന്നു പോകാതെ പരാജയപ്പെട്ട് കൊടുക്കാൻ മനസ്സില്ലാതെ പോരാടിയ മാൻ ഒടുവിൽ രക്ഷപെടുന്നതാണ് വീഡിയോയിൽ. ലേറ്റസ്റ്റ് സൈറ്റിങ്സ് എന്ന യുട്യൂബ് ചാനലിൽ പോസ്റ്റ് ചെയ്ത ഈ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്. അനേകം ആളുകളാണ് പോസ്റ്റ് ചെയ്ത് മണിക്കൂറുകൾ പിന്നിടും മുൻപേ ഈ വീഡിയോ കണ്ടത്.
നാടകീയമായ ഒരു ചെയ്സ് രംഗത്തിലാണ് വീഡിയോ ആരംഭിക്കുന്നത്. കീഴ്പ്പെടുത്താനായി കിണഞ്ഞു പരിശ്രമിച്ചുകൊണ്ട് ഒരു കാട്ടുനായ മാനിനെ ഓടിയ്ക്കുന്നു. ഒടുവിൽ ഒരു തടാകക്കരയിൽ വെച്ച് നായ അതിന്റെ പുറകുവശത്തെ കാലിൽ പിടികൂടുന്നു. വെള്ളത്തിലേക്ക് ഇറങ്ങി രക്ഷപ്പെടാൻ മാൻ കഠിനമായി ശ്രമിക്കുന്നത് വീഡിയോയിൽ കാണാം. പക്ഷെ, നായ പിടിവിടുന്നില്ല. ഇതിനിടയിൽ കാലിലെ പിടിവിട്ട് നായ മാനിന്റെ കഴുത്തിൽ പിടുത്തമിടുന്നു. ഈ അവസരം മുതലാക്കി മാൻ അതിനെ തടാകത്തിനുള്ളിലേക്ക് വലിക്കുന്നു.
വെള്ളത്തിലേക്ക് ഇറങ്ങിയാൽ തന്റെ ഇര നഷ്ടപ്പെടും എന്ന് ഉറപ്പുള്ള നായ അത് സംഭവിക്കാതിരിക്കാൻ പരമാവധി ശ്രമിക്കുന്നു. പക്ഷെ, മാൻ വിജയിച്ചു. തടാകത്തിലേക്ക് ഇറങ്ങി മാൻ രക്ഷപെട്ടെങ്കിലും വിട്ടുകൊടുക്കാൻ മനസ്സ് വരാതെ നായ വീണ്ടും തടാകത്തിന് ചുറ്റും ഓടുന്നു. അപ്പോഴാണ് അവിടേയ്ക്ക് ക്ഷണിക്കപ്പെടാത്ത മറ്റൊരു അതിഥി കടന്നു വരുന്നത്. ഒരു സിംഹം ആണത്. സിംഹത്തെ കണ്ടതും കാട്ടുനായ ഭയന്ന് പിന്മാറുന്നിടത്താണ് വീഡിയോ അവസാനിക്കുന്നത്.
സംഭവം നേരിൽ കണ്ട സെറോണ്ടെല്ലയിൽ നിന്നുള്ള ഗൈഡ് ബെഞ്ചി സോംസ് വീഡിയോയ്ക്ക് നൽകിയിരിക്കുന്ന കുറിപ്പ് ഇങ്ങനെയാണ്: നിരാശനായ മാൻ, ഒരു കാട്ടുനായയുടെ വളഞ്ഞിട്ടുള്ള ആക്രണത്തിന് വിധേയനായ മാൻ ഒടുവിൽ രക്ഷപ്പെടാൻ നാടകീയമായ ഒരു മാർഗം തേടുന്നു. തന്റെ എതിരാളിയെ വെള്ളത്തിലേക്ക് വലിച്ചിട്ടുള്ള ഒരു രക്ഷപെടൽ. പക്ഷെ, സിംഹത്തിന്റെ കടന്നു വരവ് ഒരു അപ്രതീക്ഷിത ട്വിസ്റ്റ് തന്നെയാണ്. ഇപ്പോൾ മാനിന്റെ സ്വാതന്ത്ര്യം ആ സിംഹത്തെ ചുറ്റിപ്പറ്റിയാണ്.
ഏതായാലും വീഡിയോ ഇപ്പോൾ ശ്രദ്ധിക്കപ്പെട്ടു കഴിഞ്ഞു.
