'പാടാത്ത പൈങ്കിളി'യിലെ ദേവ ഇനി പഴയ ആളല്ല, പൊലീസ് വേഷത്തിൽ മാസ് ലുക്കിൽ താരം
പ്രൈസ് ഓഫ് പൊലീസ് ഷൂട്ടിംഗ് ലൊക്കേഷനിൽ നിന്നുള്ളതാണ് വീഡിയോ
 )
Followമോഡലിംഗ് രംഗത്തു നിന്ന് അഭിനയ മേഖലയിലേക്ക് എത്തി അവിടെ ചുവടുറപ്പിച്ച താരമാണ് സൂരജ് സൺ. ഷോർട്ട് ഫിലിമുകൾ, മ്യൂസിക് വീഡിയോകൾ, പരസ്യങ്ങൾ തുടങ്ങിയവയിലൂടെയാണ് അദ്ദേഹം തുടക്കത്തിൽ ജനപ്രീതി നേടിയത്. യു ട്യൂബ് വീഡിയോകൾ വഴിയും ഷോർട് ഫിലിമുകളിലൂടെയും പ്രേക്ഷക ശ്രദ്ധ നേടിയെടുത്ത താരത്തിന്റെ ജീവിതത്തിലെ വഴിതിരിവായിരുന്നു പാടാത്ത പൈങ്കിളി പരമ്പര. ജനപ്രീതി നേടിയ സീരിയലിലെ പ്രധാന വേഷത്തിലൂടെ ചുരുങ്ങിയ സമയത്തിനുള്ളിലാണ് സൂരജ് ആസ്വാദകരുടെ പ്രിയം നേടിയെടുത്തത്.
ഇൻസ്റ്റഗ്രാമില്‍ വളരെ സജീവമാണ് സൂരജ് സൺ. തന്റെ പുതിയ ചിത്രങ്ങളെല്ലാം അദ്ദേഹം അവിടെ ആരാധകരുമായി പങ്കുവെക്കാറുണ്ട്. ഇപ്പോൾ താരം പങ്കുവെച്ച പുതിയ വീഡിയോയാണ് ആരാധകർ ഏറ്റെടുത്തിരിക്കുന്നത്. പ്രൈസ് ഓഫ് പൊലീസ് ഷൂട്ടിംഗ് ലൊക്കേഷനിൽ നിന്നുള്ളതാണ് വീഡിയോ. ഒരു മേക്കോവറോടെയാണ് താരം പ്രേക്ഷകർക്ക് മുന്നില്‍ എത്തിയിരിക്കുന്നത്. പോലീസ് വേഷത്തിൽ മാസ്സ് എൻട്രി നടത്തി അടുത്ത് നിൽക്കുന്ന ആളുടെ പോക്കറ്റിൽ നിന്ന് കൂളിംഗ് ഗ്ലാസ്‌ എടുത്ത് വെക്കുകയാണ് വീഡിയോയില്‍ സൂരജ്. സൂരജ് കൂളിംഗ് ഗ്ലാസ്‌ എടുത്തതോടെ മറ്റെയാൾ സൂരജിന്റെ പോലീസ് തൊപ്പി എടുത്ത് പുറത്തേക്ക് പോകുന്നതാണ് വീഡിയോ. തമാശ രീതിയിലാണ് സംഭവം ചിത്രീകരിച്ചിരിക്കുന്നത്. ലൊക്കേഷനിൽ നിന്ന് മറ്റ് വീഡിയോകളും സൂരജ് ആരാധകർക്കായി പങ്കുവെക്കുന്നുണ്ട്. എല്ലാം അവസാനിപ്പിക്കേണ്ടി വരുമെന്ന് കരുതിയിടത്തു നിന്ന് പുതിയ തുടക്കമെന്നാണ് മറ്റൊരു വീഡിയോയിൽ സൂരജ് പറഞ്ഞത്.
ALSO READ : 'ഈ സര്‍വ്വീസ് സ്റ്റോറി പരമ ബോറാണ്'; സിദ്ദിഖിന് വിമര്‍ശനവുമായി ഹരീഷ് പേരടി
വിനീത് ശ്രീനിവാസന്റെ 'ഹൃദയ'ത്തിൽ കല്യാണ ചെക്കനായെത്തിയ സൂരജിപ്പോൾ 'ആറാട്ടുമുണ്ട'നിൽ നായകനുമായി. തറവാട്, കുടുംബം എന്നൊക്കെ പറയില്ലേ? അതാണെനിക്ക്' പാടാത്ത പൈങ്കിളി'. അത്രയ്ക്കും നല്ലൊരു ബ്രാൻഡ് ആണ് സീരിയലിലൂടെ എനിക്ക് കിട്ടിയതെന്നും താരം തുറന്ന് പറഞ്ഞിട്ടുണ്ട്.
