ക്വാട്ടേഴ്സിനുള്ളില് വനം വകുപ്പ് ഉദ്യോഗസ്ഥൻ മരിച്ച നിലയിൽ, പൊലീസ് അന്വേഷണം
എരുമേലി എഴുകുമണ്ണിലിലാണ് വനംവകുപ്പ് ഉദ്യോഗസ്ഥനെ മരിച്ച നിലയില് കണ്ടെത്തിയത്.
![Forest department officer found dead inside quarters, police investigation](https://static-gi.asianetnews.com/images/01hqswdwa6eefvrbph8cv894ws/fotojet---2024-02-29t130119-671.jpg?impolicy=All_policy&im=Resize=(1200) )
കോട്ടയം: ക്വാട്ടേഴ്സിനുള്ളില് വനം വകുപ്പ് ഉദ്യോഗസ്ഥനെ മരിച്ച നിലയില് കണ്ടെത്തി.എരുമേലി എഴുകുമണ്ണിലിലാണ് വനംവകുപ്പ് ഉദ്യോഗസ്ഥനെ മരിച്ച നിലയില് കണ്ടെത്തിയത്. എഴുകുമൺ ഡെപ്യൂട്ടി റേഞ്ച് ഓഫീസറും പാലക്കാട് സ്വദേശിയുമായ രവീന്ദ്രനെ (53)യാണ് ക്വാർട്ടേഴ്സിനുള്ളിൽ മരിച്ച നിലയിൽ കണ്ടെത്തിയത്. ആത്മഹത്യയാണന്നാണ് പ്രാഥമിക നിഗമനമെന്നും കൂടുതല് വിവരങ്ങള് അന്വേഷണത്തിനുശേഷമെ വ്യക്തമാകുകയുള്ളുവെന്നും പൊലീസ് പറഞ്ഞു. സ്ഥലത്ത് പൊലീസെത്തി തുടര് നടപടി സ്വീകരിച്ചു.
ഇന്ക്വസ്റ്റിനുശേഷം മൃതദേഹം പോസ്റ്റ്മോര്ട്ടത്തിനായി കൊണ്ടുപോകും. തുടര്ന്നായിരിക്കും ബന്ധുക്കള്ക്ക് വിട്ടു നല്കുക. പോസ്റ്റ്മോര്ട്ടം റിപ്പോര്ട്ട് ഉള്പ്പെടെ പുറത്തുവന്നാലെ യഥാര്ത്ഥ മരണ കാരണം വ്യക്തമാകുകയുള്ളുവെന്നും പൊലീസ് പറഞ്ഞു. സംഭവത്തില് അസ്വഭാവിക മരണത്തിന് കേസെടുത്ത പൊലീസ് അന്വേഷണം ആരംഭിച്ചു.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056)