നടുക്കടലിൽ ബോട്ടിന്റെ എൻജിൻ നിലച്ചു, തൊഴിലാളികളെ സാഹസികമായി രക്ഷിച്ച് റെസ്ക്യൂ ടീം
കടൽ പ്രക്ഷുബ്ധമായതിനാൽ രക്ഷപ്രവർത്തനം ദുഷ്കരമായിരുന്നെങ്കിലും സാഹസികമായി ഇവരെ കരക്കെത്തിച്ചു. എട്ട് തൊഴിലാളികളാണ് ബോട്ടിലുണ്ടായിരുന്നത്.
![eight fisher men rescued after boat engine off in sea](https://static-gi.asianetnews.com/images/01hz2kbg262m2wfjqd3dryv0mf/img-20240529-wa0151.jpg?impolicy=All_policy&im=Resize=(1200) )
അമ്പലപ്പുഴ: ബോട്ടിൻ്റെ എൻജിൻ തകരാറിലായതിനെത്തുടർന്ന് കടലിൽപ്പെട്ട തൊഴിലാളികളെ രക്ഷപ്പെടുത്തി. തോട്ടപ്പള്ളി ഫിഷറീസ് സ്റ്റേഷൻ്റെ നേതൃത്വത്തിലാണ് രക്ഷാപ്രവർത്തനം നടത്തി തൊഴിലാളികളെ കരക്കെത്തിച്ചത്. തമിഴ്നാട് സ്വദേശി ലിസ്റ്റിന്റെ ഉടമസ്ഥതയിലുള്ള ഷാർജി അമ്മ എന്ന ബോട്ടിൻ്റെ എൻജിനാണ് തകരാറിലായത്. തുടർന്ന് വിവരമറിഞ്ഞ് ആലപ്പുഴ ഫിഷറീസ് റെസ്ക്യൂ ബോട്ട് രക്ഷപ്രവർത്തനത്തിനായി പുറപ്പെട്ടു. കടൽ പ്രക്ഷുബ്ധമായതിനാൽ രക്ഷപ്രവർത്തനം ദുഷ്കരമായിരുന്നെങ്കിലും സാഹസികമായി ഇവരെ കരക്കെത്തിച്ചു. എട്ട് തൊഴിലാളികളാണ് ബോട്ടിലുണ്ടായിരുന്നത്.