ഐപിഎല്‍: മുംബൈക്കെതിരെ രാജസ്ഥാന് മികച്ച തുടക്കം
ട്രെന്‍റ് ബോള്‍ട്ട് എറിഞ്ഞ ഇന്നിംഗ്സിലെ ആദ്യ പന്ത് തന്നെ ബൗണ്ടറി കടത്തിയാണ് ജോസ് ബട്ലര് തുടങ്ങിയത്. എന്നാല്‍ പിന്നീട് ബുമ്രക്കും ബോള്‍ട്ടിനുമെതിരെ തകര്‍ത്തടിക്കാന്‍ ബട്‌ലര്‍ക്കും ജയ്‌സ്വാളിനുമായില്ല.
 )
Followദില്ലി: ഐപിഎല്ലില്‍ മുംബൈ ഇന്ത്യന്‍സിനെതിരെ ബാറ്റ് ചെയ്യുന്ന രാജസ്ഥാന് റോയല്‍സിന് മികച്ച തുടക്കം. പവര്‍പ്ലേയില്‍ കരുതലോടെ കളിച്ച ജോസ് ബട്‌ലറും യശസ്വി ജയ്സ്വാളും ചേര്‍ന്ന് രാജസ്ഥാനെ ആറോവറില്‍ വിക്കറ്റ് നഷ്ടമില്ലാതെ 47 റണ്‍സിലെത്തിച്ചു. 25 പന്തില്‍ 26 റണ്‍സോടെ ബട്‌ലറും 11 പന്തില്‍ 20 റണ്‍സുമായി ജയ്സ്വാളും ക്രീസില്‍.
ബട്ലര് ബൗണ്ടറിയോടെ തുടങ്ങി
ട്രെന്‍റ് ബോള്‍ട്ട് എറിഞ്ഞ ഇന്നിംഗ്സിലെ ആദ്യ പന്ത് തന്നെ ബൗണ്ടറി കടത്തിയാണ് ജോസ് ബട്ലര് തുടങ്ങിയത്. എന്നാല്‍ പിന്നീട് ബുമ്രക്കും ബോള്‍ട്ടിനുമെതിരെ തകര്‍ത്തടിക്കാന്‍ ബട്‌ലര്‍ക്കും ജയ്‌സ്വാളിനുമായില്ല. ബുമ്രയും ബോള്‍ട്ടുമെറിഞ്ഞ ആദ്യ നാലോവറില്‍ 20 റണ്‍സ് മാത്രമെടുത്ത രാജസ്ഥാന് ജയന്ത് യാദവ് എറിഞ്ഞ അഞ്ചാം ഓവറിലാണ് ടോപ് ഗിയറിലായത്. ജയന്ത് യാദവിനെതെ ഫോറും സിക്സും നേടിയ ബട്ലര് ആ ഓവറില്‍ 13 റണ്‍സടിച്ചു.
കോള്‍ട്ടര്‍നൈല്‍ എറിഞ്ഞ പവര്‍പ്ലേയിലെ അവസാന ഓവറില്‍ ഫോറും സിക്സും പറത്തി ജയ്സ്വാളും കരുത്തുകാട്ടിയതോടെ രാജസ്ഥാന് ആറോവറില്‍ 47 റണ്‍സിലെത്തി.
സീസണില്‍ മൂന്നാം ജയം തേടിയാണ് ഇരു ടീമുകളും ഇറങ്ങുന്നത്. മുംബൈയുടെ കരുത്തിനെ എക്കാലത്തും വെല്ലുവിളിച്ച ടീമുകളിലൊന്നാണ് രാജസ്ഥാന് റോയല്‍സ്. പരസ്‌പരം ഏറ്റുമുട്ടിയ 22 കളികളിൽ 11 ജയങ്ങള്‍ വീതമായി കണക്കുകളില്‍ ഒപ്പത്തിനൊപ്പമാണ് ഇരു ടീമുകളും. അതുകൊണ്ടുതന്നെ ഇന്നത്തെ പോരാട്ടം തീ പാറുമെന്നാണ് പ്രതീക്ഷിക്കുന്നത്.
അഞ്ച് കളികളില്‍ രണ്ട് ജയവുമായി മുംബൈ പോയന്‍റ് പട്ടികയില്‍ നാലാം സ്ഥാനത്ത് നില്‍ക്കുമ്പോള്‍ രാജസ്ഥാന് ഏഴാം സ്ഥാനത്താണ്. നെറ്റ് റണ്‍റേറ്റാണ് രാജസ്ഥാനെ പിന്നിലാക്കിയത്.
മുംബൈ ഇന്ത്യന്‍സ് പ്ലേയിംഗ് ഇലവന്‍: Quinton de Kock(w), Rohit Sharma(c), Suryakumar Yadav, Hardik Pandya, Kieron Pollard, Krunal Pandya, Nathan Coulter-Nile, Jayant Yadav, Rahul Chahar, Jasprit Bumrah, Trent Boult
രാജസ്ഥാന് റോയല്‍സ് പ്ലേയിംഗ് ഇലവന്‍: Jos Buttler, Yashasvi Jaiswal, Sanju Samson(w/c), Shivam Dube, David Miller, Rahul Tewatia, Riyan Parag, Chris Morris, Jaydev Unadkat, Chetan Sakariya, Mustafizur Rahman
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
