സൗന്ദര്യമത്സരത്തിന് റംസാൻ തെരഞ്ഞെടുത്തത് നോബിയെ, ബുദ്ധിമത്സരത്തിന് മണിക്കുട്ടൻ തെരഞ്ഞെടുത്തത് സജ്‍നയെ
ബിഗ് ബോസില്‍ എല്ലാ ദിവസവും മോര്‍ണിംഗ് ആക്റ്റിവിറ്റികള്‍ ഉണ്ടാകാറുണ്ട്. ഇന്നും ബിഗ് ബോസ് മോര്‍ണിംഗ് ആക്റ്റിവിറ്റി നല്‍കി. മത്സരാര്‍ഥികള്‍ വിവേചനപൂര്‍വം തന്നെയാണ് ആക്റ്റീവിറ്റി ചെയ്‍തത്. സൗന്ദര്യ മത്സരത്തിനും ബുദ്ധിമത്സരത്തിനും ഓരോ ആളെ തെരഞ്ഞെടുക്കാനായിരുന്നു നിര്‍ദ്ദേശം. ബിഗ് ബോസിന്റെ നിര്‍ദ്ദേശമനുസരിച്ച് മത്സരാര്‍ഥികള്‍ വാശിയോടെ പങ്കെടുത്തു. മോര്‍ണിംഗ് ആക്റ്റിവിറ്റിയിലും മത്സരാര്‍ഥികള്‍ പറയാനുള്ള കാര്യങ്ങള്‍ വ്യക്തമാക്കുകയും ചെയ്‍തു.
)
Followസജ്‍ന വിളിച്ചത് ഭര്‍ത്താവായ ഫിറോസിനെ തന്നെയായിരുന്നു. സൗന്ദര്യവും ബുദ്ധിയും എല്ലാം എന്റെ ഇക്കയാണ് എന്നായിരുന്നു സജ്‍ന പറഞ്ഞത്.
)
മണിക്കുട്ടൻ സൗന്ദര്യ മത്സരത്തിനായി വിളിച്ചത് മജ്‍സിയയെയായിരുന്നു. തട്ടമിടുമ്പോഴുള്ള സൗന്ദര്യത്തെ കുറിച്ച് പറഞ്ഞായിരുന്നു മണിക്കുട്ടൻ മജ്‍സിയയെ വിളിച്ചത്. തട്ടത്തിൻ മറയത്ത് എന്ന സിനിമയില്‍ അഭിനയിച്ച കാര്യവും പറഞ്ഞായിരുന്നു മജ്‍സിയയെ ക്ഷണിച്ചത്. തട്ടമിട്ട് വെയ്‍റ്റ് ലിഫ്റ്റില്‍ പങ്കെടുത്ത മജ്‍സിയ എല്ലാവര്‍ക്കും പ്രചോദനമാണ് എന്നും മണിക്കുട്ടൻ പറഞ്ഞു. ബുദ്ധി മത്സരത്തിന് സജ്‍നയെയും മണിക്കുട്ടൻ ക്ഷണിച്ചു. കൃത്യമായ ബുദ്ധി ഉപയോഗിക്കുന്ന ആളാണ് സജ്‍നയെന്ന് മണിക്കുട്ടൻ പറഞ്ഞു.
സൂര്യ മണിക്കുട്ടനെയായിരുന്നു സൗന്ദര്യ മത്സരത്തിനായി തെരഞ്ഞെടുത്തത്. പേഴ്‍സണലാറ്റിയുടെയും സംസാര രീതിയുടെയും കാര്യത്തില്‍ മുന്നിലാണ് മണിക്കുട്ടൻ എന്ന് സൂര്യ പറഞ്ഞു. ബുദ്ധി മത്സരത്തിന് തെരഞ്ഞെടുത്തത് എല്ലാവര്‍ക്കും തുറന്നു സംസാരിക്കാൻ പറ്റുന്ന വ്യക്തിയാണ് എന്ന് സൂചിപ്പിച്ച് അഡോണിയെയായിരുന്നു.
റംസാൻ സൗന്ദര്യ മത്സരത്തിന് തെരഞ്ഞെടുത്തത് നോബിയെയായിരുന്നു. ബിഗ് ബോസില്‍ നിന്നിറങ്ങുമ്പോഴേക്ക് സൗന്ദര്യ കാര്യത്തില്‍ തീരുമാനമാകുമെന്നും റംസാൻ പറഞ്ഞു. ബുദ്ധി മത്സരത്തിന് മിസ് ഇന്ത്യയില്‍ പങ്കെടുത്ത റിതു മന്ത്രയെയും റംസാൻ തെരഞ്ഞെടുത്തു.
നോബി ബുദ്ധിമത്സരത്തിന് തെരഞ്ഞെടുത്തത് ഡിംപലിനെയും സൗന്ദര്യ മത്സരത്തിന് തെരഞ്ഞെടുത്തത് റിതു മന്ത്രയെയുമായിരുന്നു.
എന്നെ നോക്കി ബുദ്ധിയുണ്ടെന്ന് ഇവിടെ വന്ന് പറഞ്ഞത് ഡിംപലാണ് എന്ന് നോബി പറഞ്ഞു.
സൗന്ദര്യ മത്സരത്തില്‍ തനിക്ക് തന്നെയായിരിക്കും ഒന്നാം സ്ഥാനമെന്നും നോബി പറഞ്ഞു.
റംസാൻ ബുദ്ധി മത്സരത്തിന് തെരഞ്ഞെടുക്കുന്നത് എന്ന് പറഞ്ഞപ്പോള്‍ നോബി ഓടി വന്നതും ചിരിപടര്‍ത്തി.
എല്ലാവരും സന്തോഷത്തോടെ മത്സരത്തില്‍ പങ്കെടുക്കുന്നതും ഇന്ന് കണ്ടു.
