IPL 2022: ബട്‌ലര്‍ മടങ്ങി, തകര്‍ത്തടിച്ച് പടിക്കല്‍, ലഖ്നൗവിനെതിരെ രാജസ്ഥാന് ഭേദപ്പെട്ട തുടക്കം
തുടക്കം മുതല്‍ ആക്രിമിച്ചു കളിച്ച രാജസ്ഥാന് ചമീരയുടെ ആദ്യ ഓവറില്‍ രണ്ട് ബൗണ്ടറി അടക്കം ഒമ്പത് റണ്‍സടിച്ചാണ് തുടങ്ങിയത്. ജേസണ്‍ ഹോള്‍ഡര്‍ എറിഞ്ഞ രണ്ടാം ഓവറില്‍ സിക്സും ഫോറും പറത്തി ജോസ് ബട്‌ലറും പടിക്കിലനൊപ്പം ചേര്‍ന്നതോടെ രാജസ്ഥാന് തുടക്കത്തിലെ ടോപ് ഗിയറിലായി.
 )
Followമുംബൈ: ഐപിഎല്ലിൽ (IPL 2022) ലഖ്നൗ സൂപ്പര്‍ ജയന്‍റ്സിനെതിരെ (Lucknow Super Giants) ആദ്യം ബാറ്റ് ചെയ്യുന്ന രാജസ്ഥാന് റോയല്‍സിന്(Rajasthan Royals) പവര്‍ പ്ലേയില്‍ നല്ലതുടക്കം. ടോസ് നഷ്ടമായി ക്രീസിലിറങ്ങിയ രാജസ്ഥാന് പവര്‍പ്ലേ പിന്നിടുമ്പോള്‍ ആറോവറില്‍ ഒരു വിക്കറ്റ് നഷ്ടത്തില്‍ 44 റണ്‍സെന്ന നിലയിലാണ്. നാലു പന്തില്‍ രണ്ട് റണ്‍സോടെ ക്യാപ്റ്റന്‍ സഞ്ജു സാംസണും 20 പന്തില്‍ 25 റണ്‍സുമായി ദേവ്‌ദത്ത് പടിക്കലും ക്രീസില്‍. 13 റണ്‍സെടുത്ത ജോസ് ബട്‌ലറുടെ വിക്കറ്റാണ് രാജസ്ഥാന് നഷ്ടമായത്. ആവേശ് ഖാനാണ് വിക്കറ്റ്.
തുടക്കം കസറി
തുടക്കം മുതല്‍ ആക്രിമിച്ചു കളിച്ച രാജസ്ഥാന് ചമീരയുടെ ആദ്യ ഓവറില്‍ രണ്ട് ബൗണ്ടറി അടക്കം ഒമ്പത് റണ്‍സടിച്ചാണ് തുടങ്ങിയത്. ജേസണ്‍ ഹോള്‍ഡര്‍ എറിഞ്ഞ രണ്ടാം ഓവറില്‍ സിക്സും ഫോറും പറത്തി ജോസ് ബട്‌ലറും പടിക്കിലനൊപ്പം ചേര്‍ന്നതോടെ രാജസ്ഥാന് തുടക്കത്തിലെ ടോപ് ഗിയറിലായി. ചമീര എറിഞ്ഞ മൂന്നാം ഓവറില്‍ എട്ട് റണ്‍സെ രാജസ്ഥാന് നേടാനായുള്ളുവെങ്കിലും രവി ബിഷ്ണോയി എറിഞ്ഞ നാലാം ഓവറില്‍ രണ്ട് ബൗണ്ടറിയടക്കം 12 റണ്‍സ് അടിച്ച് ആ കുറവ് നികത്തി. ഇതിനിടെ പടിക്കല്‍ നല്‍കിയ അനായാസ ക്യാച്ച് ബിഷ്ണോയ് കൈവിട്ടത് ലഖ്നൗവിന് കനത്ത പ്രഹരമായി.
ചമീര എറിഞ്ഞ അഞ്ചാം ഓവറില്‍ മൂന്ന് റണ്‍സ് മാത്രമെ രാജസ്ഥാന് നേടാനായുള്ളു. പവര്‍ പ്ലേയിലെ അവസാന ഓവര്‍ എറിയാനെത്തിയ ആവേശ് ഖാന്‍ ആദ്യ പന്തില്‍ തന്നെ ജോസ് ബട്‌ലറെ(11 പന്തില്‍ 13) ക്ലീന്‍ ബൗള്‍ഡാക്കി രാജസ്ഥാന് ആദ്യ പ്രഹരമേല്‍പ്പിച്ചു. നേരട്ട ആദ്യ പന്തില്‍തന്നെ രണ്ട് റണ്‍സ് നേടി ക്യാപ്റ്റന്‍ സഞ്ജു സാംസണ്‍ തുടങ്ങിയെങ്കിലും ആവേശ് ഖാന്‍ എറിഞ്ഞ പവര്‍ പ്ലേയിലെ അവസാന ഓവറില്‍ രണ്ട് റണ്‍സ് മാത്രമാണ് രാജസ്ഥാന് നേടാനായത്.
കഴിഞ്ഞ മത്സരം കളിച്ച ടീമില്‍ മാറ്റങ്ങളോടെയാണ് രാജസ്ഥാനും ലഖ്നൗവും ഇറങ്ങുന്നത്. ലഖ്നൗ ടീമില്‍ എവിന്‍ ലൂയിസിന് പകരം മാര്‍ക്കസ് സ്റ്റോയിനിസും ആന്‍ഡ്ര്യു ടൈക്ക് പകരം ചമീരയും അന്തിമ ഇലവനിലെത്തി. രാജസ്ഥാന് ടീമിലും രണ്ട് മാറ്റങ്ങളുണ്ട്. നവദീപ് സെയ്നിക്ക് പകരം കുല്‍ദീപ് സെന്നും യശസ്വി ജയ്‌സ്വാളിന് പകരം റാസി വാന്‍ഡര്‍ ഡസ്സനും റോയല്‍സിന്‍റെ അന്തിമ ഇലവനിലെത്തി.
തുടര്‍ച്ചയായ മൂന്ന് ജയങ്ങള്‍ നല്‍കിയ ആത്മവിശ്വാസത്തിലാണ് രാഹുലിന്‍റെ നേതൃത്വത്തില്‍ ലഖ്നൗ ഇറങ്ങുന്നതെങ്കില്‍ രണ്ട് വമ്പന്‍ ജയങ്ങളോടെ സീസണ്‍ തുടങ്ങിയ രാജസ്ഥാന് മൂന്നാം മത്സരത്തില്‍ ആര്‍സിബിക്കെതിരെ തോല്‍വി വഴങ്ങിയിരുന്നു.
Rajasthan Royals (Playing XI): Jos Buttler, Rassie van der Dussen, Devdutt Padikkal, Sanju Samson(w/c), Shimron Hetmyer, Riyan Parag, Kuldeep Sen, Ravichandran Ashwin, Trent Boult, Prasidh Krishna, Yuzvendra Chahal.
Lucknow Super Giants (Playing XI): KL Rahul(c), Quinton de Kock(w), Marcus Stoinis, Deepak Hooda, Ayush Badoni, Krunal Pandya, Jason Holder, Krishnappa Gowtham, Dushmantha Chameera, Ravi Bishnoi, Avesh Khan.
