ഷവോമി റെഡ്മീ 4എ ഇന്ത്യയില്‍ എത്തി. ആമസോണ്‍ ഇന്ത്യയിലാണ് ഈ എന്‍ട്രി ലെവല്‍ ഫോണ്‍ വില്‍പ്പനയ്ക്ക് എത്തിയിരിക്കുന്നത്. വ്യാഴാഴ്ച 12 മണി മുതല്‍ ഈ ഫോണ്‍ ആമസോണില്‍ ലഭിക്കും. ഈ ഫോണ്‍ വാങ്ങുന്നതോടൊപ്പം 299 രൂപയുടെ ഫോണ്‍ കേസും, 599 രൂപയുടെ എംഐ ഹെഡ്ഫോണും ഓഫര്‍ വിലയ്ക്ക് ലഭിക്കും. ഐഡിയ സെല്ലുലാറുമായി ചേര്‍ന്ന് ഫോണ്‍ വാങ്ങുന്നവര്‍ക്ക് 28ജിബി 4ജി ഓഫറും ഒരുക്കുന്നുണ്ട്.
കഴിഞ്ഞ മാര്‍ച്ചിലാണ് 5,999 രൂപ വിലയുള്ള റെഡ്മീ 4എ പ്രഖ്യാപിച്ചത്. 5 ഇഞ്ച് എച്ച്ഡി ഡിസ്പ്ലേയാണ് ഫോണിനുള്ളത്. 1280 x 720 പിക്സലാണ് ഫോണിന്‍റെ റെസല്യൂഷന്‍. ക്വാഡ് കോര്‍ സ്നാപ്ഡ്രാഗണ്‍ 425 ചിപ്പ് സെറ്റാണ് ഫോണിനുള്ളത്. 2ജിബിയാണ് റാം ശേഷി. 16ജിബിയാണ് ഇന്‍റേണല്‍ സ്റ്റോറേജ്. ഇത് 128 ജിബിവരെ വര്‍ദ്ധിപ്പിക്കാന്‍ സാധിക്കും.
13എംപിയാണ് പ്രധാന ക്യാമറ. 5എംപിയാണ് മുന്നിലെ ക്യാമറ. വൈഫൈ, ബ്ലൂടൂത്ത് ജിപിഎസ് എന്നിവയും ഫോണിലുണ്ട്. 3160 എംഎഎച്ച് ബാറ്ററി ശേഷിയാണ് ഫോണിനുള്ളത്.