ബിയജിംഗ്: ഷാവോമിയുടെ പുതിയ എം.ഐ പാഡ് 4 ഉടന്‍ വിപണിയില്‍ എത്തും. അധികം വൈകാതെ തന്നെ ഇന്ത്യന്‍ വിപണിയിലേക്കും ടാബ്ലെറ്റ് എത്തും എന്നാണ് പ്രതീക്ഷ. സ്മാര്‍ട്ട് ഗെയിം ആക്സലറേഷന്‍ എന്ന സാങ്കേതിക വിദ്യയോടെയാണ് പുതിയ ടാബുകള്‍ എത്തുന്നത്. ചൈനീസ് വിപണിയില്‍ ആദ്യം എത്തുന്ന ടാബിന്‍റെ ടീസര്‍ ഷവോമി പുറത്തുവിടുന്നുണ്ട്.
സ്നാപ്ഡ്രാഗണ്‍ 660 ചിപ്സെറ്റിന്റെ കരുത്തിലാണ് എം.ഐ പാഡ് 4 എത്തുക. എം.ഐ 3 ടാബ്ലെറ്റില്‍ 7.9 ഇഞ്ച് ഡിസ്പ്ലേയാണ് ഉണ്ടായിരുന്നത്. പുതിയ ടാബ്ലെറ്റിനെ ഡിസ്പ്ലേ വലിപ്പം കൂടുമെന്നാണ് റിപ്പോർട്ട്. ഫേസ് അണ്‍ലോക്ക് സിസ്റ്റമാണ് ടാബ്ലെറ്റിന്റെ മറ്റൊരു പ്രത്യേകത.
ടാബിന് 13 മെഗാപിക്സലിന്റെ പിന്‍ കാമറയും 5 മെഗാപിക്സലിന്റെ മുന്‍ കാമറയുമുണ്ടാകും. 6,000 എം.എ.എച്ചിന്റെ ബാറ്ററിയും ടാബിലുണ്ടായേക്കും. 15,600 രൂപയാണ് എം.ഐ പാഡ് 4ന്റെ 4 ജി.ബി റാമും 64 ജി.ബി മെമ്മറിയുമുള്ള മോഡലിന് വില. എന്നാൽ, ഇതില്‍ വൈ-ഫൈ കണ്ക്ടിവിറ്റി മാത്രമേ ഉണ്ടാവു. 6 ജി.ബി റാമും 128 ജി.ബി മെമ്മറിയുമുള്ള എല്‍.ടി.ഇ മോഡലിന് 20,800 രൂപയാണ് വില.