സോണിയുടെ പ്രധാന മോഡലായ സോണി എക്സ്പീരിയ എക്‌സിന് 14,000 രൂപ ഡിസ്‌കൗണ്ട്. കുറഞ്ഞ കാലയളിവിലേക്കാണ് ഇത്തരത്തില്‍ ഒരു ഓഫര്‍ സോണി നല്‍കുന്നത്. ഫ്ലിപ്പ്കാര്‍ട്ട് വഴിയായിരിക്കും ഈ ഓഫര്‍ ലഭിക്കുക. 38,990 രൂപയാണ് എക്സ്പീരിയ എക്സിന്റെ നിലവിലെ വില, ഇതില്‍ നിന്നും 14,000 രൂപ ഡിസ്‌കൗണ്ടോടെ ഫ്‌ളിപ്പ്കാര്‍ട്ടില്‍ നിന്നും 24,990 രൂപയ്ക്ക് എക്സ്പീരിയ എക്സ് ലഭിക്കും. നിലവിലെ സ്റ്റോക് അവസാനിക്കും വരെ ഓഫര്‍ ലഭിക്കും.
സെപ്തംബറില്‍ കൊമേഴ്‌സ്യല്‍ ലോഞ്ച് കഴിഞ്ഞ് മൂന്ന് മാസം പിന്നിട്ടപ്പോള്‍ സോണി, എക്സ്പീരിയ എക്സിന്റെ വില പതിനായിരം രൂപ കുറച്ചിരുന്നു. 48,990 രൂപയായിരുന്നു ലോഞ്ച് ചെയ്തപ്പോഴുള്ള വില. 1080X1920 പിക്‌സലോടെ അഞ്ച് ഇഞ്ച് ഫുള്‍ എച്ച്ഡി ഡിസ്‌പ്ലേ ആണ് സോണി എക്സ്പീരിയ എക്‌സിലുള്ളത്. ഉള്‍ക്കരുത്തേകുന്നത് ക്വാല്‍ക്കം സ്‌നാപ്ഡ്രാഗണ്‍ 650 പ്രൊസസറും. 3ജിബി റാം, 23 മെഗാപിക്‌സല്‍ റിയര്‍ ക്യാമറ, 13 മെഗാപിക്‌സല്‍ ഫ്രണ്ട് ക്യാമറ, 200 ജിബി വരെ വര്‍ധിപ്പിക്കാവുന്ന 64 ജിബി ഇന്‍ബില്‍റ്റ് സ്റ്റോറേജ്, 2620എംഎഎച്ച് ബാറ്ററി തുടങ്ങിയവയാണ് ഫോണ്‍ ഫീച്ചറുകള്‍. 153 ഗ്രാം ആണ് ഭാരം.