ഗൂഗിളിന്റെ ജനപ്രിയ ഹാൻഡ്സെറ്റ് പിക്സൽ ഫോണുകൾക്ക് വൻ ഓഫറുമായി ഫ്ലിപ്കാർട്ട്. പിക്സൽ 2, പിക്സൽ 2 എക്സ് എൽ ഹാൻഡ്സെറ്റുകൾക്കാണ് വൻ ഓഫർ. ഫ്ലിപ്കാർട്ടിന്റെ ബിഗ് ഷോപ്പിങ് ഡേയ്സ് സെയിൽസിലാണ് സ്മാർട്ട്ഫോണുകൾക്ക് വൻ ഓഫർ നല്‍കുന്നത്. ഡിസംബർ 7 നാണ് വില്‍പന തുടങ്ങുന്നത്.
ഇന്ത്യയിൽ അവതരിപ്പിക്കുമ്പോൾ 61,000 രൂപ വിലയുണ്ടായിരുന്ന ഗൂഗിൾ പിക്സൽ 2 ഇപ്പോൾ വി‍ൽക്കുന്നത് 39,999 രൂപയ്ക്കാണ്. ഡിസ്കൗണ്ടായി 11,001 രൂപയും ക്രഡിറ്റ് കാർഡിൽ 10,000 രൂപയും ഇളവ് നല്‍കുന്നു. ഇതിനു പുറമെ എക്സ്ചേഞ്ച് ഓഫറായി 18,000 രൂപയുടെ ഇളവും ലഭിക്കും. അങ്ങനെ വരുമ്പോൾ 21,999 രൂപയ്ക്ക് ഗൂഗിളിന്റെ പ്രീമിയം ഫോൺ സ്വന്തമാക്കാം.
undefined
പിക്സല് 2 5 ഇഞ്ച് സിനിമാറ്റിക് 127എംഎം ഫുള്‍ എച്ഡി ഡിസ്‌പ്ലേയാണ്. ബാറ്ററി 2700 എംഎഎച്ചാണ്. പിക്സല് 2 എക്സ് എല്ലില്‍ 6 ഇഞ്ച് ക്യൂഎച്ച്ഡി+ (2880 x 1440) പിഒഎല്‍ഇഡി ഡിസ്‌പ്ലെയാണ് (538പിപിഐ) 18:9 അനുപാതം. 3520 എംഎഎച്ചാണ് ബാറ്ററി. ബാക്കി ഹാര്‍ഡ്‌വെയര്‍ ഇരു മോഡലുകള്‍ക്കും ഒരു പോലെയാണ്.
രണ്ടു മോഡലുകളുടെയും സ്‌ക്രീനിന് 3ഡി കോണിങ് ഗൊറില ഗ്ലാസ് 5 ഉപയോഗിച്ചിരിക്കുന്നു. ഫോണുകളില്‍ 3.5എംഎം ഓഡിയോ ജാക് ഇല്ല. 64ജിബി, 128ജിബി പതിപ്പുകളില്‍ ഇരുഫോണും ഇറങ്ങുന്നുണ്ട്.