ഗൂഗിള്‍ പിക്സല്‍ ഫോണിന്‍റെ വിലവെട്ടിക്കുറച്ച് ഗൂഗിള്‍. ഒക്ടോബര്‍ അവസാനം ഇന്ത്യയില്‍ എത്തിയ ഫോണിന് ഇതിനകം തന്നെ പലതരത്തിലുള്ള ഓഫറുകള്‍ ലഭ്യമാക്കിയിട്ടുണ്ട്. അതിന് പിന്നാലെയാണ് ചെറിയകാലത്തേക്ക് ബാധകമായ വിലക്കുറവ് ഗൂഗിള്‍ പ്രഖ്യാപിച്ചത്. വില കുറച്ചതോടെ ഗൂഗിള്‍ പിക്സല്‍ 2 വിന് ഇന്ത്യയിലെ വില 42,000 രൂപയും. ഗൂഗിള്‍ പിക്സല്‍ 2 എക്സ് എല്ലിന് 57,000 രൂപയുമാണ് വില.
ഫ്ലിപ്പ്കാര്‍ട്ട് പോലുള്ള ഓണ്‍ലൈന്‍ സൈറ്റുകളില്‍ പിക്സല്‍ ഫോണ്‍ വാങ്ങുന്നവര്‍ക്ക് ഈ ഓഫര്‍ ലഭ്യമാണ്. അതിന് പുറമേ എച്ച്ഡിഎഫ്സി കാര്‍ഡ് ഉപയോഗിച്ച് ഫോണ്‍ വാങ്ങുന്നവര്‍ക്ക് 10,000 രൂപവരെ ലാഭിക്കാന്‍ സാധിക്കും. ഒക്ടോബറില്‍ ഇരു ഫോണുകളും ഇറങ്ങുന്ന സമയത്ത് പിക്സല്‍ 2വിന് 61,000 രൂപയും, പിക്സല്‍ 2 എക്സ് എല്ലിന് 73,000 രൂപയുമായിരുന്നു വില. ഇത് ഫോണിന്‍റെ 64ജിബി പതിപ്പിനാണ് ഈ വില.