ബുക്ക് എ റൈഡ് എന്ന ഓപ്ഷന്‍ ഉപയോഗിച്ച് യാത്ര ഉപാധികള്‍ ഉപയോഗിക്കാവുന്ന സേവനം അടുത്തിടെയാണ് ഫേസ്ബുക്ക് മെസഞ്ചര്‍ അവതരിപ്പിച്ചത്. ഇത് ഉപയോഗപ്പെടുത്തിയാണ് ബാംഗലൂരൂ പോലുള്ള നഗരങ്ങളില്‍ പ്രവര്‍ത്തിക്കുന്ന ഓട്ടോസര്‍വ്വീസ് പ്രോവൈഡര്‍മാരായ ജുഗ്നു ഓട്ടോ സര്‍വ്വീസ് ലഭ്യമാക്കുന്നത്.
ഇതിനായി പുതിയ മെസഞ്ചര്‍ ആപ്പിലെ ബുക്ക് എ റൈഡ് ഓപ്ഷന്‍ ക്ലിക്ക് ചെയ്താല്‍ മതി. നേരത്തെ തന്നെ ടാക്സി കാറുകള്‍ക്കായി യൂബറും, ഓലയും ഈ സേവനം ലഭ്യമാക്കുവാന്‍ തുടങ്ങിയിരുന്നു. ഇതിന്‍റെ അതേ രീതിയാണ് ഓട്ടോ ബുക്കിംഗിനും ഉപയോഗിക്കുന്നത്.
undefined
വേറൊരു അക്കൗണ്ട് ഉണ്ടാക്കാതെ തന്നെ നിങ്ങളുടെ റജിസ്ട്രേഷന്‍ ഫേസ്ബുക്ക് വിവരങ്ങളില്‍ നിന്നും ജുഗ്നു എടുക്കും. ഇന്ത്യയിലെ പ്രധാന നഗരങ്ങളില്‍ 10,000 ഓട്ടോകള്‍ സര്‍വ്വീസ് നടത്തുന്ന ഏജന്‍സിയാണ് ജുഗ്നു. ഒരു ദിവസം 30,000 റൈഡുകളാണ് ഇവര്‍ നടത്തുന്നത്.