ആപ്പിളിന്‍റെ ഏറ്റവും പുതിയ ഹാൻഡ്സെറ്റ് ഐഫോൺ X വെള്ളിയാഴ്ച വൈകീട്ടാണ് വിതരണം തുടങ്ങിയത്. മണിക്കൂറുകളോളം ക്യൂ നിന്നാണ് മിക്കവരും ഹാൻഡ്സെറ്റ് സ്വന്തമാക്കിയത്. എന്നാൽ ഇതേ ഹാൻഡ്സെറ്റുകൾ ഇപ്പോൾ ഒഎൽഎക്സിലൂടെയും വാങ്ങാം.
ഒരു ലക്ഷം രൂപ നൽകി ആദ്യദിനം തന്നെ ഐഫോൺ X സ്വന്തമാക്കിയവരാണ് ഒഎൽഎക്സിൽ വിൽക്കാൻ വെച്ചിരിക്കുന്നത്. ഒന്നര ലക്ഷം മുതൽ ഒന്നേക്കാൽ ലക്ഷം രൂപ വരെയാണ് പുതിയ ഐഫോൺ X ന് ഒഎൽഎക്സ് വില. എന്നാല്‍ ഇതില്‍ പലതും വ്യാജ പരസ്യങ്ങളാണെന്ന് റിപ്പോര്‍ട്ടുണ്ട്. പലതും വാങ്ങാന്‍ ശ്രമിക്കുന്നെങ്കില്‍ തന്നെ ചിത്രങ്ങള്‍ ഗൂഗിളില്‍ വെരിഫൈ ചെയ്യണം എന്ന് ചില മുന്നറിയിപ്പുകള്‍ ഓണ്‍ലൈനില്‍ പരക്കുന്നുണ്ട്.
undefined
256 ജിബി വേരിയന്റ് ഐഫോൺ X ന് ഒന്നര ലക്ഷം രൂപയാണ് വിലയിട്ടിരിക്കുന്നത്. ഇതേ ഹാൻഡ്സെറ്റിന്‍റെ വിപണി വില 102000 രൂപയാണ്. ഏകദേശം മൂന്നൂറോളം പേർ പുതിയ ഐഫോൺ X ഒഎല്‍എക്സിൽ വിൽപനയ്ക്ക് വെച്ചിട്ടുണ്ട്.