☰
രക്തത്തിലെ ഗ്ലൂക്കോസിന്റെ അളവ് നിരീക്ഷിക്കുന്നതിനുള്ള സൗകര്യപ്രദവും വേദനയില്ലാത്തതുമായ ഒരു മാർഗമാണ് തുടർച്ചയായ ഗ്ലൂക്കോസ് മോണിറ്ററിംഗ് (CGM).
റമദാൻ കാലത്ത് പ്രമേഹരോഗികൾക്ക് പ്രത്യേക ശ്രദ്ധയും പരിചരണവും ആവശ്യമാണ്. കാരണം, ഉപവാസ സമയത്ത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നത് വളരെ പ്രയാസകരമാണ്. പ്രമേഹമുള്ളവർക്ക്, രക്തത്തിലെ പഞ്ചസാരയുടെ അളവിലുള്ള കാര്യമായ മാറ്റങ്ങൾ നിയന്ത്രിക്കുന്നതിന് ഭക്ഷണക്രമത്തിൽ ചില മാറ്റങ്ങൾ പ്രധാനമാണ്.
രക്തത്തിലെ ഗ്ലൂക്കോസിന്റെ അളവ് നിരീക്ഷിക്കുന്നതിനുള്ള സൗകര്യപ്രദവും വേദനയില്ലാത്തതുമായ ഒരു മാർഗമാണ് തുടർച്ചയായ ഗ്ലൂക്കോസ് മോണിറ്ററിംഗ് (Continuous Glucose Monitoring ). നന്നായി ആസൂത്രണം ചെയ്ത ഭക്ഷണക്രമവും പതിവ് ഗ്ലൂക്കോസ് നിരീക്ഷണത്തിലൂടെയും പ്രമേഹമുള്ളവർക്ക് സുരക്ഷിതമായി ഉപവാസം അനുഷ്ഠിക്കാനും ആരോഗ്യം നിലനിർത്താനും കഴിയുമെന്ന് ആരോഗ്യ വിദഗ്ധർ പറയുന്നു.
റമദാൻ കാലത്ത് ആരോഗ്യകരമായ സമീകൃതാഹാരം ശീലമാക്കണം. ധാരാളം വെള്ളം കുടിക്കുകയും നിർജ്ജലീകരണം തടയാൻ കാപ്പി, ചായ, സോഫ്റ്റ് ഡ്രിങ്കുകൾ തുടങ്ങിയ കഫീൻ അല്ലെങ്കിൽ പഞ്ചസാര കൂടുതലുള്ള പാനീയങ്ങൾ ഒഴിവാക്കുകയും ചെയ്യേണ്ടത് പ്രധാനമാണ്. ഓട്സ്, പച്ചക്കറികൾ, പയർ (പരിപ്പ്) എന്നിവ ഊർജ്ജ നിലയും മൊത്തത്തിലുള്ള ആരോഗ്യവും നിലനിർത്താൻ സഹായിക്കുന്നു.
റമദാൻ മാസത്തിൽ പ്രമേഹമുള്ളവർക്ക് തുടർച്ചയായ ഗ്ലൂക്കോസ് നിരീക്ഷണം (സി.ജി.എം) ആവശ്യമാണ്. ഉപവാസത്തിന് മുമ്പും ശേഷവുമുള്ള ഭക്ഷണവുമായി ബന്ധപ്പെട്ട ഗ്ലൂക്കോസ് സ്പൈക്കുകൾ തിരിച്ചറിയാനും പരിഹരിക്കാനും സഹായിക്കുന്നതായി വിദഗ്ധർ പറയുന്നു.
പ്രമേഹം നിയന്ത്രിക്കുന്നതിന് ശരിയായ പോഷകാഹാരം പോലെ തന്നെ പ്രധാനപ്പെട്ടതാണ് ശാരീരിക പ്രവർത്തനങ്ങൾ. പ്രത്യേകിച്ച് റമദാൻ കാലത്ത്. ഉപവാസ സമയത്ത്, പ്രത്യേകിച്ച് നോമ്പ് തുറക്കുന്നതിന് മുമ്പുള്ള മണിക്കൂറുകളിൽ കഠിനമായ വ്യായാമങ്ങൾ ഒഴിവാക്കുക. ഫിറ്റ്നസ് നിലനിർത്തുന്നതിനും രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും ഏകദേശം 30 മിനിറ്റ് നടത്തം അല്ലെങ്കിൽ യോഗ പോലുള്ള ലഘു വ്യായാമങ്ങൾ തിരഞ്ഞെടുക്കേണ്ടത് പ്രധാനമാണ്.
കൂടാതെ, റമദാനിൽ നല്ല ആരോഗ്യം നിലനിർത്തുന്നതിന് നല്ല ഉറക്കം ലഭിക്കുന്നത് നിർണായകമാണ്. കൂടാതെ, രോഗപ്രതിരോധ ശേഷി, മെറ്റബോളിസം, രക്തത്തിലെ ഗ്ലൂക്കോസിന്റെ അളവ് നിയന്ത്രിക്കൽ എന്നിവയിൽ ഉറക്കം ഒരു പ്രധാന പങ്ക് വഹിക്കുന്നു. ഇത് പ്രമേഹം നിയന്ത്രിക്കുന്നതിന് അത്യാവശ്യമാണ്. നല്ല രീതിയിൽ പ്ലാനിങ് നടത്തിയും, ഭക്ഷണ തിരഞ്ഞെടുപ്പുകൾ നടത്തിയും, ആരോഗ്യത്തിന് ശ്രദ്ധ നൽകിയും റമദാൻ കാലത്ത് പ്രമേഹത്തെ എളുപ്പം നിയന്ത്രിക്കാം.
എന്താണ് ഡൗൺ സിൻഡ്രോം? അറിയാം കാരണങ്ങളും ലക്ഷണങ്ങളും
