Ukraine Craisis: പുടിനെതിരെ യുദ്ധം ചെയ്യാന്‍ മുന്‍ യുകെ, യുഎസ് സൈനികരും
First Published | Mar 15, 2022, 12:14 PM IST
റഷ്യന്‍ (Russia) സേനയ്ക്കെതിരെ പോരാടാന്‍ ബ്രിട്ടീഷ് (British) സൈന്യത്തില്‍ നിന്ന് പിരിഞ്ഞ് പോയവരുടെ ഒരു സംഘം തയ്യാറെടുക്കുന്നതായി റിപ്പോര്‍ട്ട്. ഈ നീക്കം അത്യന്തം അപകടം നിറഞ്ഞതാണെന്നും ഇത് പുടിനെ പ്രകോപിതനാക്കുമെന്നും മുന്നറിയിപ്പുകളുണ്ട്. റഷ്യ, നാറ്റോയ്ക്കെതിരെ (Nato) യുദ്ധം പ്രഖ്യാപിക്കുന്നതിന് വരെ ഈ നീക്കം കാരണമാകുമെന്നും റിപ്പോര്‍ട്ടുകള്‍ പറയുന്നു. നിലവില്‍ നൂറോളം മുന്‍ യുകെ സൈനികര്‍ ഇത്തരത്തില്‍ ഉക്രൈന് മണ്ണില്‍ നിന്ന് പോരാടുന്നുണ്ട്. അറുനൂറോളം പേരുടെ ഒരു സംഘം യുദ്ധമുഖത്തേക്ക് പോകാനായി തയ്യാറെടുക്കുന്നെന്നും എട്ട് വര്‍ഷമായി ബ്രിട്ടനില്‍ പ്രവര്‍ത്തിക്കുന്ന വിദേശ സൈനികരടങ്ങിയ അര്‍ദ്ധ സൈനിക സംഘത്തിന്‍റെ ( Georgian National Legion) കമാന്‍ഡറായ മമുക മമുലാഷ്വിലി (Mamuka Mamulashvil) പറഞ്ഞു. ഇത്തരത്തില്‍ ഉക്രൈന് യുദ്ധത്തില്‍ പങ്കെടുക്കാനെത്തുന്ന സൈനികരില്‍ പലരും നേരത്തെ യുഎസ്, യുകെ സൈന്യത്തിന്‍റെ ഭാഗമായി ഇറാഖ്, സിറിയ, അഫ്ഗാനിസ്ഥാന്‍ എന്നിവിടങ്ങളില്‍ യുദ്ധം ചെയ്ത് പരിചയമുള്ളവരാണെന്നും റിപ്പോര്‍ട്ടുകള്‍ പറയുന്നു.