ക്വാല്‍കോം സ്‌നാപ്ഡ്രാഗണ്‍ 888 ടീഇ നല്‍കുന്ന ആദ്യത്തെ സ്മാര്‍ട്ട്‌ഫോണാണ് എംഐ 11. ഇത് എല്‍പിഡിഡിആര്‍ 5 റാം, യുഎഫ്എസ് 3.1 സ്‌റ്റോറേജ് സ്റ്റാന്‍ഡേര്‍ഡുകളുമായി ചേര്‍ത്തിരിക്കുന്നു.
ഷാവോമി എംഐ 11 പുറത്തിറക്കി. ക്വാല്‍കോമിന്റെ ഏറ്റവും പുതിയ സ്‌നാപ്ഡ്രാഗണ്‍ 888 ടീഇ യുമായി വരുന്ന ഇതിന്റെ വലിയ പ്രത്യേകത 108 എംപി പ്രധാന ക്യാമറ തന്നെ. 120 ഹെര്‍ട്‌സ് ഡിസ്‌പ്ലേ, 55 വാട്‌സ് വരെ വയര്‍ഡ് ഫാസ്റ്റ് ചാര്‍ജിംഗ് എന്നിവയാണ് ഫോണിന്റെ മറ്റ് പ്രധാന സവിശേഷതകള്‍. ചൈനയ്ക്ക് പുറമേ ഇപ്പോള്‍ യൂറോപ്യന്‍ വിപണിയിലാണ് ഫോണ്‍ എത്തിയിരിക്കുന്നത്. സ്മാര്ട്ട്ഫോണ് വരും മാസങ്ങളില്‍ ഇന്ത്യയില്‍ എത്തുമെന്നാണ് പ്രതീക്ഷിക്കുന്നത്. ക്ലൗഡ് വൈറ്റ്, മിഡ്‌നൈറ്റ് ഗ്രേ, ഹൊറൈസണ്‍ ബ്ലൂ എന്നീ മൂന്ന് കളര്‍ ഓപ്ഷനുകളിലാണ് സ്മാര്ട്ട്ഫോണ് പുറത്തിറക്കിയത്.
അടിസ്ഥാന മോഡലായ 8 ജിബി + 128 ജിബി സ്‌റ്റോറേജ് മോഡലിന് എംഐ 11 ന്റെ വില യൂറോ 749 ആണ്. ഫോണില്‍ 2 വര്‍ഷത്തെ സൗജന്യ വാറണ്ടിയും 1 വര്‍ഷത്തെ സ്‌ക്രീന്‍ മാറ്റിസ്ഥാപിക്കാനുള്ള ഗ്യാരണ്ടിയും കമ്പനി വാഗ്ദാനം ചെയ്യുന്നു. ചൈനയില്‍, അടിസ്ഥാന 8 ജിബി + 128 ജിബി സ്‌റ്റോറേജ് വേരിയന്റിനായി ഏകദേശം 45,300 രൂപ വിലയാണ് ഈടാക്കിയത്. 8 ജിബി + 256 ജിബിയ്ക്ക് ഏകദേശം 48,700 രൂപയും. മികച്ച 12 ജിബി + 256 ജിബി വേരിയന്റിന് ഏകദേശം 53,200 രൂപ വിലയുണ്ട്.
undefined
ക്വാല്‍കോം സ്‌നാപ്ഡ്രാഗണ്‍ 888 ടീഇ നല്‍കുന്ന ആദ്യത്തെ സ്മാര്‍ട്ട്‌ഫോണാണ് എംഐ 11. ഇത് എല്‍പിഡിഡിആര്‍ 5 റാം, യുഎഫ്എസ് 3.1 സ്‌റ്റോറേജ് സ്റ്റാന്‍ഡേര്‍ഡുകളുമായി ചേര്‍ത്തിരിക്കുന്നു. 120 ഹെര്‍ട്‌സ് റിഫ്രഷ് റേറ്റും 480 ഹെര്‍ട്‌സ് ടച്ച് സാമ്പിള്‍ റേറ്റുമുള്ള 6.81 ഇഞ്ച് ഡബ്ല്യുക്യുഎച്ച്ഡി + പാനലാണ് സ്മാര്‍ട്ട്‌ഫോണിന്റെ ഫീച്ചര്‍. 1,500 നൈറ്റിന്റെ ഏറ്റവും ഉയര്‍ന്ന തെളിച്ചം ഇതിലുണ്ട്.
108 മെഗാപിക്‌സല്‍ സെന്‍സറും 13 മെഗാപിക്‌സല്‍ അള്‍ട്രാ വൈഡ് ആംഗിള്‍ സെന്‍സറും 5 മെഗാപിക്‌സല്‍ മാക്രോ സെന്‍സറും അടങ്ങുന്ന ട്രിപ്പിള്‍ ക്യാമറ സജ്ജീകരണമാണ് സ്മാര്‍ട്ട്‌ഫോണില്‍ ഉള്ളത്. മുന്‍വശത്ത്, സ്മാര്‍ട്ട്‌ഫോണില്‍ സെല്‍ഫികള്‍ക്കായി 20 മെഗാപിക്‌സല്‍ ക്യാമറയുണ്ട്.
55 വാട്‌സ് വയര്‍ഡ് ഫാസ്റ്റ് ചാര്‍ജിംഗ് പിന്തുണയും 50 വാട്‌സ് വയര്‍ലെസ് ചാര്‍ജിംഗ് പിന്തുണയുമുള്ള 4,600 എംഎഎച്ച് ബാറ്ററിയാണ് ഫോണിന് പിന്തുണ നല്‍കുന്നത്. ബോക്‌സിനുള്ളില്‍ 55 വാട്‌സ് ചാര്‍ജറും കമ്പനി നല്‍കുന്നു. ഓഡിയോയെ സംബന്ധിച്ചിടത്തോളം, ഡ്യുവല്‍ സ്റ്റീരിയോ സ്പീക്കറുകളുള്ള ഈ സ്മാര്‍ട്ട്‌ഫോണില്‍ ഇരട്ട ഹെഡ്‌ഫോണുകള്‍ക്കുള്ള സപ്പോര്‍ട്ടുണ്ട്. എംഐ 11 ന്റെ സ്‌പെഷ്യല്‍ എഡീഷന്‍ പതിപ്പ് ഉടന്‍ പുറത്തിറക്കുമെന്നും ഷവോമി അറിയിച്ചു.