ബിജെപി-സിപിഎം ബന്ധമെന്ന രാഹുലിന്‍റെ ആരോപണം ആരും വിശ്വസിക്കില്ല. രാഹുലിന്റേത് കാപട്യമാണ്. കേരളത്തിന്‌ പുറത്ത് രാഹുൽ വോട്ട് പിടിക്കുന്നത് സിപിഎമ്മിനാണെന്നും കുമ്മനം ഏഷ്യാനെറ്റ് ന്യൂസിനോട് പറഞ്ഞു.
തിരുവനന്തപുരം: രാഹുൽ ഗാന്ധിക്ക് മറുപടിയുമായി നേമത്തെ എൻഡിഎ സ്ഥാനാര്‍ത്ഥി കുമ്മനം രാജശേഖരൻ. ബിജെപി-സിപിഎം ബന്ധമെന്ന രാഹുലിന്‍റെ ആരോപണം ആരും വിശ്വസിക്കില്ല. രാഹുലിന്റേത് കാപട്യമാണ്. കേരളത്തിന്‌ പുറത്ത് രാഹുൽ വോട്ട് പിടിക്കുന്നത് സിപിഎമ്മിനാണെന്നും കുമ്മനം ഏഷ്യാനെറ്റ് ന്യൂസിനോട് പറഞ്ഞു. നേമത്ത് രാഹുൽ വന്നാലും പ്രശ്നം ഇല്ലെന്ന് അദ്ദേഹം കൂട്ടിച്ചേര്‍ത്തു.
രാഹുൽ ഗാന്ധിക്ക് കേരള രാഷ്ട്രീയം അറിയില്ലെന്ന് നേമത്തെ ഇടത് സ്ഥാനാര്‍ത്ഥി വി ശിവൻകുട്ടിയും വിമര്‍ശിച്ചു. സിപിഎം-ബിജെപി ബന്ധം എന്ന രാഹുലിന്‍റെ ആരോപണം ഏശില്ല. രാഹുലിന്‍റെ നേമം സന്ദര്‍ശനം കോൺഗ്രസിന് ഗുണം ചെയ്യില്ലെന്നും ശിവൻ കുട്ടി ഏഷ്യാനെറ്റ് ന്യൂസിനോട് പറഞ്ഞു.