സണ്ണി ജോസഫിനെ അട്ടിമറിച്ചത് സക്കീ ഹുസൈൻ ഇക്കുറി നിയമസഭയിലെത്തുമെന്നാണ് ഏഷ്യാനെറ്റ് ന്യൂസ് സീ ഫോ‍ർ പോസ്റ്റ് പോൾ സർവേ ഫലം
കണ്ണൂർ ജില്ലയിൽ യുഡിഎഫിന്റെ ഫിക്സഡ് ഡെപ്പോസിറ്റ് എന്ന് വിശേഷിപ്പിക്കാവുന്ന മണ്ഡലമാണ് പേരാവൂർ. മണ്ഡലത്തിലെ ക്രിസ്ത്യൻ വോട്ടുകളെല്ലാം ഒന്നടങ്കം സണ്ണി ജോസഫിന് ഒപ്പം നിൽക്കുന്നതാണ് ഇതുവരെ കണ്ട കാഴ്ച. എന്നാൽ ഇക്കുറി അട്ടിമറിയുണ്ടാകുമോ എന്നതാണ് ചോദ്യം.
പേരാവൂരിൽ സണ്ണി ജോസഫിന്റെ ജനപിന്തുണ അറിയാവുന്ന കോൺഗ്രസ് വീണ്ടുമൊരിക്കൽ കൂടി സിറ്റിങ് എംഎൽഎയ്ക്ക് അവസരം കൊടുത്തപ്പോൾ സക്കീ‍ർ ഹുസൈൻ എന്ന പാർട്ടിയുടെ ശക്തനായ നേതാവിനെ ഇറക്കിയാണ് മണ്ഡലം പിടിക്കാൻ സിപിഎം തീരുമാനിച്ചത്. സ്മിത ജയമോഹനായിരുന്നു ഇവിടെ ബിജെപി സ്ഥാനാർത്ഥി. ശക്തമായ മത്സരമാണ് ഇവിടെ നടന്നത്. സണ്ണി ജോസഫിനെ അട്ടിമറിച്ചത് സക്കീ ഹുസൈൻ ഇക്കുറി നിയമസഭയിലെത്തുമെന്നാണ് ഏഷ്യാനെറ്റ് ന്യൂസ് സീ ഫോ‍ർ പോസ്റ്റ് പോൾ സർവേ ഫലം.