മോശം തുടക്കമായിരുന്നു മധ്യ പ്രേദശിന്. 12.1 ഓവറില്‍ 86 റണ്‍സിനിടെ അവര്‍ക്ക് ആറ് വിക്കറ്റ് നഷ്ടമായിരുന്നു.
ബെംഗളൂരു: സയ്യിദ് മുഷ്താഖ് അലി ടി20യില്‍ മധ്യ പ്രദേശിനിനെതിരെ മുംബൈക്ക് 175 റണ്‍സ് വിജയലക്ഷ്യം. ബെംഗളൂരു, ചിന്നസ്വാമി സ്‌റ്റേഡിയത്തില്‍ ടോസ് നഷ്ടപ്പെട്ട് ബാറ്റിംഗിനെത്തിയ മധ്യപ്രദേശിന് ക്യാപ്റ്റന്‍ രജത് പടിധാറിന്റെ (40 പന്തില്‍ പുറത്താവാതെ 81) ഇന്നിംഗ്‌സാണ് മികച്ച സ്‌കോര്‍ നേടാന്‍ സഹായിച്ചത്. ഐപിഎല്ലില്‍ റോയല്‍ ചലഞ്ചേഴ്‌സ് ബെംഗളൂരുവിന്റെ താരമായ പടിധാര്‍ ചിന്നസ്വാമിയിലെ പരിചിതമായ സഹാചര്യം ശരിക്കും മുതലാക്കുകയായിരുന്നു. മറ്റാര്‍ക്കും 30നപ്പുറമുള്ള സ്‌കോര്‍ നേടാന്‍ സാധിച്ചില്ല. മുംബൈക്ക് വേണ്ടി ഷാര്‍ദുല്‍ ഠാക്കൂര്‍, റോയ്‌സറ്റണ്‍ ഡയസ് എന്നിവര്‍ രണ്ട് വിക്കറ്റ് വീതം വീഴ്ത്തി.
മോശം തുടക്കമായിരുന്നു മധ്യ പ്രേദശിന്. 12.1 ഓവറില്‍ 86 റണ്‍സിനിടെ അവര്‍ക്ക് ആറ് വിക്കറ്റ് നഷ്ടമായിരുന്നു. ഓപ്പണര്‍മാരായ അര്‍പ്പിത് ഗൗത് (3), ഹര്‍ഷ് ഗവാലി (2) എന്നിവരുടെ വിക്കറ്റുകള്‍ രണ്ടാം ഓവറില്‍ തന്നെ നഷ്ടമായി. ഷാര്‍ദുല്‍ ഠാക്കൂറാണ് ഇരുവരേയും മടക്കിയയച്ചത്. എട്ടാം ഓവറില്‍ ഹര്‍പ്രീത് സിംഗ് ഭാട്ടിയ (15) അഥര്‍വ അങ്കോളേക്കറുടെ പന്തിലും മടങ്ങി. പിന്നീടെത്തിയ വെങ്കടേഷ് അയ്യര്‍ക്ക് (17) ഒമ്പത് പന്തായിരുന്നു ആയുസ്. താരത്തെ സൂര്യന്‍ഷ് ഷെഡ്‌ജെ മടക്കുകയായിരുന്നു.
സയ്യിദ് മുഷതാഖ് അലി ഫൈനല്‍: മുംബൈക്കെതിരെ മധ്യപ്രദേശിന് തുടക്കം പാളി, രണ്ട് വിക്കറ്റ് നഷ്ടം
രാഹുല്‍ ബാതം (19), ത്രിപുരേഷ് സിംഗ് (0), ശിവം ശുക്ല (1) എന്നിവര്‍ പെട്ടന്ന് മടങ്ങിയതോടെ എട്ടിന് 157 എന്ന നിലയിലായി മധ്യ പ്രദേശ്. ഇതിനിടെ പടിധാര്‍ പിടിച്ചുനിന്നത് മാത്രമാണ് മധ്യപ്രദേശിന് ഗുണം ചെയ്തത്. ആറ് സിക്‌സും ആറ് ഫോറും ഉള്‍പ്പെടുന്നതായിരുന്നു പടിധാറിന്റെ ഇന്നിംഗ്‌സ്. ഇരു ടീമുകളുടേയം പ്ലേയിംഗ് ഇലവന്‍ അറിയാം.
undefined
മധ്യപ്രദേശ്: അര്‍പിത് ഗൗഡ്, ഹര്‍ഷ് ഗാവ്ലി (വിക്കറ്റ് കീപ്പര്‍), സുഭ്രാന്‍ഷു സേനാപതി, ഹര്‍പ്രീത് സിംഗ് ഭാട്ടിയ, രജത് പതിദാര്‍ (വിക്കറ്റ് കീപ്പര്‍), വെങ്കിടേഷ് അയ്യര്‍, ത്രിപുരേഷ് സിംഗ്, രാഹുല്‍ ബാതം, ശിവം ശുക്ല, കുമാര്‍ കാര്‍ത്തികേയ, അവേഷ് ഖാന്‍.
മുംബൈ: പൃഥ്വി ഷാ, അജിങ്ക്യ രഹാനെ, ശ്രേയസ് അയ്യര്‍ (ക്യാപ്റ്റന്‍), സൂര്യകുമാര്‍ യാദവ്, ശിവം ദുബെ, സൂര്യന്‍ഷ് ഷെഡ്ഗെ, ഹാര്‍ദിക് താമോര്‍ (വിക്കറ്റ് കീപ്പര്‍), ഷാര്‍ദുല്‍ ഠാക്കൂര്‍, തനുഷ് കോട്ടിയന്‍, റോയ്സ്റ്റണ്‍ ഡയസ്, അഥര്‍വ അങ്കോളേക്കര്‍.