ഈ എംപിവികളുടെ കാത്തിരിപ്പ് കാലയളവിനെക്കുറിച്ചുള്ള വിശദാംശങ്ങൾ ഇതാ.
ടൊയോട്ട ഇന്നോവ ഹൈക്രോസ്, കിയ കാരൻസ് എംപിവികൾക്ക് വാങ്ങുന്നവർക്കിടയിൽ വലിയ ഡിമാൻഡാണ്. ആദ്യത്തേത് പ്രീമിയം ഇടം നൽകുമ്പോൾ, രണ്ടാമത്തേത് കാര്യക്ഷമമായ പവർട്രെയിനുകളും താങ്ങാനാവുന്ന വിലയും ഉള്ള ഒരു നല്ല പാക്കേജ് ലഭ്യമാക്കുന്നു. രണ്ട് മോഡലുകള്‍ക്കും മികച്ച ബുക്കിംഗ് ലഭിക്കുന്നതിനാൽ, കഴിഞ്ഞ കുറച്ച് മാസങ്ങളായി അവരുടെ കാത്തിരിപ്പ് കാലയളവ് വർദ്ധിച്ചു. മേൽപ്പറഞ്ഞ എംപിവികളുടെ കാത്തിരിപ്പ് കാലയളവിനെക്കുറിച്ചുള്ള വിശദാംശങ്ങൾ ഇതാ.
ടൊയോട്ട ഇന്നോവ ഹൈക്രോസ് - 18 മാസം വരെ
ടൊയോട്ട കിർലോസ്‌കർ മോട്ടോർ കഴിഞ്ഞ വർഷം ഇന്നോവ ഹൈക്രോസിനെ 18.30 ലക്ഷം രൂപ പ്രാരംഭ വിലയിൽ പുറത്തിറക്കി. ടൊയോട്ടയുടെ TNGA-C പ്ലാറ്റ്‌ഫോമിനെ അടിസ്ഥാനമാക്കി, 2.0L, 4-സിലിണ്ടർ അറ്റ്കിൻസൺ, 2.0L പെട്രോൾ (നോൺ-ഹൈബ്രിഡ്) പവർട്രെയിനുകൾ എന്നിവയോടെയാണ് ഈ മോഡല്‍ വരുന്നത്. ശക്തമായ ഹൈബ്രിഡ് സജ്ജീകരണം ഇ-ഡ്രൈവ് ട്രാൻസ്മിഷനോടൊപ്പം 184 ബിഎച്ച്പി നൽകുമ്പോൾ, നോൺ-ഹൈബ്രിഡ് പതിപ്പ് സിവിടി ഗിയർബോക്സുമായി ജോടിയാക്കുമ്പോൾ 205 എൻഎം ഉപയോഗിച്ച് 172 ബിഎച്ച്പി നൽകുന്നു. രണ്ട് പവർട്രെയിനുകളും FWD (ഫ്രണ്ട്-വീൽ ഡ്രൈവ്) സിസ്റ്റത്തിനൊപ്പം എത്തുന്നു. ടൊയോട്ട ഇന്നോവ ഹൈക്രോസ്23.24 കിമി ഇന്ധനക്ഷമത വാഗ്ദാനം ചെയ്യുന്നുവെന്ന് അവകാശപ്പെടുന്ന ശക്തമായ ഹൈബ്രിഡ്, നോൺ-ഹൈബ്രിഡ് പതിപ്പിനേക്കാൾ കൂടുതൽ ബുക്കിംഗുകൾ സ്വന്തമാക്കുന്നു. നിലവിൽ, ഇതിന് 18 മാസം വരെ കാത്തിരിപ്പ് കാലയളവ് ലഭിക്കുന്നു. ഇതിന്റെ വിലകൾ 18.30 ലക്ഷം മുതൽ 28.97 ലക്ഷം രൂപ വരെയാണ്. ഇന്നോവ ഹൈക്രോസ് ഓട്ടോമാറ്റിക്കിന്റെ വില 19.15 ലക്ഷം മുതൽ 28.97 ലക്ഷം രൂപ വരെയാണ്. എല്ലാ വിലകളും എക്‌സ് ഷോറൂം വിലകള്‍ ആണ്.
കിയ കാരൻസ് - 10-11 മാസം
115 ബിഎച്ച്പി, 1.5 എൽ നാച്ചുറലി ആസ്പിറേറ്റഡ് പെട്രോൾ, 140 ബിഎച്ച്പി, 1.4 എൽ ടർബോ പെട്രോൾ, 115 ബിഎച്ച്പി, 1.5 എൽ ഡീസൽ എന്നിങ്ങനെ മൂന്ന് എഞ്ചിൻ ഓപ്ഷനുകളിലാണ് കിയ കാരൻസ് അവതരിപ്പിച്ചത്. ആറ് സ്പീഡ് മാനുവൽ ഗിയർബോക്‌സ് മോഡൽ ലൈനപ്പിലുടനീളം സ്റ്റാൻഡേർഡ് ആണ്. ടർബോ-പെട്രോൾ യൂണിറ്റിന് ഏഴ് സ്പീഡ് ഡ്യുവൽ-ക്ലച്ച് ഓട്ടോമാറ്റിക് ട്രാൻസ്മിഷൻ ലഭിക്കും. അതേസമയം ഡീസല്‍ മോഡലിന് ഓപ്ഷണൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്‌സ് ലഭിക്കും. തിരഞ്ഞെടുത്ത നഗരങ്ങളിൽ കിയ കാരൻസിന് 10 മുതൽ 11 മാസം വരെ കാത്തിരിപ്പ് കാലാവധിയുണ്ട്. റിപ്പോർട്ടുകൾ വിശ്വസിക്കാമെങ്കിൽ, ഈ വർഷം അവസാനത്തോടെ കാർ നിർമ്മാതാക്കൾ കാരൻസിന്റെ ഡീസൽ മാനുവൽ പതിപ്പുകൾ നിർത്തലാക്കും. 10.20 ലക്ഷം രൂപയിൽ ആരംഭിച്ച് 18.45 ലക്ഷം രൂപ വരെ എക്‌സ്‌ഷോറൂം വിലകള്‍ വരെ നീളുന്നതാണ് കാരൻസിന്റെ വില.