2024 നെക്‌സോണിന്റെ എക്സ്റ്റീരിയര്‍ ഡിസൈൻ നിലവിലുള്ളതിൽ നിന്ന് വളരെ വ്യത്യസ്‍തമാണ്.
ജനപ്രിയ മോഡലായ നെക്‌സോൺ കോംപാക്‌ട് എസ്‌യുവിയുടെ അടുത്ത തലമുറയുടെ പ്രവർത്തനം ടാറ്റ മോട്ടോഴ്‌സ് ആരംഭിച്ചു. ടെസ്റ്റ് പതിപ്പിനെ ഇന്ത്യൻ റോഡുകളിൽ കണ്ടെത്തി. ഇത് 2024-ൽ അരങ്ങേറ്റം കുറിക്കുമെന്ന് പ്രതീക്ഷിക്കുന്നു. പുതിയ ഡിസൈൻ ഭാഷയാണ് വാഹനത്തിന് എന്നാണ് റിപ്പോര്‍ട്ടുകള്‍. 2024 നെക്‌സോണിന്റെ എക്സ്റ്റീരിയര്‍ ഡിസൈൻ നിലവിലുള്ളതിൽ നിന്ന് വളരെ വ്യത്യസ്‍തമാണ്. 2024 നെക്‌സോണിന്റെ പുറംഭാഗം കര്‍വ്വ് ആശയത്തിൽ നിന്ന് പ്രചോദനം ഉൾക്കൊണ്ടതാണെന്ന് തോന്നുന്നു.
ന്യൂ-ജെൻ നെക്‌സോണിന് സ്പ്ലിറ്റ് ഹെഡ്‌ലാമ്പ് സജ്ജീകരണം ലഭിക്കുന്നു. എല്‍ഇഡി ഡേടൈം റണ്ണിംഗ് ലാമ്പുകൾ മുകളിൽ സ്ഥാപിച്ചിരിക്കുകയും പ്രധാന ഹെഡ്‌ലാമ്പ് സജ്ജീകരണം ബമ്പറിൽ സ്ഥാനം പിടിക്കുകയും ചെയ്യും. ടാറ്റ മോട്ടോഴ്‌സിന്റെ മറ്റ് എസ്‌യുവികൾ ഇതിനകം തന്നെ ഈ ഡിസൈൻ ഭാഷ വഹിക്കുന്നു. നിലവിൽ ഈ ഡിസൈൻ ഭാഷ ലഭിക്കാത്ത ഒരേയൊരു എസ്‌യുവിയാണ് നെക്‌സോൺ.
undefined
വശങ്ങളിൽ പുതിയ അലോയി വീലുകളും പുറത്തെ റിയർവ്യൂ മിററുകളും പുതിയതാണ്. അവ ഹാരിയറിൽ നിന്നും സഫാരിയിൽ നിന്നും കടമെടുത്തതാണെന്ന് തോന്നുന്നു . പിൻഭാഗത്ത്, നിലവിലുള്ള യൂണിറ്റുകളേക്കാൾ മെലിഞ്ഞതായി തോന്നുന്ന ഒരു പുതിയ എൽഇഡി ടെയിൽ ലാമ്പുകൾ ഉണ്ട്. മുന്നിലും പിന്നിലും ഒരു ലൈറ്റ് ബാർ അരങ്ങേറുമെന്ന് പ്രതീക്ഷിക്കുന്നു.
നിരത്ത് കീഴടക്കാൻ വരുന്നൂ ഈ ടാറ്റ എസ്‌യുവികൾ
പുതിയ അപ്‌ഹോൾസ്റ്ററിയും ഡാഷ്‌ബോർഡ് ഡിസൈനും ഉപയോഗിച്ച് വാഹനത്തിന്‍റെ ഇന്റീരിയറും പുനർനിർമ്മിക്കും. ഹാരിയറിലും സഫാരിയിലും അടുത്തിടെ അരങ്ങേറ്റം കുറിച്ച പുതിയ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും പുത്തൻ നെക്സോണില്‍ ഉണ്ടാകും. അതോടൊപ്പം, സഫാരിയിലും ഹാരിയറിലും വീണ്ടും കാണുന്ന ഒരു പുതിയ പൂർണ്ണ ഡിജിറ്റൽ ഇൻസ്ട്രമെന്റ് ക്ലസ്റ്ററും ഉണ്ടാകും.
എഞ്ചിൻ ഓപ്ഷനുകളുടെ കാര്യത്തിൽ, 108 bhp കരുത്തും 260 Nm ഉം ഉത്പാദിപ്പിക്കുന്ന 1.5 ലിറ്റർ ഡീസൽ എഞ്ചിനാണ് 2024 നെക്‌സോണിന് കരുത്തേകുക. 123 bhp കരുത്തും 225 Nm ടോര്‍ക്കും ഉത്പാദിപ്പിക്കുന്ന പുതിയ 1.2 ലിറ്റർ ടർബോ പെട്രോൾ എഞ്ചിൻ ടാറ്റ മോട്ടോഴ്‌സ് ഉപയോഗിക്കാനുള്ള സാധ്യതയുണ്ട്. നിലവിലെ ടർബോ പെട്രോൾ എഞ്ചിൻ 118 bhp കരുത്തും 170 Nm ടോര്‍ക്കും ആണ് ഉത്പാദിപ്പിക്കുന്നത്.