പുത്തൻ വെന്യു എൻ ലൈൻ ശ്രേണിയില്‍ പുതിയ ഫീച്ചറുകളും വില വർദ്ധനയും ലഭിക്കുന്നു.
ഹ്യുണ്ടായി മോട്ടോർ ഇന്ത്യ 2023 മോഡൽ വർഷത്തിലേക്ക് വെന്യു എൻ ലൈനിനെ അപ്‌ഡേറ്റുചെയ്‌തു. ഈ സബ്‌കോംപാക്റ്റ് എസ്‌യുവിയുടെ പ്രകടന പതിപ്പ് ഇപ്പോൾ വരാനിരിക്കുന്ന ആർഡിഇ എമിഷൻ മാനദണ്ഡങ്ങൾ പാലിക്കുന്നു. അതേസമയം പുത്തൻ വെന്യു എൻ ലൈൻ ശ്രേണിയില്‍ പുതിയ ഫീച്ചറുകളും വില വർദ്ധനയും ലഭിക്കുന്നു.
വെന്യു എൻ ലൈനിന് അതിന്റെ ബാഹ്യ പ്രൊഫൈലിൽ ചുവപ്പ് നിറത്തിലുള്ള ഹൈലൈറ്റുകളുടെ രൂപത്തിൽ നിരവധി കോസ്മെറ്റിക് അപ്‌ഡേറ്റുകൾ ലഭിക്കുന്നു. 2023 ഹ്യുണ്ടായ് വെന്യു എൻ ലൈൻ ഇപ്പോൾ എല്ലാ വേരിയന്റുകളിലും സ്റ്റാൻഡേർഡായി ഐഡില്‍ സ്റ്റാർട്ട്-സ്റ്റോപ്പ് സിസ്റ്റവുമായി വരുന്നു. പ്രത്യേകിച്ച് പതിയെയുള്ള ട്രാഫിക് സാഹചര്യങ്ങളിൽ പുതിയ ഫീച്ചർ വലിയതോതില്‍ ഇന്ധനം ലാഭിക്കാൻ സഹായിക്കുന്നു. കാര്‍ബണ്‍ ഉദ്‌വമനം കുറയ്ക്കാനും ഇത് സഹായിക്കുന്നു,
undefined
ഈ നവീകരണത്തിന്റെ ഫലമായി 2023 ഹ്യൂണ്ടായ് വെന്യു എൻ ലൈനിന്റെ വിലകൾ വർദ്ധിച്ചു. സബ് കോംപാക്റ്റ് എസ്‌യുവിക്ക് രണ്ട് വേരിയന്റുകളിൽ - N6, N8 - മോണോടോണും ഡ്യുവൽ-ടോൺ കളർ ഓപ്ഷനുകളും ലഭിക്കും. എല്ലാ ട്രിമ്മുകളിലുമായി വിലകൾ 30,000 രൂപയോളം വർധിപ്പിച്ചു. ഇപ്പോൾ 12.60 ലക്ഷം മുതൽ 13.74 ലക്ഷം രൂപ വരെയാണ് വാഹനത്തിന്‍റെ ദില്ലി എക്സ്-ഷോറൂം വില.
2023 ഹ്യുണ്ടായ് വെന്യു എൻ ലൈനിൽ മറ്റെല്ലാ ഫീച്ചറുകളും അതേപടി തുടരുന്നു. എസ്‌യുവിക്ക് എൽഇഡി പ്രൊജക്ടർ ഹെഡ്‌ലാമ്പുകളും കോർണറിംഗ് ലാമ്പുകളും ലഭിക്കുന്നു; ലെതർ സീറ്റുകൾ, എൻ ലോഗോ ഉള്ള ലെതർ പൊതിഞ്ഞ സ്റ്റിയറിംഗ് വീൽ, സ്‌പോർട്ടി മെറ്റൽ പെഡലുകൾ, കൂടാതെ ചുവന്ന ആക്സന്റുകളുള്ള കറുത്ത ഇന്റീരിയറുകളും അതേപടി തുടരുന്നു. ബ്ലൂലിങ്ക് കണക്റ്റിവിറ്റി, അലക്‌സ, ഗൂഗിൾ വോയ്‌സ് അസിസ്റ്റന്റ്, ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി എന്നിവയും അതിലേറെയും ഉള്ള എട്ട് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും ഈ മോഡലിൽ ഉണ്ട്.
ഹ്യുണ്ടായ് വെന്യു എൻ ലൈൻ കൂടുതൽ പ്രകടനത്തെ അടിസ്ഥാനമാക്കിയുള്ള പതിപ്പാണ്. കൂടാതെ കാഴ്ചയ്ക്ക് ദൃശ്യ ഹൈലൈറ്റുകളും ലഭിക്കുന്നു. 118 bhp കരുത്തും 172 Nm ടോര്‍ക്കും നൽകുന്ന അതേ 1.0 ലിറ്റർ ടർബോചാർജ്ഡ് പെട്രോൾ എഞ്ചിനിൽ നിന്നാണ് കരുത്ത് ഉല്‍പ്പാദിപ്പിന്നത്. മുൻ ചക്രങ്ങളിലേക്ക് പവർ അയക്കുന്ന 7-സ്പീഡ് DCT യൂണിറ്റുമായി എഞ്ചിൻ ജോടിയാക്കിയിരിക്കുന്നു. പാഡിൽ ഷിഫ്റ്ററുകൾ, നോർമൽ, ഇക്കോ, സ്‌പോർട്ട് എന്നീ മൂന്ന് ഡ്രൈവിംഗ് മോഡുകളും ഈ മോഡലിൽ ലഭ്യമാണ്.