രാജ്യത്തുടനീളം റോഡ് ശൃംഖല വർധിച്ചതുപോലെ, റോഡപകടങ്ങളുടെ എണ്ണവും തുടർച്ചയായി വർദ്ധിച്ചുകൊണ്ടിരിക്കുന്നു. റോഡപകടങ്ങളിലെ മരണങ്ങൾ തടയാൻ സർക്കാർ തുടർച്ചയായി ശ്രമങ്ങൾ നടത്തിവരികയാണ്. ഇപ്പോൾ റോഡ് അപകടങ്ങളിൽപ്പെടുന്നവർക്ക് ആശ്വാസമായി പണരഹിത ചികിത്സാസംവിധാനം ആരംഭിക്കാനുള്ള ശ്രമത്തിലാണ് കേന്ദ്ര സർക്കാർ.
രാജ്യത്ത് റോഡപകടങ്ങള്‍ മൂലമുള്ള മരണനിരക്ക് കുതിക്കുകയാണ്. രാജ്യത്തുടനീളം റോഡ് ശൃംഖല വർധിച്ചതുപോലെ, റോഡപകടങ്ങളുടെ എണ്ണവും തുടർച്ചയായി വർദ്ധിച്ചുകൊണ്ടിരിക്കുന്നു. റോഡപകടങ്ങളിലെ മരണങ്ങൾ തടയാൻ സർക്കാർ തുടർച്ചയായി ശ്രമങ്ങൾ നടത്തിവരികയാണ്. ഇപ്പോൾ റോഡ് അപകടങ്ങളിൽപ്പെടുന്നവർക്ക് ആശ്വാസമായി പണരഹിത ചികിത്സാസംവിധാനം ആരംഭിക്കാനുള്ള ശ്രമത്തിലാണ് കേന്ദ്ര സർക്കാർ.
അടുത്ത മൂന്നോ നാലോ മാസത്തിനുള്ളിൽ രാജ്യത്തുടനീളമുള്ള റോഡപകടങ്ങളിൽ ഇരയായവർക്ക് പണരഹിത ചികിത്സ ആരംഭിക്കാൻ കേന്ദ്ര റോഡ് ഗതാഗത, ഹൈവേ മന്ത്രാലയം (എംആർടിഎച്ച്) പദ്ധതിയിടുന്നതായാണ് പുതിയ റിപ്പോര്‍ട്ട്. 2019ലെ പുതിയ മോട്ടോർ വെഹിക്കിൾ ആക്ടിന്റെ ഭാഗമായിരിക്കും ഈ പദ്ധതി. ചില സംസ്ഥാനങ്ങൾ പണരഹിത ചികിൽസ പദ്ധതി നടപ്പാക്കിയിട്ടുണ്ടെങ്കിലും കേന്ദ്രത്തിന്‍റെ പുതിയ ഇടപടലോടെ ഇത് രാജ്യത്തുടനീളം പൂർണമായും നടപ്പാക്കും.
റോഡപകടങ്ങള്‍ക്ക് പ്രധാനകാരണം എഞ്ചിനീയറിംഗ് തകരാർ, തുറന്നടിച്ച് ഗഡ്‍കരി
ഇൻസ്റ്റിറ്റ്യൂട്ട് ഓഫ് റോഡ് ട്രാഫിക് എജ്യുക്കേഷൻ (ഐആർടിഇ) യുമായി സഹകരിച്ച് കേന്ദ്ര റോഡ് ഗതാഗത, ഹൈവേ മന്ത്രാലയം ഡൽഹിയിൽ സംഘടിപ്പിച്ച ത്രിദിന 'ഗ്ലോബൽ റോഡ് സേഫ്റ്റി ഇനിഷ്യേറ്റീവ്' പരിപാടിയിലാണ് ഈ പ്രഖ്യാപനം. മോട്ടോർ വാഹന നിയമം നിർവചിച്ചിരിക്കുന്നതുപോലെ അപകടത്തിൽപ്പെട്ടവർക്കും പണരഹിത ചികിത്സ വ്യാപിപ്പിക്കുമെന്ന് കേന്ദ്ര റോഡ് ഗതാഗത, ഹൈവേ മന്ത്രാലയം സെക്രട്ടറി അനുരാഗ് ജെയിൻ പറഞ്ഞു.
ലോകത്തിൽ ഏറ്റവും കൂടുതൽ റോഡപകട മരണങ്ങൾ നടക്കുന്ന രാജ്യമാണ് ഇന്ത്യയെന്നും 2030 ആകുമ്പോഴേക്കും അപകടങ്ങൾ 50 ശതമാനം കുറയ്ക്കാൻ, റോഡ് സുരക്ഷയുടെ ഒരു മൾട്ടി-ഡൈമൻഷണൽ (5E) തന്ത്രം മന്ത്രാലയം തയ്യാറാക്കിയിട്ടുണ്ടെന്നും അനുരാഗ് ജെയിൻ പറഞ്ഞു. അടുത്ത ഒന്നോ രണ്ടോ മാസത്തിനുള്ളിൽ, രാജ്യത്തുടനീളമുള്ള റോഡപകട ഡാറ്റ റിപ്പോർട്ടുചെയ്യുന്നതിനും നിയന്ത്രിക്കുന്നതിനും വിശകലനം ചെയ്യുന്നതിനുമായി ഒരു ഇലക്ട്രോണിക് വിശദമായ അപകട റിപ്പോർട്ട് (ഇ-ഡാർ) പദ്ധതി ആരംഭിക്കും. ഡൽഹിയിൽ നടക്കുന്ന ആഗോള റോഡ് സുരക്ഷാ സംരംഭത്തിൽ 27 രാജ്യങ്ങളിൽ നിന്നുള്ള 130 റോഡ് സുരക്ഷാ വിദഗ്ധർ ഒത്തുകൂടി. റോഡപകടങ്ങളും മരണങ്ങളും കുറയ്ക്കുന്നതിനുള്ള സുരക്ഷാ കോഡുകൾ തിരിച്ചറിയുന്നതിനായിട്ടാണ് ഈ വിദഗ്ധർ പ്രവർത്തിക്കുന്നത്.