ലോക്ക്ഡൗണില്‍ തരംഗമായ 'ബ്ലാങ്കറ്റ് ചലഞ്ച്' ഏറ്റെടുത്ത് സമീറ റെഡ്ഡിയും !
ലോക്ക്ഡൗൺ കാലത്ത് പല തരത്തിലുളള ചലഞ്ചുകളാണ് സിനിമാതാരങ്ങള്‍ വരെ ഏറ്റെടുത്ത് വൈറലാക്കിയത്. ആദ്യം 'പില്ലോ' ചലഞ്ചായിരുന്നു.
 )
Followലോക്ക്ഡൗൺ കാലത്ത് വീടിനകത്ത് മക്കളുടെ കുസൃതികൾ കണ്ടും അവരോടൊപ്പം കളിച്ചും സന്തോഷം കണ്ടെത്തുകയാണ് തെന്നിന്ത്യന്‍ സിനിമാനടി സമീറ റെഡ്ഡി. സോഷ്യല്‍ മീഡിയയില്‍ സജ്ജീവമായ സമീറ ഈ ലോക്ക്ഡൗണില്‍ തരംഗമായ ഒരു ചലഞ്ചുമായാണ് ഇപ്പോള്‍ രംഗത്തെത്തിയിരിക്കുന്നത്.
ലോക്ക്ഡൗൺ കാലത്ത് പല തരത്തിലുളള ചലഞ്ചുകളാണ് സിനിമാതാരങ്ങള്‍ വരെ ഏറ്റെടുത്ത് വൈറലാക്കിയത്. ആദ്യം 'പില്ലോ' ചലഞ്ചായിരുന്നു. തലയിണയെ മനോഹരമായി ശരീരത്തോട് ചേര്‍ത്തു ബെല്‍റ്റിട്ട് കെട്ടി വസ്ത്രത്തിന്‍റെ രൂപത്തിലാക്കുന്നതായിരുന്നു ആ ചലഞ്ച്.
പിന്നീട് തരംഗമായത് 'ഷോപ്പിംഗ് ബാഗ്' ചലഞ്ചായിരുന്നു. ഇവിടെ തലയണയ്ക്ക് പകരം ഷോപ്പിംഗ് ബാഗാണ് ഉപയോഗിക്കുന്നത്. ഏറ്റവും ഒടുവില്‍ തരംഗമായത് 'ബ്ലാങ്കറ്റ് ചലഞ്ച്' ആണ്. ഇതാണ് സമീറയും ഏറ്റെടുത്തിരിക്കുന്നത്.
ബ്ലാങ്കറ്റിനെ ഗ്ലാമര്‍ വസ്ത്രം പോലെ ധരിക്കുന്നതാണ് ഈ 'ബ്ലാങ്കറ്റ് ചലഞ്ച്'. വിവിധ നിറത്തിലുള്ള ബ്ലാങ്കറ്റുകള്‍ സ്ലിറ്റ് ഡ്രസ്സിന് സമാനമായി ഫാഷന്‍ റാംപുകളില്‍ പോലും കാണാത്ത രീതിയിലാണ് പലരും ധരിച്ചത്.
സമീറയും പല നിറത്തിലും ഡിസൈനിലുമുള്ള ബ്ലാങ്കറ്റുകളാണ് ധരിച്ചത്. അതിന്‍റെ വീഡിയോയും താരം തന്നെ തന്‍റെ ഇന്‍സ്റ്റഗ്രാമിലൂടെ പങ്കുവച്ചിട്ടുണ്ട്.
Also Read: ഫാഷന്‍ റാംപുകളില്‍ പോലും കാണാത്ത ഡിസൈനുകള്‍; വൈറലായി മറ്റൊരു ചലഞ്ച് കൂടി...
