വോഡഫോണ്‍ ഐഡിയ ഓഹരികള്‍ 17 ശതമാനം ഉയര്‍ന്നു, കാരണം ഇങ്ങനെ
ടെലികോം മേഖലയുടെ ആരോഗ്യനടപടികളെക്കുറിച്ച് ബിര്‍ള വൈഷ്ണവുമായി സംസാരിക്കുകയും സര്‍ക്കാര്‍ ഇടപെടലിന്റെ അടിയന്തിര ആവശ്യത്തെക്കുറിച്ച് ചര്‍ച്ച ചെയ്യുകയും ചെയ്തു. കഴിഞ്ഞ മാസം, കടക്കെണിയിലായതിനെ തുടര്‍ന്ന് ചെയര്‍മാന്‍ സ്ഥാനം കുമാരമംഗലം രാജിവച്ചിരുന്നു.
 )
Followവോഡഫോണ്‍ ഐഡിയ ഓഹരി വില ഒറ്റയടിക്ക് 17 ശതമാനത്തിലധികം ഉയര്‍ന്നു. ആദിത്യ ബിര്‍ള ഗ്രൂപ്പ് (എബിജി) ചെയര്‍മാന്‍ കുമാരമംഗലം ബിര്‍ള ടെലികോം മന്ത്രി അശ്വിനി വൈഷ്ണവുമായി കൂടിക്കാഴ്ച നടത്തിയതിന് ശേഷമായിരുന്നു ഈ മുന്നേറ്റം. ബിഎസ്ഇയില്‍ 1.05 രൂപ അഥവാ 17.24 ശതമാനം ഉയര്‍ന്ന് 7.14 രൂപയിലാണ് ക്ലോസ് ചെയ്തത്. ഇത് ഇന്‍ട്രാഡേയിലെ ഏറ്റവും ഉയര്‍ന്ന നിരക്കായ 7.29 ല്‍ എത്തി. ടെലികോം മേഖലയ്ക്കായി ചില ആശ്വാസ നടപടികള്‍ സര്‍ക്കാര്‍ ആസൂത്രണം ചെയ്യുന്നതിനിടയിലാണ് ഈ കുതിപ്പ്.
ടെലികോം മേഖലയുടെ പുനരുദ്ധാരണത്തിന് ആവശ്യമാ നടപടികളെക്കുറിച്ച് ബിര്‍ള വൈഷ്ണവുമായി സംസാരിക്കുകയും സര്‍ക്കാര്‍ ഇടപെടലിന്റെ അടിയന്തിര ആവശ്യത്തെക്കുറിച്ച് ചര്‍ച്ച ചെയ്യുകയും ചെയ്തു. കഴിഞ്ഞ മാസം, കടക്കെണിയിലായതിനെ തുടര്‍ന്ന് ചെയര്‍മാന്‍ സ്ഥാനം കുമാരമംഗലം രാജിവച്ചിരുന്നു. കമ്പനിയുടെ മൊത്തം കടബാധ്യത 1.91 ലക്ഷം കോടി രൂപയാണ്. ഇതില്‍ 1060.1 ബില്യണ്‍ മാറ്റിവെച്ച സ്‌പെക്ട്രം പേയ്‌മെന്റ് ബാധ്യതകളും സര്‍ക്കാരിന് ലഭിക്കേണ്ട 621.8 ബില്യണ്‍ രൂപയുടെ എജിആര്‍ ബാധ്യതകളും ഉള്‍പ്പെടുന്നു. ബാങ്കുകള്‍ക്കും ധനകാര്യ സ്ഥാപനങ്ങള്‍ക്കുമായി 234 ബില്യണ്‍ രൂപ കടമുണ്ട്. 2021-22 സാമ്പത്തിക വര്‍ഷത്തിന്റെ ആദ്യ പാദത്തില്‍ കമ്പനി 7,319.1 കോടി രൂപയുടെ നഷ്ടം റിപ്പോര്‍ട്ട് ചെയ്തിരുന്നു.
ത്രൈമാസ റിപ്പോര്‍ട്ടില്‍ (2021 ഏപ്രില്‍-ജൂണ്‍) കോവിഡ് 19 ന്റെ കടുത്ത രണ്ടാം തരംഗത്തില്‍ പല സംസ്ഥാനങ്ങളിലും ലോക്ക്ഡൗണ്‍/നിയന്ത്രണങ്ങള്‍ മൂലം സാമ്പത്തിക പ്രവര്‍ത്തനങ്ങള്‍ മന്ദഗതിയിലായതിനാല്‍ വരുമാനം 4.7 ശതമാനം കുറഞ്ഞ് 91.5 ബില്യണ്‍ രൂപയായി കുറഞ്ഞു. ഈ ഓഹരി യഥാക്രമം 52 ആഴ്ചയിലെ ഏറ്റവും ഉയര്‍ന്ന നിരക്കായ 13.80 രൂപയിലും 52 ആഴ്ചയിലെ ഏറ്റവും താഴ്ന്ന നിരക്കായ 4.55 രൂപയിലും യഥാക്രമം 2021 ജനുവരി 15 നും 2021 ആഗസ്റ്റ് 05 നും എത്തി. നിലവില്‍, 52 ആഴ്ചയിലെ ഏറ്റവും ഉയര്‍ന്ന നിരക്കില്‍ 48.26 ശതമാനവും 52 ആഴ്ചയിലെ ഏറ്റവും താഴ്ന്ന നിരക്കില്‍ 56.92 ശതമാനത്തിലുമാണ് വ്യാപാരം നടക്കുന്നത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
