നിങ്ങളുടെ സ്മാര്‍ട്ട്‌ഫോണില്‍ പെഗാസസ് സ്‌പൈവെയര്‍ ബാധിച്ചിട്ടുണ്ടോ?; കണ്ടെത്താന്‍ ഇതാണ് വഴി
വിവര സുരക്ഷാ വിദഗ്ധരുടെ അഭിപ്രായത്തില്‍, ലോകമെമ്പാടും കുറഞ്ഞത് ഒരു ലക്ഷം ഉപകരണങ്ങളെങ്കിലും പെഗാസസ് മാല്‍വെയര്‍ ബാധിച്ചിട്ടുണ്ട്.
 )
Followരഹസ്യാന്വേഷണങ്ങള്‍ക്കുമായി ഇസ്രായേല്‍ കമ്പനിയായ എന്‍എസ്ഒ ഗ്രൂപ്പ് സൃഷ്ടിച്ച പെഗാസസ് എന്ന മാല്‍വെയര്‍ യൂട്ടിലിറ്റി ടൂള്‍ ഇന്ന് വലിയ വിവാദമായിരിക്കുകയാണ്. വിവിധ രാജ്യങ്ങളിലെ ഉന്നതരുടെ ഫോണുകളിലെ വിവരങ്ങള്‍ ചോര്‍ത്തുന്ന ചാരപ്പണി ചെയ്യുന്ന വിവരം പുറത്തായതോടെ ഇപ്പോള്‍ സാധാരണക്കാര്‍ക്കും സംശയങ്ങള്‍ ഉയര്‍ന്നു തുടങ്ങി. പെഗാസസ് ബാധിച്ചിട്ടുണ്ടോ എന്നറിയാന്‍ ഇപ്പോള്‍ ഒരു മാര്‍ഗ്ഗമുണ്ട്. അതെങ്ങനെയെന്നു നോക്കാം.
വിവര സുരക്ഷാ വിദഗ്ധരുടെ അഭിപ്രായത്തില്‍, ലോകമെമ്പാടും കുറഞ്ഞത് ഒരു ലക്ഷം ഉപകരണങ്ങളെങ്കിലും പെഗാസസ് മാല്‍വെയര്‍ ബാധിച്ചിട്ടുണ്ട്. എന്നാല്‍ ഇതത്ര ഉയര്‍ന്നതായി തോന്നുന്നില്ലെങ്കിലും, പക്ഷേ പെഗാസസ് വളരെ അപകടകരമാണ് എന്നറിയണം. മറ്റു മാല്‍വെയറുകളെ അപേക്ഷിച്ച്, ഇത് സ്മാര്‍ട്ട്‌ഫോണിന്റെ പൂര്‍ണ നിയന്ത്രണം ഏറ്റെടുക്കാനും രഹസ്യമായി മെസേജുകള്‍ വായിക്കാനും വയര്‍ടാപ്പിലൂടെ ഫോണ്‍ സംഭാഷണങ്ങള്‍, ഫോട്ടോകളും വീഡിയോകളും പകര്‍ത്തിയെടുക്കാനും അനുവദിക്കുന്നു.
ഓപ്പറേറ്റിംഗ് സിസ്റ്റങ്ങളുടെയും ആന്റിവൈറസ് ആപ്ലിക്കേഷനുകളുടെയും ഡവലപ്പര്‍മാര്‍ക്ക് അജ്ഞാതമായ രീതിയിലാണ് ഈ മാല്‍വെയര്‍ ഉപയോഗപ്പെടുത്തുന്നതിനാല്‍ ജനപ്രിയ ആന്റിവൈറസുകള്‍ക്ക് പെഗാസസിനെ കണ്ടെത്താന്‍ കഴിയില്ല. എന്നാല്‍, പെഗാസസിനെ തിരിച്ചറിയാന്‍ ആനംസ്റ്റി ഇന്‍റര്‍നാഷണല്‍ ഇപ്പോള്‍ ഒരു യൂട്ടിലിറ്റി വികസിപ്പിച്ചെടുത്തിട്ടുണ്ട്. ഇതിനെ എംവിടി (മൊബൈല്‍ വെരിഫിക്കേഷന്‍ ടൂള്‍കിറ്റ്) എന്ന് വിളിക്കുന്നു, ഇതിന്റെ സോഴ്‌സ് കോഡ് ഗിറ്റ്ഹബ്ബില്‍ ലഭ്യമാണ്. എംവിടി യൂട്ടിലിറ്റി ആന്‍ഡ്രോയിഡ്, ഐഒഎസ് എന്നിവയില്‍ ഉപയോഗിക്കാന്‍ സാധിക്കും. പക്ഷേ ഈ ആപ്ലിക്കേഷന്‍ വേഗത്തില്‍ ഇന്‍സ്റ്റാള്‍ ചെയ്യാനാവില്ല. ഒരു നിര്‍ദ്ദിഷ്ട ഫോണിനായി അവയില്‍ ചില മാറ്റങ്ങള്‍ ചെയ്യേണ്ടതുണ്ട്, ഇത് ലിനക്‌സ് അല്ലെങ്കില്‍ മാക് ഉള്ള കമ്പ്യൂട്ടറില്‍ മാത്രമേ ചെയ്യാനും കഴിയൂ.
കമ്പ്യൂട്ടറിലെ സ്മാര്‍ട്ട്‌ഫോണില്‍ നിന്ന് ഡാറ്റയുടെ ബാക്കപ്പ് പകര്‍പ്പ് യൂട്ടിലിറ്റി സംരക്ഷിക്കുന്നു, തുടര്‍ന്ന് എല്ലാ ഡാറ്റയും സ്‌കാന്‍ ചെയ്യുന്നു, ഉപകരണം പെഗാസസ് സ്‌പൈവെയര്‍ ബാധിച്ചിട്ടുണ്ടോയെന്ന് പരിശോധിക്കുന്നു, ഒപ്പം ഫോണില്‍ നിന്നുള്ള വിവരങ്ങള്‍ അപഹരിക്കാനും തേര്‍ഡ് പാര്‍ട്ടിക്ക് കൈമാറാനും കഴിയുമോ എന്ന് നോക്കുന്നു. ഈ യൂട്ടിലിറ്റി, പ്രത്യേകിച്ചും, ഡാറ്റാ ട്രാന്‍സ്ഫര്‍ ലോഗുകള്‍ സ്‌കാന്‍ ചെയ്യുന്നു. അവിടെയാണ് മിക്കവാറും മാല്‍വെയര്‍ ഇന്‍ഫെക്ഷന്‍ കണ്ടെത്താന്‍ കഴിയുക (കോളുകളുടെ ഹിസ്റ്ററി, എസ്എംഎസ്, ഐഎം മെസേജുകള്‍, മറ്റ് കാര്യങ്ങള്‍ എന്നിവ വിദൂര സെര്‍വറിലേക്ക് അയയ്ക്കുന്നതിനെക്കുറിച്ചുള്ള വിവരങ്ങള്‍).
ഐഒഎസില്‍, ഈ ലോഗുകള്‍ ആന്‍ഡ്രോയിഡിനേക്കാള്‍ കൂടുതല്‍ സ്‌റ്റോര്‍ ചെയ്തു വച്ചിട്ടുണ്ടാകും, അതിനാല്‍ ഐഫോണിലെ പെഗാസസ് സ്‌പൈവെയര്‍ കണ്ടെത്തുന്നത് വളരെ എളുപ്പമാണ്. മൊബൈല്‍ വെരിഫിക്കേഷന്‍ ടൂള്‍കിറ്റ് ഉപയോഗിക്കുന്നതിലെ സങ്കീര്‍ണ്ണത കണക്കിലെടുത്ത്, സാങ്കേതിക വിദഗ്ദ്ധരായ ഉപയോക്താക്കള്‍ക്ക് അല്ലെങ്കില്‍ പെഗാസസ് അവരെ ട്രാക്കുചെയ്യുന്നുവെന്ന് സംശയിക്കുന്നവര്‍ക്കായി മാത്രമേ ഈ യൂട്ടിലിറ്റി ശുപാര്‍ശ ചെയ്യാവൂ.
ടാര്‍ഗെറ്റുചെയ്ത നിരീക്ഷണത്തിനു മാത്രമാണ് ഈ സ്‌പൈവെയര്‍ ഉപയോഗിക്കുന്നതെന്ന് വിവര സുരക്ഷാ വിദഗ്ധര്‍ വിശ്വസിക്കുന്നു. ഈ സോഫ്‌റ്റ്വെയറിനെ നിയന്ത്രിക്കുന്നവര്‍ക്ക് താല്‍പ്പര്യമുള്ളവരുടെ ഫോണുകളില്‍ മാത്രമാവും ഈ മാല്‍വെയര്‍ ഉള്ളത്. ഓരോ പെഗാസസ് ലൈസന്‍സിനും ലക്ഷക്കണക്കിന് ഡോളര്‍ ചിലവാകും, അതിനാല്‍ പ്രധാനമായും വിലയേറിയ വിവരങ്ങളുള്ളവരിലാണ് നിരീക്ഷണം നടത്തുക (ഉദാഹരണത്തിന്, രാഷ്ട്രീയക്കാര്‍, ബിസിനസ്സ് നേതാക്കള്‍ അല്ലെങ്കില്‍ പ്രധാന പ്രസിദ്ധീകരണങ്ങളുടെ പത്രപ്രവര്‍ത്തകര്‍).
പെഗാസസ് കേസ് അടുത്തിടെ വാര്‍ത്തകളില്‍ വളരെ പ്രചാരത്തിലുണ്ടെങ്കിലും, മറ്റ് നൂറുകണക്കിന് സ്‌പൈ ആപ്ലിക്കേഷനുകള്‍ നിശബ്ദമായി പ്രവര്‍ത്തിക്കുന്നുണ്ട്. അവ ഗംഭീരമായി ചാരപ്പണി നടത്തുകയും ചെയ്യുന്നു. ഡിജിറ്റല്‍ ശുചിത്വം പാലിക്കുക, സുരക്ഷിതമായി തുടരുക എന്നതു മാത്രമാണ് ഇതിനുള്ള പരിഹാരം.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്ക് ഈ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
