PJ Kurien : നേതൃമാറ്റ ആവശ്യത്തിലുറച്ച് പിജെ കുര്യൻ
'കൂട്ടായ തീരുമാനങ്ങളില്ല. പാർട്ടി ഒരു ചെറു ഗ്രൂപ്പിന്റെ പിടിയിൽ.', രാഹുൽ ഗാന്ധി ഒറ്റയ്ക്ക് തീരുമാനമെടുക്കുന്നത് ശരിയല്ലെന്ന് പിജെ കുര്യൻ, കോൺഗ്രസിനെ ദുർബ്ബലപ്പെടുത്താനല്ല യോഗം നടത്തിയതെന്നും അദ്ദേഹം പറഞ്ഞു
Followരാഹുൽ ഗാന്ധി ഒറ്റയ്ക്ക് തീരുമാനമെടുക്കുന്നത് ശരിയല്ലെന്നും ദേശീയ കോൺഗ്രസിൽ നേതൃമാറ്റം കൂടിയേ തീരൂവെന്നും പിജെ കുര്യൻ. ഹൈക്കമാണ്ട് (high command)കെട്ടി ഇറക്കുന്ന സ്ഥാനാർഥികളെ അംഗീകരിക്കേണ്ടതില്ലെന്ന നിലപാടാണ് മുതിർന്ന കോൺഗ്രസ് നേതാവ് പി ജെ കുര്യന്. ഈ സ്ഥാനത്തിനായി അർഹതയുള്ള നിരവധിപേർ കേരളത്തിൽ തന്നെ ഉണ്ടെന്നും പി ജെ കുര്യൻ ഏഷ്യാനെറ്റ് ന്യൂസിനോട് പ്രതികരിച്ചു.
ദേശീയതലത്തിൽ നേതൃമാറ്റം അനിവാര്യമാണ്. ആ നിലപാടിൽ മാറ്റമില്ല. പ്രവർത്തക സമിതി യോഗത്തിൽ പ്രവർത്തന ശൈലിക്കെതിരെ അതൃപ്തി ഉയർന്നു. പാർട്ടി ഒരു ചെറു ഗ്രൂപ്പിൻ്റെ കൈയിലാണ്. പാർട്ടിയിൽ കൂട്ടായ തീരുമാനങ്ങളില്ല. സോണിയ ഗാന്ധിയെ നിർജ്ജീവമാക്കുന്ന നടപടി പാർട്ടിയിലുണ്ട് . രാഹുൽഗാന്ധി ഒറ്റക്ക് തീരുമാനമെടുക്കുന്നത് ശരിയല്ല. സഖ്യ ചർച്ചകൾക്ക് പാർട്ടി മുന്നിട്ടിറങ്ങണമെന്നും പി ജെ കുര്യൻ ഏഷ്യാനെറ്റ് ന്യൂസിനോട് പറഞ്ഞു.
