കണ്ടാൽ സഹിക്കൂല; ഇങ്ങനെ ഫ്രൂട്ട് കേക്കുണ്ടാക്കിയാല്‍ എങ്ങനെ കഴിക്കുമെന്ന് നെറ്റിസണ്‍സ്!!!
മാവ് ഇളക്കിയ ശേഷം ഇയാൾ തന്റെ കയ്യിലുള്ള ഭാഗം കൂടി തുടച്ച് മാവിലേക്ക് ആക്കുന്നതും വീഡിയോയിൽ വ്യക്തമാണ്. പിന്നീട്, കേക്കിലേക്ക് വേണ്ട മുട്ടയുടക്കുന്നതും എല്ലാം കൂടി ചേർത്ത് ഒരു ട്രേയിലേക്ക് ആക്കുന്നതും ഒക്കെ കാണാം.
 )
Followമിക്കവർക്കും കഴിക്കാൻ ഇഷ്ടമുള്ള ഒന്നാണ് ഫ്രൂട്ട് കേക്ക്. ചായയുടെ കൂടെയും യാത്രയിൽ ചെറിയ വിശപ്പ് വന്നാൽ ഒക്കെയും ഫ്രൂട്ട് കേക്ക് കഴിക്കുന്നവരുണ്ട്. എന്നാൽ, ഇപ്പോൾ ഒരു ഫ്രൂട്ട് കേക്ക് നിർമ്മിക്കുന്നതിന്റെ വീഡിയോയാണ് സോഷ്യൽ മീഡിയയിൽ വൈറലാവുന്നത്. അതിലെ വൃത്തിയില്ലായ്മ കാരണം വലിയ അസ്വസ്ഥതയാണ് ഇത് ആളുകളുടെ ഇടയിൽ ഉണ്ടാക്കിയത്.
Rajat Upadhyay എന്ന ഇൻസ്റ്റഗ്രാം യൂസറാണ് വീഡിയോ സോഷ്യൽ മീഡിയയിൽ ഷെയർ ചെയ്തിരിക്കുന്നത്. ഫ്രൂട്ട് കേക്ക് നിർമ്മാണം എന്ന് മാത്രമാണ് കാപ്ഷൻ നൽകിയിരിക്കുന്നത്. ഒരു കേക്കിനുള്ള മാവ് ഇളക്കിയെടുക്കുന്നത് മുതൽ കേക്ക് മുറിക്കുന്നത് വരെ വീഡിയോയിൽ ഉണ്ട്. വീഡിയോ തുടങ്ങുന്നത് തന്നെ ഒരാൾ തന്റെ നഗ്നമായ കൈകൾ കൊണ്ട് കേക്കിനുള്ള മാവ് തയ്യാറാക്കുന്നിടത്താണ്. ഇയാളുടെ കയ്യുടെ മുക്കാൽ ഭാഗവും കേക്കിനുള്ള മാവിനകത്താണ് എന്നതും വീഡിയോയിൽ കാണാം.
മാവ് ഇളക്കിയ ശേഷം ഇയാൾ തന്റെ കയ്യിലുള്ള ഭാഗം കൂടി തുടച്ച് മാവിലേക്ക് ആക്കുന്നതും വീഡിയോയിൽ വ്യക്തമാണ്. പിന്നീട്, കേക്കിലേക്ക് വേണ്ട മുട്ടയുടക്കുന്നതും എല്ലാം കൂടി ചേർത്ത് ഒരു ട്രേയിലേക്ക് ആക്കുന്നതും ഒക്കെ കാണാം. കേക്ക് മുറിക്കുന്നിടത്താണ് വീഡിയോ അവസാനിക്കുന്നത്. കേക്ക് മുറിക്കുന്നത് വരെയും അയാൾ തന്റെ നഗ്നമായ കൈകൾ കൊണ്ടാണ് ചെയ്യുന്നത് എന്നും വീഡിയോയിൽ കാണാം. ഒരു ഗ്ലൗസ് പോലും ഇയാൾ ധരിച്ചിട്ടില്ല.
വളരെ അധികം പേരാണ് ഈ വീഡിയോ ഇൻസ്റ്റഗ്രാമിൽ കണ്ടത്. ഇത് അങ്ങേയറ്റം നിരാശാജനകമായ കാര്യമാണ് എന്ന് പലരും കമന്റ് ചെയ്തു. പലരും ഇങ്ങനെയാണ് എങ്കിൽ എങ്ങനെയാണ് വിശ്വസിച്ച് ഇത്തരം ഭക്ഷണം കഴിക്കുന്നത് എന്ന് ചോദിച്ചിട്ടുണ്ട്. അതുപോലെ വൃത്തിയില്ലായ്മയെ കുറിച്ച് പലരും കമന്റ് ചെയ്തു.
