പ്രായം നൂറ് വയസ്സ്; ഫെര്‍നാന്റിന ദ്വീപില്‍ നിന്നും ഭീമന്‍ ആമയെ കണ്ടെത്തി
ഈ ആമയുടെ വര്‍ഗ്ഗത്തില്‍പ്പെട്ട മറ്റ് ആമകളെയും പ്രദേശത്തുനിന്നും ഇനിയും കണ്ടെത്താന്‍ സാധിക്കുമെന്നാണ് പരിപാലക കേന്ദ്രത്തിലെ ഗവേഷകര്‍ പ്രതീക്ഷിക്കുന്നത്. ആമയുടെ കൃത്യമായ വയസ്സ് കണ്ടെത്തുന്നതിനുവേണ്ടി ജനിതക പരിശോധന നടത്തുമെന്നും അധികൃതർ അറിയിച്ചു.
 )
Followക്വിറ്റോ: നൂറിലേറെ വര്‍ഷമായി ഭൂമിയില്‍ ജീവിക്കുന്നുവെന്ന് കരുതപ്പെടുന്ന ഭീമന്‍ ആമയെ കണ്ടെത്തി. പസഫിക് സമുദ്രത്തിന് സമീപമുള്ള ഫെര്‍നാന്റിന ദ്വീപില്‍ നിന്നുമാണ് ഈ അപൂര്‍വ്വയിനത്തില്‍പ്പെട്ട ആമയെ കണ്ടെത്തിയത്. 'ചെലോനോയിഡിസ് ഫന്റാസ്റ്റിക്കസ്'എന്നാണ് ഈ ആമ അറിയപ്പെടുന്നതെന്ന് ഗവേഷകര്‍ പറഞ്ഞു.
1906ലാണ് ഈ വര്‍ഗ്ഗത്തില്‍പ്പെട്ട ആമയെ അവസാനമായി കണ്ടെത്തിയത്. പസഫിക് ദ്വീപ് സമൂഹമായ ഗാലപ്പഗോസിലെ പ്രധാന സംരക്ഷണ കേന്ദ്രത്തിലാണ് ആമ ഇപ്പോള്‍. അപൂര്‍വ്വങ്ങളായ സസ്യ-ജന്തു ജാലങ്ങളാല്‍ പേരു കേട്ടതാണ് ഗാലപ്പഗോസ് ദ്വീപ് സമൂഹം. ചാള്‍സ് ഡാര്‍വിന്റെ പരിണാമത്തെ കുറിച്ചുള്ള ഒറിജിനല്‍ ഓഫ് സ്പീഷീസില്‍ ഈ ഭൂഭാഗത്തെ പറ്റി പ്രതിപാതിച്ചിട്ടുണ്ട്.
ഈ ആമയുടെ വര്‍ഗ്ഗത്തില്‍പ്പെട്ട മറ്റ് ആമകളെയും പ്രദേശത്തുനിന്നും ഇനിയും കണ്ടെത്താന്‍ സാധിക്കുമെന്നാണ് പരിപാലക കേന്ദ്രത്തിലെ ഗവേഷകര്‍ പ്രതീക്ഷിക്കുന്നത്.
VIDEO: Back to life? A Chelonoidis phantasticus - a tortoise thought to have gone extinct about a century ago - has been discovered during an expedition to Fernandina Island in Ecuador’s Galapagos archipelago
— AFP news agency (@AFP) February 21, 2019
📹 @photoroco pic.twitter.com/oxKmabRAG2
ആമയുടെ കൃത്യമായ വയസ്സ് കണ്ടെത്തുന്നതിനുവേണ്ടി ജനിതക പരിശോധന നടത്തുമെന്നും അധികൃതർ അറിയിച്ചു. ഗാലപ്പോസില്‍ ഇതുവരെയായി 15 ഇനം ആമകളെ കണ്ടെത്തിയിട്ടുണ്ട്. ഇവയില്‍ രണ്ടെണ്ണം ഇതിനോടകം തന്നെ വംശ നാശം സംഭവിച്ചു കഴിഞ്ഞുവെന്നും അധികൃതർ അറിയിച്ചു.
