അപ്രതീക്ഷിതമായി തീരുമാനിച്ചത്; ആ യാത്രയെക്കുറിച്ച് വിജയ് മാധവും ദേവികയും
രണ്ടാമത്തെ കുഞ്ഞിന്റെ വരവിനായി കാത്തിരിക്കുന്ന വിജയ് മാധവും ദേവിക നമ്പ്യാരും അപ്രതീക്ഷിത യാത്ര പോകുന്നു.
 )
കൊച്ചി: ടെലിവിഷനിലും വ്‌ളോഗുകളിലൂടെയുമായി പ്രേക്ഷകര്‍ക്ക് സുപരിചിതരാണ് വിജയ് മാധവും ദേവിക നമ്പ്യാരും. മകനായ ആത്മജയുടെ വിശേഷങ്ങളും വ്‌ളോഗിലൂടെ പങ്കിടാറുണ്ട്. രണ്ടാമത്തെ കുഞ്ഞിന്റെ വരവിനായി കാത്തിരിക്കുകയാണ് ഇവര്‍. അടുത്തിടെയായിരുന്നു രണ്ടാമതൊരാള്‍ വരുന്നതിന്റെ സന്തോഷം പങ്കുവെച്ചത്. ഇത് പ്ലാന്‍ഡൊന്നുമല്ല, ദൈവം തരുന്നതല്ലേ, അത് സ്വീകരിക്കുന്നു എന്നായിരുന്നു വിജയ് മാധവ് പറഞ്ഞത്.
ആദ്യത്തേത് പോലെയല്ല ഇത്തവണ കുറച്ച് മാറ്റങ്ങളുണ്ടെന്നായിരുന്നു ദേവിക പറഞ്ഞത്. ഇടയ്ക്ക് ചില വയ്യായ്മയൊക്കെ വന്നെങ്കിലും ചെറിയ യാത്രകളൊക്കെ ചെയ്യാനുള്ള പ്ലാനിലാണ് ഇത്തവണ. അതുപോലെ തന്നെ വ്‌ളോഗും ചെയ്യണമെന്നുണ്ട്. എവിടെയെങ്കിലും പോവാനായി പെട്ടി തയ്യാറാക്കി വെച്ചിട്ട് രണ്ടാഴ്ചയായി. അണ്‍പ്ലാന്‍ഡ് ട്രിപ്പ് എന്ന ക്യാപ്ഷനോടെയാണ് വിജയ് പുതിയ വീഡിയോ പങ്കുവെച്ചിട്ടുള്ളത്. കൃത്യമായ പ്ലാനിഗൊക്കെയായി പോയപ്പോഴെല്ലാം പണി പാളിയിട്ടേയുള്ളൂ. ഉള്ള ഡ്രസൊക്കെ എടുത്തങ്ങ് ഇറങ്ങാം നമുക്ക്. നമ്മള്‍ മൂന്ന് പേരുടെ ആരോഗ്യം വെച്ച് പോവാനാവുന്ന സ്ഥലങ്ങളിലൊക്കെ പോവാം. തിരുവനന്തപുരത്തെ വീട്ടില്‍ നിന്നും ഇറങ്ങിയപ്പോള്‍ മുതലുള്ള വിശേഷങ്ങളാണ് പുതിയ വ്‌ളോഗിലുള്ളത്.
കസിന്റെ വീട്ടിലേക്ക് പോവുന്നുണ്ടെന്നും, അത് നിങ്ങളെ കാണിക്കാമെന്നും പറഞ്ഞെങ്കിലും അവിടെ എത്തിയപ്പോള്‍ സമയം വൈകിയിരുന്നു. പറയുന്നതോ, പ്ലാന്‍ ചെയ്യുന്നതോ നടക്കണമെന്നില്ലല്ലോ. കൊച്ചിയിലെത്തിയതിനെക്കുറിച്ചും ദേവിക സംസാരിച്ചിരുന്നു. ഇനി എങ്ങോട്ടെങ്കിലും പോവുന്നുണ്ടോ, ഇവിടെ വിശ്രമിക്കുകയാണോയെന്ന കാര്യം തീരുമാനിച്ചിട്ടില്ല. വീണിടം വിഷ്ണുലോകമെന്ന പോളിസിയാണ് എന്റേത്. എവിടേക്കാണ് പോവേണ്ടതെന്ന് പറഞ്ഞാല്‍ നമുക്ക് അതനുസരിച്ച് ചെയ്യാമെന്നും വിജയ് ദേവികയോട് പറഞ്ഞിരുന്നു.
ഇത്ര സമയത്ത് ഇറങ്ങി, ഇത് ചെയ്ത് ഇങ്ങനെ പോണമെന്ന് പറയുന്ന ആളാണ് മാഷ്. പെര്‍ഫെക്ഷന്റെ ആളാണ്, ഒരുമിനിറ്റ് തെറ്റിയാല്‍ എല്ലാം പാളും മാഷിന്. എനിക്കാണേല്‍ നേരെ തിരിച്ചാണ്. അപ്പപ്പോള്‍ എന്ത് സംഭവിക്കുന്നുവോ, അതിനനുസരിച്ച് പോയാല്‍ മാത്രമേ ശരിയാവുള്ളൂ. എല്ലാ പ്രാവശ്യവും ഞാന്‍ പറയുന്ന പോലെയല്ലേ കാര്യങ്ങള്‍ നടക്കുന്നത്. ഇത്തവണ താങ്കളുടെ പ്ലാന്‍ പോലെ നടക്കട്ടെയെന്ന് പറഞ്ഞാണ് മാഷ് ഇറങ്ങിയത് എന്നും ഇരുവരും വീഡിയോയിൽ പറയുന്നു.
സല്‍മാന്‍റെ സിക്കന്ദറില്‍ ബോളിവുഡില്‍ നിന്നും മറ്റൊരു സുപ്രധാന താരം
നടിമാര്‍ക്കെതിരെ ‘അഡ്ജസ്റ്റ്മെൻ്റ്’ പരാമര്‍ശം: തമിഴ് താര സംഘടന യൂട്യൂബര്‍ക്കെതിരെ കേസ് കൊടുത്തു
